AEBk Iran bonbardatu du bederatzigarren gauez jarraian
Iranek, bere aldetik, Estatu Batuek Kuwaiten eta Bahrainen dituen hainbat base militarren aurka egin du, eta Bahrainek aire erasoen aurkako sirenak aktibatu ditu.
Ameriketako Estatu Batuetako itsas armadako hegazkinak. Artxiboko argazkia: Europa Press
Ameriketako Estatu Batuen eta Iranen arteko gatazka konpontzetik urrun dagoela dirudi. Bederatzigarren gauez jarraian AEBk Irani eraso egin dio, Errepublika Islamikoak Ormuzko itsasartean dabiltzan itsasontzien aurka egiteko duen gaitasuna "ahultzeko" asmoz.
Centcom AEBko armadaren Komandantzia Nagusiak Iranen aurkako eraso oldea abiatu duela jakinarazi du 19:00etan (Euskal Herrian 01:00ak zirenean), sare sozialetan zabaldutako mezu batean.
Hiru ordu geroago, gaurko erasoak amaitutzat eman dituela iragarri du. Komandantzia Nagusiaren arabera, aginte militarreko zentroak, aire defentsarako sistemak eta zaintzarako guneak, itsas gaitasunak, misilak eta droneak jaurtitzeko plataformak eta komunikazio sareak izan dituzte jomugan.
Tasnim Irango berri agentziak zabaldutako informazioaren arabera, hainbat leherketa gertatu dira Txabahar, Konarak, Bandar Mahxehr, Bandar Imam Khomeini eta Tabriz hirietan.
Iranek erasoak egin ditu Jordanian eta Kuwaiten
Irango Guardia Iraultzaileak astelehen honetan iragarri duenez, AEBk Jordanian eta Kuwaiten dituen hainbat base militarren aurka egin du eta Jordanian dozenaka soldadu hil ditu. Kuwaiten, berriz, radar sistemak suntsitu dituela nabarmendu du.
Bahraingo Barne Ministerioak aire erasoen aurkako sirenak aktibatu ditu eta herritarrei eskatu die lasai egoteko, gertueneko babeslekuera joateko eta informazioa kanal ofizialen bidez jasotzeko.
Ordu batzuk lehenago, Iranek Bahrainen aurka egin zezakeela ohartarazi du AEBk Bahrainen duen enbaxadak.
Zure interesekoa izan daiteke
Trumpek dio AEBtan ez dutela Netanyahu atxilotuko
Irailean NBEren egoitzara joan daiteke Israelgo lehen ministroa. Zohran Mamdani New Yorkeko alkateak adierazi du Netanyahu "gerra kriminala" dela, eta atxilotzeko aukera aztertzen ari dela.
Huthiek itsas blokeoa ezarri diote Saudi Arabiari, Riadeko "setioari" erantzunez
Neurria "begia begi truk" dela adierazi dute, saudiarabiarrek Yemenen duela hamabi urtetik duten blokeoari aurre eginez.
Burnhamek Erresuma Batuko lehen ministro kargua hartu du, eta "eredu politiko eta ekonomiko berria" ezarriko duela agindu du
Etorkizuneko gobernuaren lehentasunen artean aipatu ditu hezkuntza-sistemaren erreforma, osasun mentaleko zerbitzuak indartzea eta etxebizitza subentzionatu gehiago eraikitzea.
Trump Espainiaren ospakizunera batu nahi izan da, baina albo batera utzi dute
AEBko presidente Donald Trump FIFAren buru Gianni Infantinorekin batera igo zen oholtzara, Munduko Kopako garaikurra Espainiako selekzioaren kapitain Rodriri ematera. Agertokia uzteko denbora eman bazioten ere, Trump munduko txapeldunen ospakizunen argazkian ateratzen saiatu zen.
Istiluak Buenos Airesen, Argentinak Munduko Txapelketako finalean galdu ostean
Argentinak Munduko Txapelketako finalean galdu ostean, tristura, Lionel Messiri omenaldia eta tentsio uneak izan dira Buenos Airesen. Poliziak istiluen aurkako unitateekin eta ur kanoiekin esku hartu du obeliskoan izandako istiluetan.
Munduko Txapelketako finalaren ostean Espainiarekin "tirabirarik" ez dagoela esan du Trumpek
Estatu Batuetako presidenteak adierazi du Espainia zoriondu duela Munduko Txapelketako finalean lortutako garaipenagatik, eta ukatu egin du Madrilekin tirabirarik dagoela.
Milaka israeldarrek lau kontrol militar gainditu dituzte Gazako Zerrendara sartu eta berriz kolonizatzeko helburuz
Gobernuan den Likud alderdiko hainbat ministro ari dira Nazhala kolonizazio taldeak antolatutako "Milen Martxa" deiturikoan parte hartzen. Palestinako inguru horren kolonizazioari berriro ekitea da ekimenaren helburua.
Venezuelako lurrikarren ondorioz 5.100 hildako zenbatu dituzte orain arte
16.700etik gora dira zaurituak eta 128.000 familia baino gehiago daude kaltetuta. Euskal jatorriko hiru herritar hil ziren ekainaren 24ko lurrikaren ondorioz.
Errusiak Kiev kolpatu du, gerrako misil balistikoekin egindako eraso handienean
Errusiak areagotu egin ditu azken egunotan misil balistikoen erasoak Ukrainaren aurka, Kievek AEBk diseinatutako aire defentsa gutxiago dituen unean. Hainbat pertsona hil dira, eta dozena bat zauritu zenbatu dituzte.