Abisu horia haizeagatik eta itsasaldeko arriskuagatik: inpaktu handia kostaldean eta bolada oso gogorrak Bizkaian
Denboralea gaurko eguna baldintzatzen ari da. Haizeagatik eta itsasaldeko arriskuagatik abisuak aktibatu dira, nabigazioan eragina izango du eta Donostiako kostaldean hainbat eremu itxiko dira, prebentzioz, olatu handiak izango direlako. Bestalde, gaur abisu horia egongo da indarrean Nafarroan, haizeagatik.
Euskalmetek abisu horiak aktibatu ditu haizeagatik eta itsasaldeko arriskuagatik Euskadin. Bizkaian, haizeagatik ezarritako abisua 21:00etatik 24:00etara izango da indarrean haizeguneetan, eta hego-mendebaldeko boladak 100 km/h-tik gorakoak izan daitezke, batez ere mendebaldeko mendi inguruetan.
Kostaldean, olatuek bi ordu tartetan joko dute gogorren, 06:00etatik 08:00etara eta 18:00etatik 20:00etara, eta olatuen altuera 3,5 metro ingurukoa izango da. Gainera, nabigazioaren gaineko abisua aktibatu da, lehen bi milietan, 03:00etatik 21:00etara, olatuen altuera 4 metrotik gorakoa izan baitaiteke.
Donostian, Udalak hainbat eremu ixtea agindu du, prebentzioz. Oinezkoak eta ibilgailuak ezin izango dira Pasealeku Berrira sartu, Salamanca pasealekuko oinezkoen pasabidea zarratuko dute, Haizearen Orrazirako eta Zurriolako kai-muturrerako sarbideak eta Jesus Maria Leizaola pasealekurako sarbidea ere bai. Donostiako Udalak ohartarazi duenez, itsaso inguran dabiltzanak beren erantzukizunpean ariko dira arriskuak irauten duen bitartean.
Bestalde, gaur abisu horia egongo da indarrean Nafarroan, haizeagatik.
Asteazken honetan 140 km /h-ko haize-ufadak izan ziren Urduñan eta Matxitxakon, 120 km/h-tik gorakoak Bizkaian, eta Gipuzkoan, berriz, 100 km/h-tik gorakoak Jaizkibelen eta Zarautzen.
Zure interesekoa izan daiteke
Abisu horia Araban euriteengatik, San Prudentzio bezperako Erretretan
Segurtasun Sailak 15:00etatik 21:00etara aktibatu du abisua, Gasteizko jaietako ekitaldien hasierarekin bat eginez. Euskalmetek ordubetean metro koadroko 15 litro baino gehiago bota ditzakeela aurreikusi du.
Hodeitsu bukatuko da apirila, zaparradekin tarteka eta 20 gradu inguruko tenperaturekin
Goibel itxura dakar astelehenak, baita astearteak ere. Halere, oso aldakor dator eguraldia.
Zergatik da garrantzitsua zientzialarientzat eklipseak aztertzea?
Eguzki eklipse osoak ez dira asko izaten. Abuztuaren 12koa igaro ondoren, hurrengoa 2180. urtean izango da. Hori dela eta, zientzialarientzat une hori oso garrantzitsua izan ohi da. Ateratako irudiekin hainbat ikerketa egiten dituzte urteetan zehar. Horren adibide, 1860an, Erresuma Batuko astronomo bat Euskal Herrira etorri zen, orduan izan zen eklipse bati argazkiak ateratzeko.
Udaberriko eguraldia astebururako, baina hodeiak ugaritu eta tenperaturak jaitsi egingo dira
Larunbatean, maximoak 20º ingurukoak izango dira Bilbon eta Donostian, eta 23º ingurukoak Iruñean eta Gasteizen.
Udaberriko giroa nagusi izango da astearen amaieran, baina euria egingo du, eta maximoek, behera
Ostegun honetan, maximoak 30°C ingurukoak izango dira, eta ostiralean, 23°C ingurukoak.
Eguraldi egonkorra eta tenperatura epelak, 25 gradura arteko maximoekin
Ipar partean epelenak 8-10 gradu artean jaitsiko dira, 20-23 graduraino.
Eguzki goria goizean eta trumoi-zaparrada arratsaldean, euriagatiko abisu hori eta guzti
Egunaren lehen zatian tenperatura maximoak 30 graduraino iritsiko dira, hego haizeak bultzatuta. Hala ere, arratsaldetik aurrera bero-hodeiak garatuko dira eta litekeena da, tokian-tokian, ekaitza lehertu eta zaparrada batzuk botatzea. Segurtasun Sailak euriagatiko abisu horia ezarriko du 18:00etan, zaparrada mardulengatik, ordubetean 15 litrotik gora pilatuko direla aurreikusi baita.
Udaberriko eguraldia aste osoan eta 25 gradutik gorako tenperatura maximoak
Tenperatura beroak nagusituko dira aste osoan zehar, baina astearen hasieran trumoi-zaparradak izan daitezke.
Goiz eguzkitsuak eta arratsalde euritsuak
Eguzkitsu esnatuko dira astelehena eta asteartea, baina arratsaldeetan euritara egingo du, udaberrian ohikoa denez, ekaitza izango baita eguerditik aurrera han-hemen. Asteazkenerako giro egonkorragoa iragarri dute, eta ostegunetik aurrera berriro eguzki eta euri kontuak izango dira.
Zer da eguzki-koroa?
Datorren abuztuaren 12an eguzkia erabat ezkutatuko da ilargiaren atzean, eta eklipse horren ondorioz, bigarren fenomeno bat ikusi ahal izango dugu Euskal Herriko hainbat txokotan: eguzki-koroa. Virginia Garcia Aranzadiko astronomoak azaldu digu zertan datzan.