Urtebete Netflix doan izateko aukera, WhatsApp bidez zabaldu den iruzurra
Azken egunotan gorakada nabarmena egon da WhatsApp bidez zabaltzen diren iruzur eta buloetan. Espainiako Poliziak Twitterren duen kontuan erabiltzaileei ohartarazi dienez, urtebetez Netflixeko zerbitzuak doan erabiltzeko eta ‘premium’ kontuak sortzeko aukera ematen duen mezua gezurra da.
WhatsApp bidez zabaltzen ari den mezuak honakoa dio: “Urtebetez doako harpidetza oparitzen du Netflixek”. Mezu horrekin batera, esteka faltsu bat agertzen da. Dena dela, estatubatuar entretenimendu konpainia horrena dela pentsa liteke, horren izena eta argazkia ageri baita.
“Eskaintza berezia” aktibatzeko, gutxienez beste hamar kontaktuei birbidali behar zaie mezu hori. Urrats hori emandakoan, norberaren telefono zenbakia eman behar da, antza, Netflixen kontu berri bat sortu eta bertako edukiak urtebetez doan ikusi ahal izateko.
Alabaina, Espainiako Poliziak jakitera eman duenez, norberaren datu pertsonalak eta telefono zenbakia lapurtzeko iruzur bat besterik ez da. Arrazoi horregatik, mezu horrekin batera agertzen den estekan ez sartzeko aholkua eman du, gaizkileek “malware” delako birus informatikoa sartu dezaketelako telefono mugikorrean.
Aste honetan WhatsAppen agertu den bigarren iruzurra da hau, duela egun batzuk 530 kontu libre besterik ez zirela geratzen zioen mezu bat zabaldu baitzen. Gainera, mezua kontaktu guztiekin partekatzea eskatzen zen, hala egin ezean, erabiltzaile horri kontua itxiko baitzioten. Gainera, berehalako mezularitza zerbitzua erabiltzeagatik ordaindu beharko zela zioten. Espainiako Poliziak gezurra zela argitu zuen Twitterren.
Zure interesekoa izan daiteke
Gaspi argentinar youtuber ezaguna hil da, helikoptero istripu batean
Ibai Llanos bilbotarrak iaz antolatutako boxeo-ikuskizunaren izarretako bat izan zen Gaspi. Sei pertsona hil dira ezbeharrean.
Instagram eta Facebook mundu osoan erori dira
Akatsak 15:00ak aldera hasi dira plataforma horietan, eta erabiltzaileek ezin izan dute saioa hasi, mezuak bidali edota argitalpenak partekatu zein ikusi. Oraingoz ez dute argitu zerk eragin duen arazoa.
Adimen Artifiziala euskara indartzeko aukera ona da, baina nahitaezkoa da denon parte-hartzea
Adituen ustez, nahitaezkoa da denon parte-hartzea eta Adimen Artifiziala euskaraz erabiltzea, gero eta datu gehiago izan ditzan bere lana euskaraz ere ondo egiteko.
Neskek "bazterketa" jasaten dute bideojokoetan eta askok "nortasuna ezkutatzen dute", Deustuko Unibertsitatearen ikerketa baten arabera
Ikerketaren arabera, mutilek borroka eta kirol arloko bideojokoak nahiago dituzte, eta neskek irudiari eta dantzari lotutako edukiak kontsumitzen dituzte gehiago.
Metak harpidetza-planak martxan jarri ditu Whatsapp, Instagram eta Facebook aplikazioetarako
Instagram Plus eta Facebook Plus bertsioek 3,5 euro inguruko kostua izango dute hilean, eta Whatsapp Plusek, 2,5 eurokoa.
YouTube, Snapchat eta TikTok sare sozialek akordioa lortu dute "eragindako mendekotasunagatik" salatu zituen Kentuckyko eskolarekin
Akordioari esker, bertan behera gelditu da hezkuntza barruti batek sare sozialetako plataformen kontra abiatutako lehen epaiketa izango zena. Hala ere, oraingoz ez dituzte akordioaren inguruko xehetasunak eta baldintzak argitu.
Hamar pasahitz erabilienak "segundo batean baino gutxiagoan" asmatzeko modukoak dira, Ziur zibersegurtasun zentroaren arabera
Kontu garrantzitsu guztiek pasahitz propioa izatea gomendatu du Ziur Gipuzkoako Foru Aldundiaren Zibersegurtasun Industrialeko Zentroak, baita "pasahitz luze eta deszifratzeko zailak" aukeratzea zein pasahitz-kudeatzaileak erabiltzea ere.
Nor da John Ternus eta zer erronka izango du Appleren gidaritzan?
John Ternusek datorren irailaren 1ean kontseilari delegatu kargua hartuko du, eta Tim Cookekin alderatuta (operazioetan eta negozioan zentratuago dagoen), ingeniaritza arloari garrantzi handiagoa ematea aurreikusten dute adituek.
Tim Cookek Appleren CEO izateari utziko dio irailean, eta John Ternusek ordezkatuko du
Konpainia teknologikoak aho batez onartu du enpresaren burua ordezkatzea, eta irailaren 1ean gauzatuko da. Orduz gero, Cook administrazio-kontseiluaren presidente exekutiboa izango da.
RAM memorien krisialdia 2030era arte luza liteke, adituen arabera
Sektoreko fabrikatzaile nagusiak —Samsung, SK Hynix eta Micron— ekoizpen fabrika berriak sortzen ari dira arazo horri irtenbidea emate aldera, baina prozesu luzeak direnez, datorren urte amaierarako eskariaren % 60 betetzea lortuko dute, Nikkei Asiak jakinarazi duenez.