126 km/h-ko haize-boladak neurtu dira goizaldean Matxitxakon
Haizeagatiko abisu horia eguerdira arte egongo da indarrean Bizkaian. Haizeguneetan, 100 km/h-tik gorako boladak izango dira, bereziki mendebaldean, eta haizeguneak ez diren tokietan, berriz, 80 km/h ingurukoak ere izan daitezke.
Haizea, Bilbon. Artxiboko argazkia: EFE
Haize-bolada gogorrak erregistratu dira goizaldean, bereziki, Bizkaian, eta eguerdira arte 100 km/h inguruko boladak izango dira.
Euskalmetek jasotako datuen arabera, goizaldean boladarik gogorrenak hauek izan dira: Matxitxakon (Bermeo) 126 km/h-koak, Zugaztietan 119 km/h-koak, 108 km/h-koak Oizen, 107 km/h-koak Urduñan eta 102 km/h-koak Karrantzako La Cerrojan.
Eusko Jaurlaritzak haizeagatiko abisu horia ezarri du 03:00etatik 12:00etara. Haizak hegotik eta hego-mendebaldetik joko du, 100 km/h inguruko ufadak ere egingo ditu mendi inguruetan, bereziki mendebaldean. Haizeguneak ez diren tokietan, 80 km/h ingurukoak izan daitezke, bereziki mendebaldean.
Gainera, abisu horia aktibatu du itsasaldeko arriskuagatik, 06:00etatik 08:00etara. Tarte horretan, olatuak 2,5 metro altxatzea aurreikusten da.
Iragarpena
Eguna giro eguzkitsuarekin hasiko da. Arratsaldean, ordea, mendebaldetik fronte bat sartuko da, eta egunaren amaieran zerua estalita egongo da denean. Arratsaldean tanta batzuk bota ditzake, baina gau-partean botako du gehien.
Tenperatura maximoak 20 graduren bueltakoak izango dira kostaldean, gainerakoan maximoak 15 gradukoak izango dira, epelen jota.
Zure interesekoa izan daiteke
Eguzkia eta udaberriko giroa neguaren azken txanpan
Astearte honetan eta datozen egunetan tenperatura nahikotxo igoko da, hego haizeak lagunduta. Giro eguzkitsua espero da, hodei gutxi eta 25º inguruko tenperaturak kantauri isurialdean. Astebururako aldaketa dator, eta euri pixka bat egin lezake.
Udaberri giro beteko egunak
Ostarteak eta 20 gradutik gorako tenperaturak izango ditugu udaberriari hasiera emango dion astean. Astelehenen goiza, ostera, petral samarra izango da.
Elurra Euskal Herrira itzuli da udaberriaren atarian
Astebete baino ez da geratzen negua bukatzeko, baina oraindik ere hotza, euria eta toki garaienetan elurra egin du gaur. Iganderako ere, giro petrala espero da.
Eguraldi aldaketa arratsaldean: euria eta hotza datoz astebururako
Goiza argitsua eta epela izango da, baina aldaketa dator arratsalderako: ipar-mendebaldeko haizea sartuko da, eta euria, tenperaturen jaitsiera eta neguko giroa ekarriko ditu astebururako.
Euri-aurreko azken izpien ondoren, negu-girokoa dator asteburua
Gaur eta bihar goizean eguraldi argitsua izango bada ere, ostiral arratsaldearekin batera euri-kontuak iritsiko dira eta larunbatean gailurrak zuritu ere egin litezke.
Ostarteak eta euria, astearen hasieran
Arratsaldetik aurrera hodeiak ugarituko dira eta euria egingo du. Asteartean, orduek aurrera egin ahala, hodeiak gutxitu eta ostarteak irekiko dira, eta arratsaldean zaparradak botatzeko arriskua txikiagoa izango da.
Aldakor eta nahasi dator astea
Astelehenetik asteazkenera euria egingo du tarteka. Ostegun eta ostiralean, berriz, eguzkia eta tenperatura goxoak izango dira nagusi. Asteburuan okertzera egingo du berriro, negu giroa itzuliko baita.
Abisu horia Bizkaian eta Gipuzkoan, prezipitazio iraunkorrengatik
Abisua egun osoan izango da indarrean, 60 litro/m2 baino gehiago pila daitezkeelako. Zerua lainotuta egongo da eta euria izango da protagonista; zaparradak ugariak izango dira. Gainera, iparraldeko haizea ibiliko da, bizi-bizi zenbait momentutan.
Euria bueltan da eta tenperaturek behera egingo dute
Giro nahasi eta ezegonkorra gutxienez asteburura arte mantenduko da.
Eguzkia nagusi asteazkenera arte; ostegunean, euria eta tenperaturek behera
Tenperaturak sasoi honetarako batezbestekoaren gainetik izango dira; kostaldean maximoak 20 ºC-ra irits daitezke.