Nikaraguako presidenteak iragarri du aurrerantzean ez dela hauteskunderik izango herrialdean
Berez, 2027 azaroan egin beharko lirateke hauteskundeak, baina 2007tik herrialdean agintzen duen Daniel Ortega presidenteak egindako iragarpenak atea itxi die hauteskundeei.
Daniel Ortega Nikaraguako presidentearen irudia duen kamiseta bat, eskegita. Artxiboko argazkia: EFE
Daniel Ortega Nikaraguako presidenteak bertan behera utzi ditu 2027ko azaroan egitekoak ziren hauteskunde orokorrak, eta iragarri du aurrerantzean ez dela hauteskunderik izango Nikaraguan. Gerrillari sandinista izandakoa da eta bi alditan izan da herrialdeko presidentea: 1985-1990 aldian eta 2007tik gaur egun arte.
"Hemen ez da berriro hauteskunderik egingo", esan zuen Ortegak iraultza sandinistaren 47. urteurrena ospatzeko pasa den igandean egindako hitzaldian.
Hitzaldian, hauteskundeak irabazteko "konspiratzen, alderdiak nola antolatu pentsatzen" aritzea leporatu zien oposizioko kideei. Halaber, yankiek jarritako alderdiak ez direla inoiz berriro agintera itzuliko nabarmendu zuen.
2007an bigarren aldiz agintea hartu zuenetik etengabe izan dira hauteskundeetako iruzur salaketak; gainera, oposizioko hautagaiak espetxeratu eta kargu publikoak izateko debekua ezarri die.
Orain, 80 urterekin, Rosario Murillo emazte eta presidenteordearekin batera Nikaraguan agintzen jarraitzen du.
Zure interesekoa izan daiteke
Ia mila hildako Kongon, ebola-agerraldiaren ondorioz
Hilkortasun-tasa % 39,9koa da. Munduko Medikuak erakundeak ohartarazi du testuinguru "oso konplexua" dagoela, gatazkak, herritarren joan-etorriek eta osasun-sistemaren gaitasun mugatuak markatuta, eta "lau epidemiari aldi berean" egin behar dietela aurre: "ebola, kolera, elgorria eta mpoxa".
Andy Burnhamen Gobernua argindarraren gaineko BEZa kentzekotan dagoela iragarri du
Neurria, hein batean, nortasun digitalari buruzko programa martxan jartzeko proiektua bertan behera utzita finantzatuko da. Proiektu horren kostua urtean 600 milioi libera ingurukoa izango zela aurreikusten zen.
Iranek Ekialde Hurbilean egindako erasoen ondorioz AEBko 100 militar inguru zauritu dira, Pentagonoaren arabera
Pasa den asteburuan Pentagonoak berak baieztatu zuenez, hiru soldadu estatubatuar hil dira Iranek Jordanian eta Iraken egindako erasoetan. AEBko Armadak 10 egun jarraian daramatza Irango helburuen aurka eraso egiten, eta Iranek Jordania, Kuwait, Bahrain eta beste herrialde aliatu batzuetan eraso eginez erantzun du.
Trumpek dio AEBtan ez dutela Netanyahu atxilotuko
Irailean NBEren egoitzara joan daiteke Israelgo lehen ministroa. Zohran Mamdani New Yorkeko alkateak adierazi du Netanyahu "gerra kriminala" dela, eta atxilotzeko aukera aztertzen ari dela.
Huthiek itsas blokeoa ezarri diote Saudi Arabiari, Riadeko "setioari" erantzuteko
Neurria "begia begi truk" dela adierazi dute, saudiarabiarrek Yemenen duela hamabi urtetik duten blokeoari aurre egiteko.
Burnhamek Erresuma Batuko lehen ministro kargua hartu du, eta "eredu politiko eta ekonomiko berria" ezarriko duela agindu du
Etorkizuneko gobernuaren lehentasunen artean aipatu ditu hezkuntza-sistemaren erreforma, osasun mentaleko zerbitzuak indartzea eta etxebizitza subentzionatu gehiago eraikitzea.
AEBk Iran bonbardatu du bederatzigarren gauez jarraian
Iranek, bere aldetik, Estatu Batuek Kuwaiten eta Bahrainen dituen hainbat base militarren aurka egin du, eta Bahrainek aire erasoen aurkako sirenak aktibatu ditu.
Trump Espainiaren ospakizunera batu nahi izan da, baina albo batera utzi dute
AEBko presidente Donald Trump FIFAren buru Gianni Infantinorekin batera igo zen oholtzara, Munduko Kopako garaikurra Espainiako selekzioaren kapitain Rodriri ematera. Agertokia uzteko denbora eman bazioten ere, Trump munduko txapeldunen ospakizunen argazkian ateratzen saiatu zen.
Istiluak Buenos Airesen, Argentinak Munduko Txapelketako finalean galdu ostean
Argentinak Munduko Txapelketako finalean galdu ostean, tristura, Lionel Messiri omenaldia eta tentsio uneak izan dira Buenos Airesen. Poliziak istiluen aurkako unitateekin eta ur kanoiekin esku hartu du obeliskoan izandako istiluetan.