Europar Batasunak, Ormuz babesteko, Itsaso Gorriko misioa eta Libanon beste bat zabaltzea planteatu du
Europar Batasunak Kanpo Politikarako duen goi-ordezkari Kaja Kallasen ustez, bi misio horiekin, alde batetik, itsasarteko garraioa babestuko litzateke, eta, bestetik, Libanoko Armada indartu.
Europar Batasunak Kanpo Politikarako duen goi-ordezkariak, Kaja Kallasek, Aspides EBren itsas misioa Itsaso Gorrian indartzeko ideia darabiltela berretsi du, hori izan dadin bloke komunitarioak Frantziak eta Erresuma Batuak Ormuzko itsas garraioa babesteko gidatutako nazioarteko operazioari egingo dion ekarpena.
Era berean, aurreratu du EBko hogeita zazpi herrialdeak Libanon Europako misio bat zabaltzea aztertzen ari direla, bertan milaka soldadu baitituzte, NBEk Libanon duen Bitarteko Indarrak (UNIFIL, ingelesezko sigletan) 2027rako aurreikusitako erretiratzearen aurrean.
Estatu kideetako Defentsa ministroen bileraren osteko prentsaurrekoan, Bruselan, Kallasek itsas misioa zabaltzeko ideia jarri du berriro ere mahai-gainean. Bere ustez, "plan operatiboa aldatzearekin nahikoa" izango litzateke, eta estatu kideek ontzi gehiago jartzea proposatu du, 40 herrialde baino gehiagoko koalizioari ekarpena egiteko. Izan ere, horiek Iranen blokeoaren aurrean itsasartean operazio bat egitea aztertzen ari dira.
Europaren diplomazia-buruak defendatu duenez, hori da "aurrera egiteko modurik azkarrena", eta Europar Batasunak Boluntarioen Koalizioan "Europa batera" laguntzeko modu bat litzateke.
Misio bat Libanon, UNIFIL erretiratuko dela eta
Bestalde, Kallasek zehaztu du hogeita zazpi herrialdeak Libanon Europako misio bat zabaltzea aztertzen ari direla; izan ere, UNIFILen mandatua amaitzen denean, "zerbait gehiago egon behar da, zerbait gehiago", eta ministroak elkarrizketetan daudela jakinarazi du, Europa mailako misioa zertan datzan aztertzeko.
"Libanon kontrola indartzeko Europar Batasunaren misio bat martxan jartzea aztertzen ari gara", adierazi du Europako diplomaziaren buruak. Izan ere, modu horretan, "Libanoko Armada zenbat eta indartsuagoa izan" Hezbollah alderdi-milizia xiita ahulagoa izango dela gaineratu du.
Zure interesekoa izan daiteke
Erlojuaren aurka bila ari dira Venezuelan, lurrikarak izan ostean bizirik egon daitezkeenak erreskatatzeko
Nazioarteko lehen laguntza-taldeak eta baliabide logistikoak iristen eta zabaltzen hasi dira. Bitartean, hildakoen eta zaurituen kopuruak gora egiten jarraitzen du etengabe: azken datuen arabera, 1.000 inguru dira hildakoak eta 3.360 zauritu baino gehiago.
Israelek eta Libanok bake akordioa lortu dute Estatu Batuen bitartekaritzarekin
Benjamin Netanyahuk iragarri duenez, Washingtonen lortutako akordioaren ostean, Libano hegoaldean dauden indar israeldarrak bi eremutatik erretiratuko dira. Hezbollah-ek, bere aldetik, ez du akordioa onartu.
Bi euskal herritar desagertuta jarraitzen dute Venezuelako lurrikaren ostean
Zehazki, emakume donostiar bat eta gizon bilbotar bat dira. Orduak igaro ahala, senideek eta hurbilekoek badakite bizirik aurkitzeko aukerak murriztu egiten direla, baina onik topatzeko itxaropenari eusten diote. Bestalde, atzo baieztatu zen Alazne Solabarrieta euskal jatorriko emakumearen heriotza.
Emakume batek hondakinen artean izan du umea Venezuelan
Emakumea erreskatatzen ari zirenean hasi zen erditzen, kaosaren eta hondamendiaren erdian. Erreskate-taldeen lanari esker, ama eta jaioberria bizirik atera zituzten. Gertakari horrek itxaropena piztu du, tragediaren kontrapuntua baita; erreskate-taldeak erlojuaren aurka ari dira lanean, lurrikarak izan ostean hondakinen artean harrapatuta geratu diren pertsonak bizirik erreskatatzeko.
Bi lurrikara gogorrek Venezuela astindu dute eta, gutxienez, 235 hildako eta 4.300 zauritu utzi dituzte
Venezuelako agintariek larrialdi egoera ezarri dute, eta nazioarteari laguntza eskatu diote. AEBko Zerbitzu Geologikoaren arabera, hildakoen kopurua 10.000 eta 100.000 artekoa izan liteke.
Honela jazo dira Venezuelako lurrikarak: bi seismo, minutu bat baino gutxiagoan
Dardara indartsu horiek 280 eraikin ingururi eragin diete, batez ere La Guaira estatuan, eskualde kaltetuena izan baita. Horrez gain, kalte handiak izan dira Caraballedako eta Hondartza Handiko eremuetan. Lurrikara bortitzen ondoren, 30 erreplika izan dira, bereziki La Guaira, Caracas eta Yaracuy estatuak astindu dituztenak.
Mikel Moreno, Caracasen bizi den euskal herritarra: "Eroritako eraikin, zubi eta zuhaitz asko ikusi ditugu"
Mikel La Guairan zegoen lurrikara hasi denean, eta, Agustin, Caracasen. Mikelek etxera itzultzea erabaki du, hiriburura. Ordubetean egiten den ibilbidea osatzeko, ordea, bost ordu behar izan ditu. Ez du ikusitakoa ahaztuko. Erreplikak behin eta berriz nabaritzen dituzte, eta nazioarteko laguntza eskatu dute egoerari aurre egiteko.
Venezuelarekin bat egin du munduak, eta gobernu askok laguntza eskaini dute lurrikaren ostean
Albistearen berri izan orduko mundu osoko gobernu eta erakundeek babesa eta laguntza eskaini diete Venezuelako gobernuari eta herritarrei.
Agustin Otxotorena, Venezuelan bizi den euskal herritarra: "Egunak argitzen duenean, gauza latzak ikusiko ditugu"
Agustin Otxotorena Venezuelan bizi den euskaldunari elkarrizketa egin diote Egun Onen, bertan izan diren lurrikarak direla eta. Dioenez, hainbat eraikin erori dira, baina oraindik gaua da han, hortaz, ezin dute balantzerik egin oraindik.
Europa itolarrian, beroaren ondorioz
Kontinenteak egunak daramatza ezohiko tenperatura altuak jasaten. Beroari aurre egiteko egokituta ez dauden herrialdeak dira gehienak eta herritarrak ahal duten moduan ari dira egun hauek igarotzen. Okerrena, gainera, etortzeko dago herrialde horietan.