Andy Burnhamen Gobernuak argindarraren gaineko BEZa kenduko duela iragarri du
Neurria, hein batean, nortasun digitalari buruzko programa martxan jartzeko proiektua bertan behera utzita finantzatuko da. Proiektu horren kostua urtean 600 milioi libera ingurukoa izango zela aurreikusten zen.
Andy Burnham lehen ministro britainiar berriak oihartzun handiko lehen erabakia hartu du agintera iritsi eta ordu gutxira. Erresuma Batuko Gobernu laboristak astearte honetan iragarri du argindarraren gaineko BEZa kentzea. Burnhamek astelehenean hartu zuen kargua, eta hau izan da Exekutiboaren lehen neurri ekonomikoa.
Argindarraren fakturek ez dute BEZa (% 20 Erresuma Batuan) ordaindu beharko datorren urriaren 1etik aurrera, bizimoduaren garestitzeak eragindako krisia arintzeko helburuarekin, Gobernuak azaldu duenez.
Nortasun digitalaren programa
Neurria, hein batean, nortasun digitalaren programa abian jartzeko proiektua bertan behera utzita finantzatuko da. Egitasmo horren kostua urtean 600 milioi libera ingurukoa (708 milioi euro) izango zela aurreikusten zen, hiru urtez.
Proiektu horren finantzaketa lehendik zeuden sailen aurrekontuetan aurreikusitako aurrezpenetatik etorri behar zen, baina orain funts horiek BEZaren murrizketa estaltzera bideratuko dira.
"Nire asmoa jendeari arnasa ematea zela esan nuen, eta hori da, hain zuzen ere, lehen ministro gisa dudan bigarren egunean iragartzen dudana. Berehala ari gara neurriak hartzen energiaren fakturen gaineko zergak murrizteko, herritarren poltsikoetan diru gehiago uzteko eta itxaropena berreskuratzen laguntzeko", adierazi du Burnhamek ohar batean.
Zure interesekoa izan daiteke
Trumpek dio Ormuzeko itsasartea AEBko lurralde bihurtuko duela "oso laster"
Iran "garaitu" ostean egingo duela esan du AEBetako presidenteak, eta Washingtonen baimenik gabe itsasontziek itsasartea zeharkatu ezingo dutela adierazi du; Teheranek erantzun du ezin dela "txioekin, hegazkin-ontziekin, dekretuekin edo hauteskundeetako hitzaldiekin hartu".
Frantziako Konstituzionalak baliogabetu egin du 15 urtez azpikoei sare sozialak erabiltzeko debekua
Epai horren harira, Emmanuel Macron Frantziako presidenteak Sebastien Lecornu lehen ministroari eskatu dio Gobernuak "testu juridikoki sendoa" presta dezala, epaia bera eta Europako araudia aintzat hartuta, eta erreforma "2027ko udaberria baino lehen" indarrean sartzeko asmoari eusten diola gaineratu du.
Kolonbian 285 dira jada lurrikararen ondorioz hildakoak, eta 379 desagertu daude oraindik
7,4 graduko lurrikararen epizentroa San Jose del Palmarren izan zen, Ozeano Bareko kostaldean dagoen Choco departamenduko herrian. Azken datuen arabera, 3.975 pertsona zauritu eta 45.523 familia kaltetu dira. Horrez gain, 12.828 etxebizitza suntsitu dira.
Beste baso-sute bat piztu da Girondan, eta 1.100 hektarea kiskali ditu jada
Oraingoz, 500 biztanle inguru ebakuatu dituzte sugarrak Luglon herrira hurbildu ahala.
20 elefanteren heriotza misteriotsuak alarma piztu du Kenyan
Amboseli parke nazionalean, Kenyako turismo-gune nagusietako batean, gutxienez 20 elefanteren heriotza zerk eragin duen ikertzen ari dira. Animaliek sintoma berberak dituzte: paralisia, ibiltzeko zailtasunak eta arnasa hartzeko arazoak. Fauna basatiak garrantzia handia du bertako ekonomian, eta kezka gero eta handiagoa da. Albaitariek, zientzialariek eta agintariek ikertzen jarraitzen dute heriotza horiek zerk eragin dituen argitzeko.
Nigel Farage ultranazionalista EBko Parlamentura itzuli da, Clactongo hauteskundeak irabazi ostean
Alderdi nagusiek boikota egin diete hauteskunde horiei, Faragek iritzi publikoaren aurrean bere burua indartzeko egin duen “pantomima bat” izan dela iritzita.
Ikuskizun bikoitza Stonehengen: eguzki-eklipsea eta Pertseidak, gau historiko batean
Stonehenge gau ahaztezin baten agertoki bihurtu da. Eguzki-eklipse partziala izan ostean, monumentu megalitikoak zerura begira jarri du berriro, Pertseiden unerik ikusgarrienaz gozatzeko. Milaka lagunek bat egin dute hitzordu astronomiko bikoitzarekin.
Espainiar bat, Kolonbiako lurrikaran hildakoen artean
Herrialdearen ipar-mendebaldean 7,4 graduko lurrikararen ondorioz 273 pertsona hil eta 3900 inguru zauritu dira.
Eguzki-eklipseak Europa eta Afrikako iparraldea zeharkatu ditu: Islandiatik Aljeriaraino
Ilargiaren itzalak Europa eta Afrika iparraldea zeharkatu ditu, besteak beste. Espainian ez ezik, eguzki-eklipseak Islandian, Italian, Frantzian edo Ingalaterran eta Ipar Afrikan (Tunisian eta Aljerian, esaterako) irudi ikusgarriak utzi ditu.
75 espainiarrek jarraitzen dute lokalizatu gabe Kolonbiako lurrikararen ostean
Atzerri-Ministerioak ez dauka espainiar nazionalitateko hildakoen edo zaurituen berririk, eta agintari diplomatikoekin harremanetan jarri ez direnei beren egoeraren berri emateko eskatu die.