EBko estatuburu eta gobernuburuak energiaz, Ormuzko blokeoaz eta Ukrainaz arituko dira, Orban gabe egingo den lehen goi-bileran
Goi-bilera antolatu dute gaur-biharretan Zipren, Europako Kontseiluko txandakako presidentetza Mediterraneoko itsasoko hirugarren uharte handienari dagokiolako. Ostiralean Ekialde Hurbileko gerra izango dute hizpide, Jordania, Siria, Libano, Egipto eta Golkoko goi-ordezkariak bertan direla.
EBko estatuburu eta gobernuburuen goi-bilera, Bruselan. Artxiboko argazkia: EFE
Europar Batasuneko 27 gobernuburu eta estatuburuak Zipren elkartuko dira gaur-biharretan, Ekialde Hurbileko gerra eta Ormuzko itsasartearen itxierak eragindako energiaren krisia mahai gainean dituztela.
Goi-bilera Zipren egingo da, Europako Kontseiluko txandakako presidentetza Mediterraneoko itsasoko hirugarren uharte handienari dagokiolako.
Pasa den otsailaren 28an Israelek eta Ameriketako Estatu Batuek Iranen aurka abiatutako erasoaldiaren ondotik Ekialde Hurbilean piztutako gerra ere hizpide izango dute agintariek ostiraleko saioan. Gai hori jorratzeko bertan izango dira Jordania, Siria, Libano, Egipto eta Golkoko goi-ordezkariak ere.
16 urteren ondotik, Viktor Orban Hungariako lehen ministroak parte hartuko ez duen lehen goi-bilera izango da. Hauteskunde orokorrak galdu ostean Europar Kontseiluaren bilerara ez joatea erabaki du, nahiz eta Peter Magyarrek kargua hartu bitartean gobernuburu izaten jarraitzen duen. Orain arte, Hungariako gobernuburuak Europar Batasunean hainbat erabaki hartzea eragotzi du, betoa jarrita.
Hain zuzen ere, Hungariak betoa kenduta, Ukrainari 90.000 milioi euroko mailegua ematea eta Errusia zigortzeko pakete berria onartu zuen atzo EBk.
Gaur, goi-bileraren hasieran, Ukrainako egoeraz arituko dira Volodimir Zelenski presidente ukrainarrarekin. Besteak beste, Europar Batasunean sartu ahal izatea eskatuko die, baina gaur-gaurkoz ez dago adostasunik 27 herrialdeen artean.
Energia krisiari aurre egiteko neurriak eta 2028-2034rako aurrekontuak
Europako Batzordeak energiaren krisiari aurre egiteko neurri sorta onartu eta biharamunean, beren jarrera adieraziko dute 27 herrialdeetako gobernuburu eta estatuburuek. Besteak beste, estatu kideek aukera izango elektrizitatearen gaineko zergak jaisteko, energia bonuak eta tarifa sozialak aktibatzeko, familia zaurgarriei hornidura etetea aldi baterako debekatzeko, bai eta zuzeneko laguntzak emateko.
Horrez gain, 2028-2034 aldirako aurrekontuaren lehentasunak eztabaidatuko dituzte, baina ez dute oraindik erabakirik hartuko.
Zure interesekoa izan daiteke
Trumpek esan du aukera dagoela ostiralean Iranekin bake-negoziazioei berrekiteko
Asteon, Irango Gobernuak argi utzi du Estatu Batuekin berriro biltzeko prest dagoela, baina horretarako "beharrezko baldintzak" ematen direnean. Iran erasoei aurre egiteko "prestatua" dagoela ere esan duten bertako agintariek.
Erresuma Batuak erretzea debekatuko die 2008tik aurrera jaiotakoei
Legea datorren urtetik aurrera sartuko da indarrean, eta, horren arabera, legez kanpokoa izango da tabako-produktuak saltzea 2008. urtea ezkero jaiotakoei. Halaber, debekatu egingo da zigarro elektronikoak erretzea haurrak doazen autoetan, haur-parke, ikastetxe eta ospitaleen inguruetan.
Hainbat ontziri eraso egin diote Ormuzko itsasartean, eta areagotu egin da tentsioa
Ordu gutxitan, bi gertakari izan dira Iranen eta Omanen, Erresuma Batuko Itsas Segurtasuneko agentziak jakinarazi duenez.
Trumpek su-etena luzatu du Iranek akordiorako proposamena aurkeztu arte
Irango agintariek, bestalde, Ekialde Hurbileko eskualdean dituzten inguruko herrialdeei ohartarazi diete handik erasoak jasotzen badituzte "petrolio ekoizpena" "amaituko" dela.
?fmt=webp-alpha&qlt=80)
Europar Batasunak mahai gainean utziko du Israelekin duen elkartze akordioari buruzko eztabaida, oraingoz ez baitu ituna bertan behera uzteko adina babes
Akordioa erabat indargabetzeko beharrezkoa da hogeita zazpi kideak ados egotea; aitzitik, merkataritza-abantailak eteteko, nahikoa da gehiengo kualifikatua izatea.
Giza eskubideak "gobernu suntsitzaileen" jopuntuan daudela ohartarazi du Amnistiak
GKEak nazioarteko zuzenbidearen aurkako erasoak, autoritarismoaren gorakada eta Gazako zein Ukrainako gatazketako zigorgabetasuna salatu ditu, besteak beste.
Iranek AEBri ohartarazi dio ez duela "mehatxupean eta presiopean" negoziatuko eta Vancek bidaia atzeratu du
Su-etena amaitzeko ordu gutxiren faltan, Pakistanek Irani elkarrizketetan parte hartzeko deia egin dio. Bien bitartean, Donald Trump presidenteak ziurtzat jo du Iran Islamabadeko negoziazio mahaian eseriko dela, eta baieztatu du ordezkaritza estatubatuarra bidaliko duela. Hala ere, Vanceren bidaia atzeratzeak egonezina areagotu du.
Bi lagun hil eta hainbat zauritu dira Mexikon, tiroketa batean, Teotihuacango piramideetan
Erasotzailea turistei tiroka hasi zaie, Ilargiaren piramidera igota. Kanadako emakume bat hil du eta hainbat pertsona zauritu ditu; gero, bere buruaz beste egin du.
Starmerrek "onartezintzat" jo du Mandelsonen izendapenari buruzko informazioa berari aurretik ez jakinaraztea
Aurreko saioetan egin duen bezala, Mandelsonen aukeraketaren "ardura osoa" bere gain hartu du, eta barkamena eskatu die Epsteinen biktimei. "Argi eta garbi, huts egin nien nire erabakiarekin".