Elurra 400 metrora izango dugu Gabon-gauean eta Eguberri egunean
Eusko Jaurlaritzako Segurtasun Sailak abisu horia aktibatuko du Gabon-gauean eta Eguberri egunean, elur-kota jaitsi daitekeelako. Abisua asteazken gaueko bederatzietan sartuko da indarrean, eta ostegun goizeko bederatziak arte iraungo du.
Asteazken arratsaldean eta gauean, elur-kota 700 eta 900 metro artean izango da, eta prezipitazio txikia egingo du, batez ere Kantauri isurialdean, eta baliteke tarteka mardulagoak izatea. Epe horretan, mila metroan izango den gehienezko metaketa zentimetro batekoa izango da.
Goizaldean eta osteguneko lehen orduetan, kota 400-600 metrora jaits daiteke, baina prezipitazioak ahulak eta sakabanatuak izango dira.
Euskal Meteorologia Agentziaren (Euskalmet) arabera, ostiralean elur-kota mila metroan izango da berriro, eta tenperatura maximoak igo eta minimoak jaitsi egingo dira.
Zure interesekoa izan daiteke
Abisu horia beroagatik gaur barnealdean, 36 ºC arteko tenperaturak izango ditugu eta
Ohi baino epelagoa eta zertxobait hezeagoa dator udazkena
Udari agur eguzkitsua egingo diogu
Asteon, eguzki epela egunez eta freskoa gauez
Tenperaturak goranzko bidean Euskal Herrian asteburuari agur esateko
Hondartzarako girorik ez, baina tenperatura atseginak ia aste osoan
Abisu horia bero handiagatik igandean ere
Beroa nagusi igandera arte: 30 ºC-tik gora gaurtik aurrera Euskal Herrian
NBEren arabera, El Niño fenomeno meteorologikoa inoiz izan den handiena izan daiteke
