5G, sakelako telefonoaren etorkizunaz eztabaidatuko da Bilbon
Euskal Herriko Telekomunikazio Ingeniaritza Elkarteak eta Kolegioak antolatuta, “Green TIC”en eboluzioaz eta 5Garen iraultzaz, eztabaidatuko dute Bilbon.
“Green TIC”ak hiri jasangarriagoak egiten dituzten aplikazioak dira, aldaketa klimatikoa gelditzearen onurak erakusten dituzten aplikazioak.
Bestalde, 5Ga, sakelako telefonoaren bosgarren belaunaldia, hiru urtetara merkaturatzeko prest izango da eta, interneteko estaldura ikaragarri handiagoa eskainiko du. Teknologia berri honekin, datuen transmisio tasa 100 aldiz azkarragoa izango da eta gainera, elektrizitate gutxiago kontsumituko duenez, baterien ahalmena 10 aldiz handiagoa izango da.
Abantaila hauei esker, laster, gure ohiko objektuak internetera konektatuta egongo dira sentsoreen bitartez: Autoa, osasuna, etxebizitza, zerbitzuak… eta gainera, euren artean elkar eragingo dute gure bizitzak energetikoki jasangarriagoak eta errazagoak eginez.
Jardunaldi honetako buru Daniela Torres izango da, Telekomunikazioen Nazioarteko Batasuneko aholkularia eta Green TICen mundu mailako aditu garrantzitsuenetako bat.
Era berean, beste enpresa batzuetako ordezkariak ere izango dira jardunaldian, besteak beste, Ericssoneko Ivan Rejón, 5G teknologiaren inguruan hitz egingo duena, eta Magnet enpresa gipuzkoarreko Asier Galdós, nekazaritza eraginkorrerako egin duten Greenius plataforma aurkeztuko duena.
Bestalde, Tecnaliako Jesús Marcos-Olayak, arrantzarako eta uraren tenperatura aldaketak zehaztasunez aztertzeko, sateliteen teknologiak ekaintzen dituen onurak azalduko ditu.
Zure interesekoa izan daiteke
YouTube, Snapchat eta TikTok sare sozialek akordioa lortu dute "eragindako mendekotasunagatik" salatu zituen Kentuckyko eskolarekin
Akordioari esker, bertan behera gelditu da hezkuntza barruti batek sare sozialetako plataformen kontra abiatutako lehen epaiketa izango zena. Hala ere, oraingoz ez dituzte akordioaren inguruko xehetasunak eta baldintzak argitu.
Hamar pasahitz erabilienak "segundo batean baino gutxiagoan" asmatzeko modukoak dira, Ziur zibersegurtasun zentroaren arabera
Kontu garrantzitsu guztiek pasahitz propioa izatea gomendatu du Ziur Gipuzkoako Foru Aldundiaren Zibersegurtasun Industrialeko Zentroak, baita "pasahitz luze eta deszifratzeko zailak" aukeratzea zein pasahitz-kudeatzaileak erabiltzea ere.
Nor da John Ternus eta zer erronka izango du Appleren gidaritzan?
John Ternusek datorren irailaren 1ean kontseilari delegatu kargua hartuko du, eta Tim Cookekin alderatuta (operazioetan eta negozioan zentratuago dagoen), ingeniaritza arloari garrantzi handiagoa ematea aurreikusten dute adituek.
Tim Cookek Appleren CEO izateari utziko dio irailean, eta John Ternusek ordezkatuko du
Konpainia teknologikoak aho batez onartu du enpresaren burua ordezkatzea, eta irailaren 1ean gauzatuko da. Orduz gero, Cook administrazio-kontseiluaren presidente exekutiboa izango da.
RAM memorien krisialdia 2030era arte luza liteke, adituen arabera
Sektoreko fabrikatzaile nagusiak —Samsung, SK Hynix eta Micron— ekoizpen fabrika berriak sortzen ari dira arazo horri irtenbidea emate aldera, baina prozesu luzeak direnez, datorren urte amaierarako eskariaren % 60 betetzea lortuko dute, Nikkei Asiak jakinarazi duenez.
Instagram Plus: istorio luzeagoak, zerrenda pribatuak eta beste funtzio esklusibo batzuk eskaintzen dituen harpidetza zerbitzu berria
Ordainpeko harpidetza zerbitzu berria probatzen hasi da Meta. Astean zehar istorio bat nabarmentzea ere ahalbidetuko du, jende gehiagok ikus dezan, eta Superlike animatu bat bidaltzea, besteak beste.
Ez dute ChatGPTren funtzio erotikoa kaleratuko OpenAIk laguntzailea hobetzen duen arte
Konpainia teknologikoak funtzio hori data zehaztu gabe atzeratzea erabaki du, erabiltzaile heldu egiaztatuek eduki erotikoan sartzeko aukera izan dezaten. Sistemaren adimenean eta pertsonalizatzeko gaitasunean hobekuntzak egitea lehenetsi nahi dute.
AA "erabat kaltegarria" izan daiteke mentalki kalteberak diren pertsonengan, psikiatra batek ohartarazi duenez
Adimen Artifizialak "ez du kontzientziarik, ez du errukirik eta ez du maite" erabiltzailea, hortaz, "berdin zaio zer gertatzen zaion". Gainera, normalean "atsegina" izaten da, eta "erabiltzailari entzun nahi duen erantzuna ematen dio".
X, Meta eta TikTokek delituak egin dituzten ikertzeko eskatuko dio Espainiako Gobernuak Fiskaltzari
"Plataforma horiek gure seme-alaben osasun mentalaren, duintasunaren eta eskubideen aurka egiten ari dira. Estatuak ezin du horrelakorik onartu", azpimarratu du Pedro Sanchezek X sare sozialean.
Sare sozialak gehiegi erabiltzeak gazteak isolatzea eragiten du, ikerketa baten arabera
AEBko 120 unibertsitatetan 18 eta 24 urte bitarteko 64.988 gazteri egindako galdeketaren emaitzak argitaratu ditu gaur Journal of American College Health aldizkariak.