Iranek Ekialde Hurbilean egindako erasoen ondorioz AEBko 100 militar inguru zauritu dira, Pentagonoaren arabera
Pasa den asteburuan Pentagonoak berak baieztatu zuenez, hiru soldadu estatubatuar hil dira Iranek Jordanian eta Iraken egindako erasoetan. AEBko Armadak 10 egun jarraian daramatza Irango helburuen aurka eraso egiten, eta Iranek Jordania, Kuwait, Bahrain eta beste herrialde aliatu batzuetan eraso eginez erantzun du.
Pentagonoaren egoitza nagusia, airetik ikusita. Artxiboko argazkia: Europa Press
Pentagonoaren informazioaren arbera, Ekialde Hurbilean ia 100 soldadu estatubatuar zauritu dir pasa den uztailaren 7tik, Ameriketako Estatu Batuen eta Iranen arteko tentsioak gora egin eta bien arteko erasoak areagotu direnetik, hain zuzen ere.
Hala baieztatu du Sean Parnell AEBko Defentsa Departamentuaren bozeramaileak CBS News telebista katean egin dioten elkarrizketan.
Hamargarren gauez jarraian AEBk Irani eraso egin dio, Errepublika Islamikoak Ormuzko itsasartean dabiltzan itsasontzien aurka egiteko duen gaitasuna "ahultzeko" asmoz. Iranek, bere aldetik, Estatu Batuek Jordanian, Kuwaiten, Bahrainen eta beste herrialde aliatu batzuetan dituen base militarren aurka egin du.
Pasa den asteburuan Pentagonoak berak emandako datuen arabera, bi soldadu estatubatuar hil eta bat desagertu da Iranek Jordanian egindako erasoetan. Halaber, Iranek Iraken botatako jaurtigai bat indargabetzen ari zela soldadu estatubatuar bat hil zen.
AEBk Irani eraso egin dio hamargarren egunez
Hamargarren gauez jarraian, Iranen aurkako eraso oldea burutu duela jakinarazi du bart Centcom AEBko armadaren Komandantzia Nagusiak.
Komandantzia Nagusiak sare sozialetan zabaldutako mezu baten arabera, "Iranen aginte militarreko zentroak, itsasoko baliabideak, misilak eta droneak jaurtitzeko plataformak eta aire defentsarako sistemak" izan dituzte jomugan.
Irango hedabideek zabaldutako informazioaren arabera, leherketak eragin dira Bandar Abbas, Bandar Lenge, Siri, Kexm (Ormuzko itsasartearen parean), Xiraz (Fars), Buxehr eta Abdanan hirietan eta Txabahar eta Konarak portuetan.
Zure interesekoa izan daiteke
Ia mila hildako Kongon, ebola-agerraldiaren ondorioz
Hilkortasun-tasa % 39,9koa da. Munduko Medikuak erakundeak ohartarazi du testuinguru "oso konplexua" dagoela, gatazkak, herritarren joan-etorriek eta osasun-sistemaren gaitasun mugatuak markatuta, eta "lau epidemiari aldi berean" egin behar dietela aurre: "ebola, kolera, elgorria eta mpoxa".
Andy Burnhamen Gobernua argindarraren gaineko BEZa kentzekotan dagoela iragarri du
Neurria, hein batean, nortasun digitalari buruzko programa martxan jartzeko proiektua bertan behera utzita finantzatuko da. Proiektu horren kostua urtean 600 milioi libera ingurukoa izango zela aurreikusten zen.
Nikaraguako presidenteak iragarri du aurrerantzean ez dela hauteskunderik izango herrialdean
Berez, 2027 azaroan egin beharko lirateke hauteskundeak, baina 2007tik herrialdean agintzen duen Daniel Ortega presidenteak egindako iragarpenak atea itxi die hauteskundeei.
Trumpek dio AEBtan ez dutela Netanyahu atxilotuko
Irailean NBEren egoitzara joan daiteke Israelgo lehen ministroa. Zohran Mamdani New Yorkeko alkateak adierazi du Netanyahu "gerra kriminala" dela, eta atxilotzeko aukera aztertzen ari dela.
Huthiek itsas blokeoa ezarri diote Saudi Arabiari, Riadeko "setioari" erantzuteko
Neurria "begia begi truk" dela adierazi dute, saudiarabiarrek Yemenen duela hamabi urtetik duten blokeoari aurre egiteko.
Burnhamek Erresuma Batuko lehen ministro kargua hartu du, eta "eredu politiko eta ekonomiko berria" ezarriko duela agindu du
Etorkizuneko gobernuaren lehentasunen artean aipatu ditu hezkuntza-sistemaren erreforma, osasun mentaleko zerbitzuak indartzea eta etxebizitza subentzionatu gehiago eraikitzea.
AEBk Iran bonbardatu du bederatzigarren gauez jarraian
Iranek, bere aldetik, Estatu Batuek Kuwaiten eta Bahrainen dituen hainbat base militarren aurka egin du, eta Bahrainek aire erasoen aurkako sirenak aktibatu ditu.
Trump Espainiaren ospakizunera batu nahi izan da, baina albo batera utzi dute
AEBko presidente Donald Trump FIFAren buru Gianni Infantinorekin batera igo zen oholtzara, Munduko Kopako garaikurra Espainiako selekzioaren kapitain Rodriri ematera. Agertokia uzteko denbora eman bazioten ere, Trump munduko txapeldunen ospakizunen argazkian ateratzen saiatu zen.
Istiluak Buenos Airesen, Argentinak Munduko Txapelketako finalean galdu ostean
Argentinak Munduko Txapelketako finalean galdu ostean, tristura, Lionel Messiri omenaldia eta tentsio uneak izan dira Buenos Airesen. Poliziak istiluen aurkako unitateekin eta ur kanoiekin esku hartu du obeliskoan izandako istiluetan.