Google Newsen eta Espainiaren arteko gatazka, AEBn ere pil-pilean
Google News zerbitzuaren eta Espainiaren arteko gatazkaren oihartzuna AEBra ere iritsi da. Bertan, adituek adi-adi jarraitu dute gaia, hedabideen etorkizunaren inguruko eztabaidan izan dezakeen balizko eragina dela eta.
Richard Gingras Google Newseko buruak asteazkenean iragarri zuen zerbitzua bertan behera utziko dutela Espainian, jabetza intelektualaren lege berriaren ondorioz. Izan ere, Espainiako hedabideen albisteei esteka eginez gero, Googlek ordaindu egin beharko duela ezartzen du araudiak. Eta zerbitzua doakoa denez, erraldoi informatikoak uko egin dio dirua emateari.
Erabaki horren ondorioen aurrean, adituak ez daude ados. Batzuen ustez, Espainiarentzat "arriskutsua eta kaltegarria" izango da, baina hedabideentzat aukera paregabea izan litekeela iritzi diote beste batzuek.
"Espainiak Internet hil nahi du; sarearen oinarria edukien artean estekak egitea da", azaldu du Jeff Jarvisek, New Yorkeko Unibertsitateko Tow-Knight Zentroko zuzendariak.
Tom Rosenstiel, American Press Institute erakundeko burua, baina, ez dago ados, eta hedabideek bat egiteko eta albiste bilatzaile propioa sortzeko aukera dutela adierazi du.
Google Newsek ez du lortu hasieran espero zen garrantzia, ez Espainian behintzat. Are gehiago, albisteak partekatzeko orduan, Facebook da errege.
Interneteko konpainiak hainbat bataila ditu nazioartean, baina Espainia da ordaintzera behartu nahi izan duen estatu bakarra.
Alemanian, adibidez, Googlek baimena eskatu zien hedabideei, horien edukiei estekak egiteko, eta gehienek baietza eman zioten. Eta, Frantzian, Googlek eta hedabideek akordioa sinatu zuten, publizitate mozkinak handitzeko.
ak handitzeko.Zure interesekoa izan daiteke
Teslak Cybercab aurkeztu du, robotaxi autonomoen aldeko apustua
Teslak Cybercab aurkeztu du ostegun honetan, robotaxi autonomo gisa funtzionatzeko diseinatutako bi plazako ibilgailu elektrikoa. Autoak ez du bolanterik, ezta pedalik ere, eta konpainiak garatutako gidatze sistema autonomoaren mende dago erabat. Teslak 45 ibilgailuko lehen serie bat merkaturatu du (Texasen eta Floridan zerbitzua eskaintzen ari dira jada), baina konpainiak robotaxia pixkanaka zabaltzea aurreikusten du, AEBko beste eremu batzuetara heltzeko.
Robotak, neurrira: adinekoentzat beren-beregi diseinatutako teknologia garatu dute Nafarroan
Robotika Erronkak izeneko egitasmo aitzindariaren atzean Nafarroako Gobernua eta ADACEN daude. Helburua da desgaitasuna duten adinekoen autonomia eta bizi-kalitatea hobetzea, robotika erabilita. Berritasun nagusia: erabiltzaileak eta euren familiek gidatzen dute robotaren garapena. Horrela, teknologia pertsonari egokituko zaio, eta ez alderantziz.
Instagramek mugatu egingo ditu adimen artifizialaz sortu diren eta identifikatu gabe dauden erabiltzaileen profilak
"AA sortzailea" etiketaren ordez "AAk sortutako profila" etiketa erabiliko du aurrerantzean aipatu sare sozialak. Neurriak ez die eragingo edukia sortzeko edo editatzeko orduan adimen artifizialaren tresnak erabiltzen dituzten erabiltzaileei.
Gure eguneroko bizitzan txertatuko den robotikarik garatuena Txinako nazioarteko biltzarrera iritsi da
Azken erakusketetan ping-ponga jokatzen, dantzatzen eta borrokatzen aurkeztu dituzte robotak. Oraingoan, ikuskizuna emateaz harago, robotak lan egiteko gai dira, etxean zein fabriketan. Roboten salmentak nazioartean lau bider handitu dira; Unitree enpresa Shanghaiko burtsan estreinatu da aste honetan. Urte gutxi barru gure egunerokoaren parte izango direla ziurtatzen dute.
"Aura farmeatzea", sare sozialetako lehiaketa birala
“Aura farmatzea” zerbait behin eta berriz edo neurriz gaindi egitea da, “aura” irabazi eta pilatzeko; hau da, besteen aurrean presentzia, estiloa edo errespetua erakusteko. Lehiakide bakoitza saiatzen da ahalik eta ekintzarik ikusgarriena egiten edo presentzia handiena erakusten, aurkariak baino “aura” gehiago lortzeko. Hala ere, alderantziz ere funtzionatzen du: eroriko batek, huts egite batek edo une lotsagarri batek “aura” galtzea ekar dezake. Eta zuk... ezagutzen al zenuen moda berria?
Adimen artifizialarekin egindako kartel gehienek antzeko itxura dute
Kartelgintza sektorean ere gero eta ohikoagoa da tresna hori erabiltzea, merkea eta erraza baita. Publizitate adituen arabera, ordea, adimen artifiziala erabiltzea kaltegarria izan daiteke markentzat.
Sonyk 2028a baino lehenagoko diskoen ekoizpena mantenduko du, baina fabrikazio-mugekin
Konpainiaren azalpenen arabera, garatzaileek lehendik editatutako bideojokoen disko fisikoak eskatzen jarraitu ahalko dute, lantegiek euren fabrikazio-gaitasuna asko murriztuko duten arren.
Eusko Jaurlaritzak ordenagailu kuantikoa enpresen eskura jarri du: "Ilara luzea daukagu"
Basque Quantum (BasQ) aliantzak gidatuta, sarbide protokolo bat zehaztu dute enpresa eta erakunde publikoen sarbidea errazteko.
Europako Justiziak Googleri ezarritako 4.125 milioi euroko isuna berretsi du
Europar Batasuneko Justizia Auzitegiak ezetsi egin du Googlek jarritako errekurtsoa, eta zigortu egin du konpainia Android sistema eragilearen bidez nagusitasunezko posizioaz abusatzeagatik.
PlayStationek bideojoko berrien disko fisikoak ekoizteari utziko dio 2028an
Enpresak kontsumo-joera berrietara egokitu nahi du, eta "baliabide digitalen aldeko joera disko fisikoena baino askoz handiagoa" dela adierazi du.