Europar Batasunak mahai gainean utziko du Israelekin duen elkartze akordioari buruzko eztabaida, oraingoz ez baitu ituna bertan behera uzteko adina babes
Akordioa erabat indargabetzeko beharrezkoa da hogeita zazpi kideak ados egotea; aitzitik, merkataritza-abantailak eteteko, nahikoa da gehiengo kualifikatua izatea.
:eitb-banner?$eitb-banner$&fmt=webp-alpha&qlt=80 "Europar Batasuneko Kanpo Arazoetarako eta Segurtasunerako goi-ordezkaria, Kaja Kallas. Argazkia: EFE")
Europar Batasunak (EB) Kanpo Arazoetarako eta Segurtasunerako duen goi-ordezkariak, Kaja Kallasek, mahai gainean izango du Israelekin elkartze-akordioa guztiz edo partzialki bertan behera uzteko eztabaida, horretarako babes nahikorik ez dagoela egiaztatu baitu. Horretarako eskaria Espainiak eta beste estatu kide batzuek egin zuten, Netanyahuren gobernuak egindako giza-eskubideen urraketak direla-eta.
"Elkartzeko akordioa bertan behera uzteko aho batez onartu behar da, eta aretoan ez da beharrezko babesik izan. Hala, mahai gainean ditugun eta gehiengo kualifikatua behar duten neurriek estatuek beren jarrera aldatzea eskatuko dute. Gaur ez dugu ikusi, baina eztabaida hauek jarraitu egingo dute", adierazi du Kallasek prentsaurreko batean, Europako Batasuneko Atzerri ministroen Kontseiluaren ostean.
Kallasek azaldu duenez, bileran proposamenak izan dira elkartzeko akordioa erabat (Espainia, Irlanda eta Esloveniaren aldetik) edo partzialki eteteko. Era berean, Israelek Zisjordanian dituen kokalekuetako merkataritza murrizteko iradokizunak izan dira.
Akordioa erabat indargabetzeko, beharrezkoa da hogeita zazpi estatuak ados egotea; aitzitik, merkataritza-abantailak eteteko, nahikoa da gehiengo kualifikatua izatea (gutxienez 15 herrialde, EBko biztanleen % 65).
Hala ere, Kallasek esan du ez duela "akordioa bertan behera uztearen inguruko jarrera aldaketarik" ikusi, "mahai gainean proposamen gehiago" jarri direla, besterik ez.
Horren ildotik, Maros Sefcovic Europako Merkataritza komisarioari Israelekiko merkataritzaren inguruko proposamenak helaraziko dizkiola adierazi du, "legezko xedapenei erreparatzen badiegu, Batzordeak mahai gainean proposamen bat egin" behar baita.
Zure interesekoa izan daiteke
Albiste izango dira: EBko Migrazio eta Asilo Ituna, EHUren gradu eta graduondo amaierako ekitaldia San Mamesen eta ibilgailu elektriko berriaren aurkezpena Gasteizko Mercedesen
Gaurkoan Orain-en albiste izango direnen laburpena, bi hitzetan.
EBko Migrazio eta Asilo Ituna indarrean sartu da, horren inguruko zalantzen artean
Arau berriak ezartzen dira estatu kideen artean erantzukizunak banatzeko, asilo- eta itzulketa-prozedurak azkartzen ditu, eta Europar Batasuneko kanpo-mugetako kontrolak indartzen ditu.
Trumpek bertan behera utzi ditu Iranen aurkako erasoak, akordioaren "azken puntuak" adostu ostean
AEBko presidentearen arabera, bi aldeek "akordioaren azken puntuak" onartu dituzte, otsailaren 28an piztutako gatazka armatuari amaiera emateko asmoz. "Itsas blokeoak indarrean jarraituko du transakzio hau amaitu arte; sinaduraren data eta lekua laster iragarriko dira", esan du.
Istiluak izan dira Belfasten, bigarren gauez jarraian
Poliziak ur kanoiak erabili ditu manifestariak sakabanatzeko, Belfasten eta Glengormleyn, horiek agenteei harriak eta botilak jaurti ostean. Derry, Newtownabbey eta Stormont hirietan ere protestak eta istiluak izan dira.
Futbola eta geopolitika: Mussoliniren Munduko Kopa, Maradonaren mendekua eta Frantzia multikulturalaren arrakalak
Futbola, eta bereziki Munduko Txapelketak, historikoki helburu politikoekin erabili izan dira, kirolaren esparrutik harago doazen xedeetarako. Historian zehar horren adibide ugari izan dira.
Ekialde Hurbila Estatu Batuen "infernu" bihurtzeko mehatxua egin du Iranek
Irango Armadak Ormuzko itsasartea "erabat" itxi duela iragarri du, baina AEBk ukatu egin du itxiera hori. Gainera, Irango Guardia Iraultzaileak eraso egin die AEBko base militarrak dituzten Ekialde Hurbileko zenbait herrialderi, tartean, Bahrein, Kuwait eta Jordaniari.
Istilu larriak Belfasten, Sudango gizon batek beste bat labanaz zauritu ondoren
Naomi Long Ipar Irlandako Justizia ministroak indarkeria giroa hauspotzea leporatu dio eskuin muturrari. Pasa den astelehenean Sudango 30 urteko migratzaile batek gizon bat labanaz larri zauritu ondoren istiluak lehertu dira Belfasten. Ipar Irlandako alderdi nagusietako agintariek lasaitasunerako deia egin dute.
Trumpek ere jokatuko du Munduko Kopa, "America is Back" kontakizuna zabaltzeko
AEBko presidenteak Munduko Txapelketarik "handiena, seguruena eta zoragarriena" agindu du, eta hitzordua probestuko du bere burua proiektatzeko, kontraesanak agerian gera daitezkeen arren.
AEBk Irani eraso dio, persiar herrialdeak atzo Washingtonen helikoptero baten kontra egindakoari erantzunez
Ameriketako Estatu Batuek aireko defentsa sistemak, lurreko kontrol estazioak eta Irango radarrak jo dituzte, Ormuzko itsasartetik gertu.
Sanchezek ia 40.000 botoko aldea atera dio Fujimoriri, Perun botoen % 96,6 zenbatu dituztela
Peruko Hauteskundeen Epaimahai Nazionalak (JNE) adierazi duenez, herrialdeko presidentea aukeratzeko hauteskundeen bigarren itzuliko emaitza ofizialak 30 eguneko epean jakinaraziko dituzte.