Europar Batasunak Israelekin duen elkartze akordioari buruzko eztabaida mantenduko du, oraindik bertan behera uzteko babes nahikorik ez dagoelako
Akordioa erabat eteteko beharrezkoa da hogeita zazpi kideak ados egotea; aitzitik, merkataritza-abantailak soilik eteteko, nahikoa da gehiengo kualifikatua izatea.
:eitb-banner?$eitb-banner$&fmt=webp-alpha&qlt=80 "Europar Batasuneko Kanpo Arazoetarako eta Segurtasunerako goi-ordezkaria, Kaja Kallas. Argazkia: EFE")
Europar Batasunak (EB) Kanpo Arazoetarako eta Segurtasunerako duen goi-ordezkariak, Kaja Kallasek, irekita izango du Israelekin elkartze-akordioa guztiz edo partzialki bertan behera uzteko eztabaida, horretarako babes nahikorik ez dagoela egiaztatu baitu. Horretarako eskaria Espainiak eta beste estatu kide batzuek egin zuten, Netanyahuren gobernuak egindako giza-eskubideen urraketak direla-eta.
"Elkartzeko akordioa bertan behera uzteko aho batez onartu behar da, eta aretoan ez da beharrezko babesik izan. Hala, mahai gainean ditugun eta gehiengo kualifikatua behar duten neurriek estatuek beren jarrera aldatzea eskatuko dute. Gaur ez dugu ikusi, baina eztabaida hauek jarraitu egingo dute", adierazi du Kallasek prentsaurreko batean, Europako Batasuneko Atzerri ministroen Kontseiluaren ostean.
Kallasek azaldu duenez, bileran proposamenak izan dira elkartzeko akordioa erabat (Espainia, Irlanda eta Esloveniaren aldetik) edo partzialki eteteko. Aldi berean, Israelek Zisjordanian dituen establimenduetatik datorren merkataritza murrizteko iradokizunak izan dira.
Akordioa erabat eteteko, beharrezkoa da hogeita zazpi herrialdeen adostasuna; aitzitik, merkataritza-abantailak soilik eteteko, nahikoa da gehiengo kualifikatua izatea (gutxienez 15 herrialde, EBko biztanleriaren % 65 ordezkatzen dutenak).
Hala ere, Kallasek esan du ez duela "akordioa bertan behera uztearen inguruko jarrera aldaketarik" ikusi, "mahai gainean proposamen berriak" baino ez.
Horren ildotik, Maros Sefcovic Europako Merkataritza komisarioari Israelekiko merkataritzaren inguruko proposamenak helaraziko dizkiola adierazi du, "legezko xedapenei erreparatzen badiegu, Batzordeak mahai gainean proposamen bat egitea behar dugulako".
Zure interesekoa izan daiteke
Trumpek su-etena luzatu du Iranek akordiorako proposamena aurkeztu arte
Pakistanek eskatuta egin du iragarpena Estatu Batuetako presidenteak.
Giza eskubideak "gobernu suntsitzaileen" jopuntuan daudela ohartarazi du Amnistiak
GKEak nazioarteko zuzenbidearen aurkako erasoak, autoritarismoaren gorakada eta Gaza zein Ukraina gisako gatazketako zigorgabetasuna salatu ditu.
Iranek AEBri ohartarazi dio ez duela "mehatxupean eta presiopean" negoziatuko eta Vancek bidaia atzeratu du
Su-etena amaitzeko ordu gutxiren faltan, Pakistanek Irani elkarrizketetan parte hartzeko deia egin dio. Bien bitartean, Donald Trum presidenteak ziurtzat jo du Iran Islamabadeko negoziazio mahaian eseriko dela, eta baieztatu du ordezkaritza estatubatuarra bidaliko duela. Hala ere, Vancen bidaia atzeratzeak egonezina areagotu du.
Bi lagun hil eta hainbat zauritu dira Mexikon, tiroketa batean, Teotihuacango piramideetan
Erasotzailea turistei tiroka hasi zaie, Ilargiaren piramidera igota. Kanadako emakume bat hil du eta hainbat pertsona zauritu ditu; gero, bere buruaz beste egin du.
Starmerrek "onartezintzat" jo du Mandelsonen izendapenari buruzko informazioa berari aurretik ez jakinaraztea
Aurreko saioetan egin duen bezala, Mandelsonen aukeraketaren "ardura osoa" bere gain hartu du, eta barkamena eskatu die Epsteinen biktimei. "Argi eta garbi, huts egin nien nire erabakiarekin".
Israel eta Libano bigarren aldiz elkartuko dira ostegunean, Washingtonen
Etxe Zuriaren eledun batek jakinarazi duenez, negoziazioen bigarren txandari ekingo diote Israelek eta Libanok apirilaren 23an, eta Washingtonek hartuko ditu elkarrizketa horiek berriro.
Elkartze akordioa bertan behera uzteko gehiengo faltaren aurrean, Kallas Israelen aurkako neurri komertzialen alde agertu da
Joan den irailean, Europako Batzordeak akordioaren merkataritza-puntu jakin batzuk etetea proposatu zuen. Erabaki horrek gehiengo kualifikatua baino ez du eskatzen, eta ez dakar ituna erabat haustea.
Garamendik ohartarazi du EAEk "arazoa" duela inbertsioekin: "Beste erkidegoetan baino gutxiago inbertitzen da"
Espainiako patronalaren presidenteak adierazi duenez, Estatuan egiten diren "greba guztien erdiak" inguru EAEn egiteak "ez du asko laguntzen" inbertsioak erakartzeko orduan.
Iranek su-etena urratzea leporatu dio AEBri, eraso egin baitio ontzi bati Ormuzen
Teheranek salatu du "itsas pirateria" ekintza bat izan dela, eta droneekin erantzun duela. Tentsioa eta mesfidantza areagotzen ari dira, bake akordiorako elkarrizketen atarian.