Muturreko beroa bueltan da: alerta laranja, aktibo
Aurreikuspenen arabera, termometroak 40 gradutik gora izango dira Bizkaiko eta Gipuzkoako barnealdean, eta 35 gradutik gora kostaldean.
Duela hamar egun hasi zen bero bolada gogortu egingo da gaur, atzoko etenaren ondoren, eta hegoalde osoa alerta laranjan egongo da, 40 gradu baino gehiago izan daitezkeelako barnealdeko zonalde batzuetan.
Eusko Jaurlaritzako Segurtasun Sailak alerta laranja aktibatu du Euskal Autonomia Erkidego osoan 12:00etatik 20:00etara. Euskal Meteorologia Agentziak (Euskalmet) 39 graduko maximoak iragarri ditu Bizkaiko eta Gipuzkoako barnealdetan, eta 38 eta 39 gradu arteko tenperaturak Araban. Oraingoan, kostaldea ez da muturreko berotik libratuko, termometroak 35 gradura iritsiko baitira. Hori dela eta, 12:00etatik 17:00etara abisu horia izango da, 30 gradutik gorako tenperaturak egongo direlako.
Nafarroan, AEMETek 40 gradu inguruko tenperaturak aurreikusi ditu, eta, ondorioz, alerta laranja ezarriko dute 13:00etatik 21:00etara muturreko beroagatik.
ALERTA LARANJA
Muturreko beroari aurre egiteko aholku sorta
Ezinbestekoa da prebentzio-neurriak areagotzea. Horretarako, hemen dituzu gomendio batzuk.
Beroak asteburu osoan zehar jarraituko du
Larunbatean, Araban soilik izango da alerta laranja, 13:00etatik 20:00etara, maximoak 38 gradu ingurukoak izan baitaitezke. Bizkaian eta Gipuzkoan, alerta maila txikiagoa izango da, eta abisu horia aktibatuko dute 12:00etatik 19:00etara, maximoak 30 gradukoak izango baitira kostaldean eta 34 gradukoak barnealdean.
Halaber, abisu horia egongo da erkidego osoan tenperatura iraunkorrengatik, gauean ez baitu gehiegi freskatuko. Minimoak 20 ingurukoak izan daitezke kostaldean, eta 18koak barnealdean.
Euskalmeten arabera, igandea beroa izango da, baina aurreko egunetan baino zertxobait gutxiago. Maximoak 27 gradukoak izango dira kostaldean, 34 gradukoak Bizkaiko eta Gipuzkoako barnealdean, 36 gradukoak Araba erdialdean eta 37koak Ebroko ibarrean.
Eguraldiari buruzko albiste gehiago
Abisu horia Nafarroan, ekaitzengatik eta euriagatik
Horrez gain, Ebroko Konfederazio Hidrografikoak ohartarazi du igande honetan ur-goraldiak izan daitezkeela ubide txikietan eta amildegietan.
Eguzkia eta tenperaturak gora gaur, kontraste handiko asteburua baino lehen
Ostiral eguzkitsua izango dugu, behe-lainoarekin barnealdeko zenbait puntutan, eta maximoak apur bat igoko dira. Larunbata epelagoa eta atseginagoa izango da, baina igandean hodeiak, iparraldeko haizea eta euri txikia espero dira.
Abisu horia arratsaldetik aurrera, prezipitazio handiak botako ditu eta
Aurreikuspenen arabera, ordubetean metro koadroko 15 litro baino gehiago pilatuko dira isurialde kantauriarrean eta, bereziki, kostaldean.
Giro grisa, freskoa eta bustia udari agur esateko
Zaparrada ugari espero dira, eta askotan mardulak izango dira, isurialde atlantikoan gehienbat. Tenperaturari dagokionez, maximoak ez dira 18 ºC-tik gora pasatuko.
1970etik hirugarren udarik beroena amaitu da Euskadin
Ekainean, uztailean eta abuztuan hiru bero-bolada izan dira: lehena ekainaren 18tik 21era, bigarrena ekainaren 27tik uztailaren 1era eta hirugarrena abuztuaren 10etik 17ra.
Eguraldi aldaketa larunbat arratsaldetik aurrera: tenperaturak behera eta euria
Larunbat eguerdian haizeak iparraldera egingo du eta tenperaturak jaitsiko dira. Gainera, arratsaldean bero-hodeiak agertuko dira eta baliteke zaparrada trumoitsuak izatea. Igandean giro motelagoa eta nabarmen freskoagoa izango da.
Abisu horia ezarri dute ostegunerako eta ostiralerako Bizkaian eta Gipuzkoan, 35 graduko tenperaturak direla eta
Datozen egunei begira, beroa egingo du eta bero bolada larunbatera arte luzatuko da. Hala ere, igandean udazken giroa itzuliko da eta tenperaturak nabarmen jaitsiko dira.
Hodeiak eta ostarteak tartekatuko dira udako azken astean
Hurrengo astea aldaketa gutxirekin dator. Izan ere, hodeiak eta ostarteak tartekatuz joango dira, eta zirimiria ere izango dugu noizbehinka.
Eguraldiak hobera egingo du asteburu honetan; igandean eguzkia izango dugu eta tenperaturek gora egingo dute
Gaur hodeiak eta euri txikia izango ditugu isurialde atlantikoan, baina eguraldiak hobera egingo du Euskadin asteburuan zehar, zerua oskarbi egongo baita batzuetan eta tenperaturak nabarmen egingo baitu gora igandera begira.
2025eko abuztua beroenetan hirugarrena izan da
Batezbesteko globala 16,60°C izanik, 2025eko abuztua beroetan hirugarrena izan da erregistroak daudenetik, 2023 eta 2024aren atzetik. Europako hego-mendebaldea bero-boladen pean erretzen ari zen bitartean, Australiak eta Hego Amerikako zati batek batezbestekoaren azpiko tenperaturak izan zituzten.