Facebookek Whatsappeko erabiltzaileen telefono-zenbakia jakingo du
Whatsappek bere erabiltzaileen telefono-zenbakiak partekatuko ditu Facebookekin, bai eta erabiltzaileen beste datu batzuk ere, hala nola zein maiztasunekin erabiltzen duten aipatu berehalako mezularitza-zerbitzua.
Whatsappek aldaketa egin du erabilera-baldintza eta pribatutasun-politikan; Facebook da haren jabea 2014tik, eta, hemendik aurrera, elkarri emango diote erabiltzaileen informazioa.
Hala, sare sozialak jakin ahal izango du zein telefono-zenbaki duten erabiltzaileek Whatsappeko kontua egiaztatzeko; halaber, beste arlo baten berri izango du Facebookek, alegia, aplikazioa zein maiztasunekin erabiltzen duten. Esate baterako, jakingo du zein ordutan egin zuen erabiltzaileak azken konexioa.
Publizitatearen eragina
Konpainiaren esanetan, hainbat helburu ditu informazioa partekatzeak: alde batetik, publizitatearen eragina handiagoa egitea, Facebookeko erabiltzaileentzako garrantzitsuagoak diren iragarkiak emanez eta ezagunekin bat egiteko proposamen gehiago eginez; beste alde batetik, Whatsappen abusu eta nahi ez diren mezuen aurka borrokatzea.
Zerbitzuak aitortzen duenez, Facebookeko beste enpresa filialak ere, hala nola Instagram, Whatsappen informazioaz baliatu ahal izango dira "askotariko jarduetarako"; adibidez, iradokitzeko zein konturi jarraitzea.
Mezularitza-zerbitzuaren erabiltzaileek aukera izango dute uko egitea haien datuak erabiltzeari "esperientziak hobetzeko, iragarki eta produktuei dagokienez"; baina ezin izango dute ezetz esan Facebookek euren telefono-zenbakia eta jarduera-ohiturak ezagutzeko izango duen aukeraren aurrean.
Hori bai, telefono-zenbakiek Facebookeko sistemekin bat egiteak ekarriko du erabiltzaileek ikustea aurretik ere ezagunak zituzten enpresen iragarpenak.
Whatsappeko bezeroek gaurtik aurrera jasoko dute pribatutasun-baldintza berrien gaineko jakinarazpena; hortik aurrera, 30 egun izango dituzte, eta onartu beharko dituzte baldin eta aplikazioa erabiltzen jarraitu nahi badute.
Zure interesekoa izan daiteke
Europako Batzordeak espedientea ireki dio X sare sozialari, Groken bitartez egiten diren irudi sexualizatuengatik
Elon Musken enpresak Grok adimen artifizialari lotutako arriskuak aztertu eta arindu ote dituen argitu nahi du Bruselak.
Pradales, Chivite eta beste erkidego batzuetako presidenteen datu pertsonalen filtrazioa ikertzen ari dira
Eurogosth izeneko hackerrak agintari autonomikoen NANa, helbideak edo telefonoak zabaldu ditu, eta Vindex ezizeneko hackerrak, berriz, Puente ministroaren eta Garraioetako beste goi-kargudun batzuen informazio pertsonala zabaldu du bi fasetan.
TikTokek AEBren kontrolpean dagoen enpresa bat sortu du AEBn app-aren betoa saihesteko
Donald Trump AEBko presidenteak, akordioaren bultzatzaile nagusiak, sare sozialetan ospatu du duela hilabete prentsak aurreratu zuen albistea baieztatu izana, eta nabarmendu du aplikazioa oso garrantzitsua izan zela 2024ko hauteskundeetan berak lortutako garaipenean, TikTokeko erabiltzaile gazteei esker.
?fmt=webp-alpha&qlt=80)
X mundu mailan erori da, aste honetan bigarrenez
Sare soziala eta Grok adimen artifiziala ez dira kargatzen, eta ezin dira erabili.
Xk galarazi egingo du erabiltzaileek Grok bidez irudi sexualizatuak sortzea
Adimen artifizialaren inguruko murrizketa gehiago ezarri ditu sare sozialak, arropa intimoa duten benetako pertsonen irudiak sortzeko polemikaren ondoren, adingabeak barne. Neurria ordainpeko harpidedunei ere aplikatzen zaie.
Grok, Xren adimen artifiziala, indarkeria matxistarako erraminta berria
Milaka pertsona Elon Musken AA erabiltzen ari dira emakumeen irudi sexualizatuak sortzeko, haien baimenik gabe. Horrek eztabaida handia sortu du munduan. Horregatik, Colectiva Femiaseko bi kiderekin hitz egin dugu, artea, feminismoa eta AA lantzen dutenak.
Mundu osoko gobernuak Musken Grok estutzen ari dira, horrek sortu ditzakeen “deepfake” sexualengatik
Europan, hainbat gobernuk ikerketak abiatu dituzte horrelako edukiak legez kanpokoak diren ebaluatzeko.
ChatGPTk eta Copilotek WhatsAppen funtzionatzeari utziko diote eta Meta AIk bakarrik jarraituko du eskuragarri
Mezularitza-plataformaren politika berriengatik, beste enpresen chatbotak itxiko dituzte, eta, ondorioz, OpenAI eta Microsoftenak erretiratuko dituzte bihartik aurrera.
Wikipediak 25 urte bete ditu, eta euskarazko edizioa hizkuntza gutxituen erreferente bihurtu da
Munduko entziklopedia aske eta kolaboratiborik handiena, 60 milioi artikulu baino gehiago dituela, 25. urteurrena ospatzen ari da. Era berean, euskarazko Wikipedia nabarmendu da, hazkunde iraunkorragatik, komunitate aktiboagatik eta euskara Interneten zaintzen eta zabaltzen laguntzeagatik.
Datuak Babesteko Agentziak inoren irudiak zabaltzeak dakartzan ondorioez ohartarazi du, penalak ere izan daitezke eta, egiazkoak zein AArekin sortutakoan izan
Datuak Babesteko Espainiako Agentziak ohartarazi du tresna horiek zuhurtziarik gabe erabiltzeak oinarrizko eskubideak urra ditzakeela eta legezko erantzukizunak ekar ditzakeela, batez ere eduki intimoa, sexualizatua edo adingabeei buruzkoa den kasuetan.