Arratsaldetik aurrera, zaparrada trumoitsuak egongo dira berriro Gipuzkoa ekialdean
Euri-jasa handiak izan daitezke leku batzuetan, eta txingorra ere bota dezake. Nafarroan, alerta horiari eutsi dio Aemetek, ekaitz gogorrak izango baitira.
Eguraldi gorabeheratsua izaten jarraituko dugu larunbat honetan. Uholdeak izan dira Gipuzkoa ekialdean bart gauean eta goizaldean botatako euri-jasa handien ondorioz, eta baliteke gaur arratsalde-iluntzean ere zaparrada handiak botatzea inguru horretan.
Gaur, tenperaturak behera egingo du, eta maximoak atzokoak baino 8-10 ºC baxuagoak izango dira isurialde atlantikoko barnealdeko zenbait puntutan. Zerua oso hodeitsu egongo da, eta hodeitza trinkoagoa izango da iparraldean. Zirimiria egingo du han-hemenka. Arratsaldean eta gauean, zaparrada trumoitsuak bota ditzake ekialdean, eta zaparrada handiak izan daitezke eta txingorra egin dezake zenbait lekutan. Mendebal ipar-mendebaldeko haizea ibiliko da. Tenperatura maximoak 20 eta 23 ºC artekoak izango dira, zertxobait altuagoak Ebro ibarrean.
Giro motela eta umela izango da igandean. Zirimiria egingo du goizean ipar partean. Goizaldean, trumoi-zaparradaren bat bota dezake ekialdean. Ipar-mendebaldeko haizea ibiliko da, eta tenperatura maximoak larunbateko maila berdintsuan edo graduren bat beherago geldituko dira; 20 ºC ingurukoak izango dira.
Astelehen arratsalderako, giroa argituz joango da. Goizean, zerua lainotuta egongo da, batez ere isurialde atlantikoan. Egunak aurrera egin ahala, ordea, hodeitza zulatuz joango da, eta zerua hodei gutxirekin geratuko da arratsaldean eta gauean. Eki ipar-ekialdeko haizea ibiliko da. Tenperatura maximoak igandekoak baino 2 eta 5 ºC altuagoak izango dira.
Asteartean, are gehiago argituko da zerua, tenperaturak gora egingo du eta joera horrekin jarraituko du hurrengo egunetan ere.
Kontsulta ezazu eguraldiaren iragarpena, eta bidali zure argazkiak eta bideoak.
Eguraldiari buruzko albiste gehiago
Abisu horia arratsaldetik aurrera, prezipitazio handiak botako ditu eta
Aurreikuspenen arabera, ordubetean metro koadroko 15 litro baino gehiago pilatuko dira isurialde kantauriarrean eta, bereziki, kostaldean.
Giro grisa, freskoa eta bustia udari agur esateko
Zaparrada ugari espero dira, eta askotan mardulak izango dira, isurialde atlantikoan gehienbat. Tenperaturari dagokionez, maximoak ez dira 18 ºC-tik gora pasatuko.
1970etik hirugarren udarik beroena amaitu da Euskadin
Ekainean, uztailean eta abuztuan hiru bero-bolada izan dira: lehena ekainaren 18tik 21era, bigarrena ekainaren 27tik uztailaren 1era eta hirugarrena abuztuaren 10etik 17ra.
Eguraldi aldaketa larunbat arratsaldetik aurrera: tenperaturak behera eta euria
Larunbat eguerdian haizeak iparraldera egingo du eta tenperaturak jaitsiko dira. Gainera, arratsaldean bero-hodeiak agertuko dira eta baliteke zaparrada trumoitsuak izatea. Igandean giro motelagoa eta nabarmen freskoagoa izango da.
Abisu horia ezarri dute ostegunerako eta ostiralerako Bizkaian eta Gipuzkoan, 35 graduko tenperaturak direla eta
Datozen egunei begira, beroa egingo du eta bero bolada larunbatera arte luzatuko da. Hala ere, igandean udazken giroa itzuliko da eta tenperaturak nabarmen jaitsiko dira.
Hodeiak eta ostarteak tartekatuko dira udako azken astean
Hurrengo astea aldaketa gutxirekin dator. Izan ere, hodeiak eta ostarteak tartekatuz joango dira, eta zirimiria ere izango dugu noizbehinka.
Eguraldiak hobera egingo du asteburu honetan; igandean eguzkia izango dugu eta tenperaturek gora egingo dute
Gaur hodeiak eta euri txikia izango ditugu isurialde atlantikoan, baina eguraldiak hobera egingo du Euskadin asteburuan zehar, zerua oskarbi egongo baita batzuetan eta tenperaturak nabarmen egingo baitu gora igandera begira.
2025eko abuztua beroenetan hirugarrena izan da
Batezbesteko globala 16,60°C izanik, 2025eko abuztua beroetan hirugarrena izan da erregistroak daudenetik, 2023 eta 2024aren atzetik. Europako hego-mendebaldea bero-boladen pean erretzen ari zen bitartean, Australiak eta Hego Amerikako zati batek batezbestekoaren azpiko tenperaturak izan zituzten.
Arratsaldearekin batera etorri da iragarritako aldaketa, eta atseden eman du beroak
Gau tropikala izan da bart, kostan zein barnealdean. 25 eta 29 ºC arteko tenperaturak egon dira goizaldean, eta antzeko giroarekin argitu du egunak. Igande arratsaldean etorri da aldaketa, eta aste hasieran nabarmen freskatuko du.
Bero sapa Sopuertan eta Gueñesen, 36 gradutik gorako tenperaturekin
Gaurko beroenak Sopuertan eta Gueñesen neurtu dituzte (36,7 ºC eta 36,6 ºC). Euskalmeten arabera, Amoroton 36,1 ºC harrapatu dituzte, eta Balmasedan eta Galdakaon, 35,3 ºC.