Applek iOS 10 eta MacOS Sierra sistema eragile berriak aurkeztu ditu
Applek sakelako telefonoetarako iOS 10 sistema eragile berria, eta ordenagailuetarako MacOS Sierra sistema eragile berria aurkeztu ditu astelehen honetan.
Konpainia teknologikoak modu ofizialean aurkeztu ditu urtero San Frantziskon (AEB) egiten den WWDC 2016 konferentzian, eta bertan iragarri dutenez, sistema eragile berriek Siri laguntzaile pertsonala izango dute protagonista.
Nobedade handienen artean Apple konpainiak egin duen estrategia aldaketa izan da, izan ere, bereak ez diren beste garatzaile batzuengana irekitzen ari da apurka bada ere.
Applek orain arte, Siri laguntzaile pertsonala bere aplikazioentzat soilik zeukan erabilgarri. Oraindik aurrera, Siriren funtzioak beste garatzaile batzuek egindako aplikazioetan ere erabilgarri izango dira.
Bestalde, Apple Music app-aren eguneraketa integrala aipatu behar da. Besteak beste, streaming bidezko musika zerbitzua sinplifikatu egingo da eta, diseinu erakargarriagoa ere izango du.
Azkenik, QuickType, hitzak iradokitzen dituen zerbitzuak, iradokizun zehatzagoak eskainiko ditu aurrerantzean eta, argazkien App-ak ere hobekuntza handiak ekarriko ditu, batez ere, irudiak sailkatzerako orduan.
Siri
Applen laguntzaile pertsonala aplikazio garatzaileen esku egongo da lehenengo aldiz. Siri-ren lehiakide zuzenak diren, Amazonen Alexa, Microsoften Cortana eta Googlen aplikazioek aldiz, aspaldi daude garatzaileentzako erabilgarri eta beraz, Apple baino aurreratuago daude.
Oren Etzioni, inteligentzia artifizialean espezializatuta dagoen Allen institutuko zuzendariaren arabera, “Sirik jada bost urte ditu eta oraindik, besteekin nola jolastu behar den ikasten ari da”. Etzioniren arabera, Applek beharbada berduegi hartu du Siri irekitzeko erabakia.
MacOS Sierra
MacOs Sierra izango da Applen ordenagailuetako sistema eragilearen izen berria.
Azpimarratzeko nobedadeen artean, Siri ordenagailuetan ere integratuko dela aipatu behar da.
Bestalde, dokumentuak lainoan doainik gordetzeko ahalmena 20GBtik 150GBra pasatuko da, izan ere, oraindik aurrera, erabilera gutxi ematen zaien dokumentuak lainoan gordeko dira automatikoki ordenagailuaren gaitasuna handitzeko.
Zure interesekoa izan daiteke
YouTube, Snapchat eta TikTok sare sozialek akordioa lortu dute "eragindako mendekotasunagatik" salatu zituen Kentuckyko eskolarekin
Akordioari esker, bertan behera gelditu da hezkuntza barruti batek sare sozialetako plataformen kontra abiatutako lehen epaiketa izango zena. Hala ere, oraingoz ez dituzte akordioaren inguruko xehetasunak eta baldintzak argitu.
Hamar pasahitz erabilienak "segundo batean baino gutxiagoan" asmatzeko modukoak dira, Ziur zibersegurtasun zentroaren arabera
Kontu garrantzitsu guztiek pasahitz propioa izatea gomendatu du Ziur Gipuzkoako Foru Aldundiaren Zibersegurtasun Industrialeko Zentroak, baita "pasahitz luze eta deszifratzeko zailak" aukeratzea zein pasahitz-kudeatzaileak erabiltzea ere.
Nor da John Ternus eta zer erronka izango du Appleren gidaritzan?
John Ternusek datorren irailaren 1ean kontseilari delegatu kargua hartuko du, eta Tim Cookekin alderatuta (operazioetan eta negozioan zentratuago dagoen), ingeniaritza arloari garrantzi handiagoa ematea aurreikusten dute adituek.
Tim Cookek Appleren CEO izateari utziko dio irailean, eta John Ternusek ordezkatuko du
Konpainia teknologikoak aho batez onartu du enpresaren burua ordezkatzea, eta irailaren 1ean gauzatuko da. Orduz gero, Cook administrazio-kontseiluaren presidente exekutiboa izango da.
RAM memorien krisialdia 2030era arte luza liteke, adituen arabera
Sektoreko fabrikatzaile nagusiak —Samsung, SK Hynix eta Micron— ekoizpen fabrika berriak sortzen ari dira arazo horri irtenbidea emate aldera, baina prozesu luzeak direnez, datorren urte amaierarako eskariaren % 60 betetzea lortuko dute, Nikkei Asiak jakinarazi duenez.
Instagram Plus: istorio luzeagoak, zerrenda pribatuak eta beste funtzio esklusibo batzuk eskaintzen dituen harpidetza zerbitzu berria
Ordainpeko harpidetza zerbitzu berria probatzen hasi da Meta. Astean zehar istorio bat nabarmentzea ere ahalbidetuko du, jende gehiagok ikus dezan, eta Superlike animatu bat bidaltzea, besteak beste.
Ez dute ChatGPTren funtzio erotikoa kaleratuko OpenAIk laguntzailea hobetzen duen arte
Konpainia teknologikoak funtzio hori data zehaztu gabe atzeratzea erabaki du, erabiltzaile heldu egiaztatuek eduki erotikoan sartzeko aukera izan dezaten. Sistemaren adimenean eta pertsonalizatzeko gaitasunean hobekuntzak egitea lehenetsi nahi dute.
AA "erabat kaltegarria" izan daiteke mentalki kalteberak diren pertsonengan, psikiatra batek ohartarazi duenez
Adimen Artifizialak "ez du kontzientziarik, ez du errukirik eta ez du maite" erabiltzailea, hortaz, "berdin zaio zer gertatzen zaion". Gainera, normalean "atsegina" izaten da, eta "erabiltzailari entzun nahi duen erantzuna ematen dio".
X, Meta eta TikTokek delituak egin dituzten ikertzeko eskatuko dio Espainiako Gobernuak Fiskaltzari
"Plataforma horiek gure seme-alaben osasun mentalaren, duintasunaren eta eskubideen aurka egiten ari dira. Estatuak ezin du horrelakorik onartu", azpimarratu du Pedro Sanchezek X sare sozialean.
Sare sozialak gehiegi erabiltzeak gazteak isolatzea eragiten du, ikerketa baten arabera
AEBko 120 unibertsitatetan 18 eta 24 urte bitarteko 64.988 gazteri egindako galdeketaren emaitzak argitaratu ditu gaur Journal of American College Health aldizkariak.