Arabako ekintzaile baten aplikazioa Silicon Valleyra helduko da
YUZZ programak Jon Vadillo ekintzaile arabarra aukeratu du urrian Silicon Valleyra joateko.
Jon Vadillok Arabako Eraberrikuntza Industrialdean gailu mugikorretarako egin duen aplikazioa Arabako YUZZ zentroko ideiarik onena da. Hori dela eta, Silicon Valleyra joango da, Espainiako beste 41 ekintzailerekin batera, urriaren 29tik azaroaren 4ra arte.
Zenbait enpresa bisitatuko dituzte bertan; Google, LinkedIn, Facebook eta Hewlett-Packard, besteak beste.
Silicon Valleytik itzulitakoan, azaroaren 6an, 42 ekintzaileek euren ideiak aurkeztu beharko dituzte Santander Taldea Hirian, Santander Bankuko, CISEko eta YUZZ programaren entitate laguntzaileetako ordezkariek osatutako epaimahaiaren aurrean. Hiru ekintzaile onenek sari ekonomiko bat jasoko dute (30.000 euro, 20.000 euro eta 10.000 euro), euren proiektuak garatzeko.
Jon Vadillok Danok proiektua aurkeztu du. Mugikorretarako aplikazio bat da, eta, horren bidez, erabiltzaileak une oro jakin ahal izango du non dagoen; urritasunen bat duten pertsonentzat da batez ere. Teknologiari esker (beaconetan oinarritzen da), erabiltzaileak ikusi ezin duen informazioa jasoko du.
Motik eta Bilateral
Arabako YUZZ zentroak beste bi ekimen aukeratu ditu, eta irabazlearekin batera, sari gehigarri bat jasoko dute: CEIAko instalazioetan eremu bat izango dute doan sei hilabetez, baita proiektuak garatzeko aholkularitza espezializatua ere.
Bigarren tokian, Andoni Muruamendiaraz eta Ander Leyun ekintzaileen Motik proposamena nabarmendu da. Programa horren bidez, enpresa baten teknologien funtzionamendu egokia kontrolatu ahal izango da denborarik eta dirurik ez galtzeko.
Bilateral izan da hirugarrena. Patricia Diez eta Virginia Morales ekintzaileen aplikazio bat da, banaketa eta dibortzio kasuetan lagundu, jarraipena egin eta babesteko terapia eta kontsultak eskaintzeko.
Zure interesekoa izan daiteke
Nor da John Ternus eta zer erronka izango du Appleren gidaritzan?
John Ternusek datorren irailaren 1ean kontseilari delegatu kargua hartuko du, eta Tim Cookekin alderatuta (operazioetan eta negozioan zentratuago dagoen), ingeniaritza arloari garrantzi handiagoa ematea aurreikusten dute adituek.
Tim Cookek Appleren CEO izateari utziko dio irailean, eta John Ternusek ordezkatuko du
Konpainia teknologikoak aho batez onartu du enpresaren burua ordezkatzea, eta irailaren 1ean gauzatuko da. Orduz gero, Cook administrazio-kontseiluaren presidente exekutiboa izango da.
RAM memorien krisialdia 2030era arte luza liteke, adituen arabera
Sektoreko fabrikatzaile nagusiak —Samsung, SK Hynix eta Micron— ekoizpen fabrika berriak sortzen ari dira arazo horri irtenbidea emate aldera, baina prozesu luzeak direnez, datorren urte amaierarako eskariaren % 60 betetzea lortuko dute, Nikkei Asiak jakinarazi duenez.
Instagram Plus: istorio luzeagoak, zerrenda pribatuak eta beste funtzio esklusibo batzuk eskaintzen dituen harpidetza zerbitzu berria
Ordainpeko harpidetza zerbitzu berria probatzen hasi da Meta. Astean zehar istorio bat nabarmentzea ere ahalbidetuko du, jende gehiagok ikus dezan, eta Superlike animatu bat bidaltzea, besteak beste.
Ez dute ChatGPTren funtzio erotikoa kaleratuko OpenAIk laguntzailea hobetzen duen arte
Konpainia teknologikoak funtzio hori data zehaztu gabe atzeratzea erabaki du, erabiltzaile heldu egiaztatuek eduki erotikoan sartzeko aukera izan dezaten. Sistemaren adimenean eta pertsonalizatzeko gaitasunean hobekuntzak egitea lehenetsi nahi dute.
AA "erabat kaltegarria" izan daiteke mentalki kalteberak diren pertsonengan, psikiatra batek ohartarazi duenez
Adimen Artifizialak "ez du kontzientziarik, ez du errukirik eta ez du maite" erabiltzailea, hortaz, "berdin zaio zer gertatzen zaion". Gainera, normalean "atsegina" izaten da, eta "erabiltzailari entzun nahi duen erantzuna ematen dio".
X, Meta eta TikTokek delituak egin dituzten ikertzeko eskatuko dio Espainiako Gobernuak Fiskaltzari
"Plataforma horiek gure seme-alaben osasun mentalaren, duintasunaren eta eskubideen aurka egiten ari dira. Estatuak ezin du horrelakorik onartu", azpimarratu du Pedro Sanchezek X sare sozialean.
Sare sozialak gehiegi erabiltzeak gazteak isolatzea eragiten du, ikerketa baten arabera
AEBko 120 unibertsitatetan 18 eta 24 urte bitarteko 64.988 gazteri egindako galdeketaren emaitzak argitaratu ditu gaur Journal of American College Health aldizkariak.
15 urtez azpikoei sare sozialak debekatzearen alde agertu da Txekiako Gobernua
X-en zabaldutako bideo batean, Txekiako gobernuburuak ziurtatu du espainiar edota frantziar estatuetan bultzatutako debekuarekin bat egiten duela.
TikToken diseinu "adiktiboak" Europar Batasuneko legea urratzen duela ondorioztatu du Bruselak
Europako Batzordeak zehaztu duenez, erabiltzaileak etengabe eduki berriekin "saritzen" dituenez, TikToken diseinuaren zenbait ezaugarrik pantailan mugitzen jarraitzeko beharra elikatzen dute, eta erabiltzaileen garuna "pilotu automatiko moduan" sartzea eragiten dute. Horrek portaera konpultsiboa izatea eta erabiltzaileen autokontrola murriztea ekar dezake. TikTokek esan du "erabat faltsua" dela bere diseinuak mendekotasuna sortzen duenik.