Zergatik eman du dimisioa Keir Starmerrek? Hauek dira kolokan utzi zuten polemikak
Agintariaren dimisioaren ondorioz, Erresuma Batuak zazpigarren lehen ministroa izango du hamar urtean.
Keir Starmer Erresuma Batuko lehen ministroak dimisioa eman du astelehen honetan, eta agintea uzteko prozesua nolakoa izango den zehaztu du.
Starmerrek aise irabazi zituen 2024ko uztaileko hauteskunde orokorrak, eta, horrela, amaiera eman zion 14 urteko aro kontserbadoreari. Handik gutxira, baina, haren ospea behera egiten hasi zen, paraleloan Reform UK eskuin muturreko alderdia hazten hasi zen bitartean.
Hain zuzen ere, hauek dira Starmer ahuldu zuten polemiketako batzuk:
- Gobernuak kolpe etikoa jaso zuen Downing Streetera iritsi bezain pronto, Starmerrek eta hainbat ministrok opariak, arropa eta musika-ekitaldietarako sarrerak onartu zituztela jakin zelako.
- Gobernuak murrizketak bultzatu zituen Ongizate Estatuan, hala nola pentsiodunentzako erregai-subsidioan, eta horrek babesak galtzea ekarri zion.
- Nekazaritzaren sektorean ere igo zituen zergak familia-ondasunen herentzietan, eta horrek protestak eragin zituen herrialdearen zati handi batean.
- Starmerrek mugak jarri zituen hirugarren seme-alaba duten familientzako diru-laguntzetan, baina azkenean atzera egin behar izan zuen, presioen ondorioz.
- Angela Raynerrek dimisioa eman zuen lehen ministrorde gisa, eskandalu fiskal baten ondorioz.
- Defentsa aurrekontuari buruzko desadostasunek Indar Armatuen ezinegona eragin zuten. Defentsa kalkuluen arabera, datozen lau urteetan 28.000 milioi libera (32 200 milioi euro) gehiago behar ziren konpromiso estrategikoak betetzeko, baina Starmerrek 10.000 eta 13.000 milioi libera (11 500 eta 15 525 milioi euro artean) baino ez zituen bideratu zeregin horretara.
- Polemika handia piztu zen Peter Mandelson ministro laborista ohia AEBko enbaxadore izendatzeagatik, Jeffrey Epstein estatubatuar pederasta zenarekin loturak zituelako.
- Bi ministro garrantzitsuk dimisioa eman zuten: Wes Streeting (Osasuna) eta John Healey (Defentsa). Izan ere, ez zeuden ados lehen ministroaren kudeaketarekin.
Zure interesekoa izan daiteke
Keir Starmerrek Erresuma Batuko lehen ministro kargua utziko duela iragarri du
Ordezkoa bilatzeko prozesua uztailaren 9an hasiko da, eta egun horretatik aurrera hautagaitzak aurkeztu ahal izango dira alderdia zuzentzeko eta lehen ministro kargua lortzeko. Starmerrek adierazi du bere asmoa trantsizio ordenatu bat erraztea dela, eta erreleboa modu egonkorrean gertatzea.
Abelardo de la Espriella ultraeskuindarrak irabazi ditu Kolonbiako hauteskundeak, %1eko aldearekin
Hautagai ultraeskuindarrak 250.000 boto atera dizkio Ivan Cepeda ezkertiarrari bigarren itzuliko aurre-zenbaketan, eta oposizioak 33.000 mahai inpugnatu dituela iragarri du. Gustavo Petro presidenteak adierazi du oraindik ezin duela presidente berria izendatu.
Trumpen mehatxu berrien ostean, Iranek iragarri du eten egin dituela AEBrekiko negoziazioak, baina Qatarrek dio aurrera jarraitzen dutela
JD Vance AEBko presidenteordea ari da bilera horietan AEB ordezkatzen eta Trumpek ezer esan aurretik, elkarrizketetan "aurrerapauso handiak" eman dituztela adierazi du.
Iranek Libanon "arazoak" sortzen baditu, AEBk erasoei berrekingo diela ohartarazi du Trumpek
Irango Gobernuaren ordezkaritza bat eta AEBkoaren bat Suitzako bainuetxe batean elkartu dira, Teherango programa nuklearrari eta joan den astean adostutako bakerako memorandumari buruz hitz egiteko.
AEBren eta Iranen arteko bake-negoziazioak abian dira, Libanon, Ormuzko itsasartean eta garapen nuklearrean arreta jarrita
Negoziazioak ostiralean hastea espero zen, baina Iranek bertan behera utzi zituen egun horretan, Israelek Libanoko hegoaldean egindako erasoen ondorioz. Teheranek behin-behineko akordioa osorik betetzeko eskatu du, gerrari amaiera emateko.
Starmerrek Erresuma Batuko lehen ministro kargua utziko duela iragar lezake astelehen honetan
Maiatzeko udal hauteskundeetan laboristek nabarmen egin zuten behera, eskuin muturraren mesedetan. Lehen ministroak bere gain hartu zuen porrot horren erantzukizuna, eta bere irudia kolokan dago ordutik.
Inoizko hauteskunde polarizatuenen bigarren itzulia Kolonbian
Hauteskunde aurreko aurreikuspenen arabera, Abelardo de la Espriella ultraeskuindarrak botoen % 50 inguru lor ditzake eta Ivan Cepeda ofizialistak, berriz, botoen % 44. Ikusteko dago iragarpenek asmatzen duten ala ez.
Iranek Ormuzko itsasartea itxi du, eta Trumpek ziurtatu du ez dutela bidesaririk ezarriko
Ekialde Hurbileko gerrari amaiera emateko ituna urratzea egotzi dio AEBri, baita Israelek Libanoko hegoaldean behin eta berriz su-etena urratu izanaren erantzukizuna ere. Abbas Araghtxi Irango Atzerri Gaietarako ministroa Suitzara joan da gaur, AEBri bake memoranduma bete dezala eskatzeko.
Israelek eta Hezbollah miliziak su-etena adostu dute, Israelgo hainbat hedabideren arabera
Hala ere, oraingoz, egoerak ez du baretzeko itxurarik Libanon. Azken orduotan, gutxienez 18 pertsona hil eta 30 baino gehiago zauritu ditu Israelgo Armadak Libano hegoaldean egindako bonbardaketen ondorioz.