Lurrikara Facebooken erabiltzaileen datuen manipulazioagatik
Alex Stamos Facebookeko informazioaren segurtasun buruak kargua utziko du desinformazioaren arazoari nola aurre egiteko moduari buruzko desadostasunengatik, New York Timesek zabaldu duenez.
Sare sozialean lan egiten duten langile eta langile ohien esanetan, egunkariaren arabera, Stamos Errusiaren jarduera Facebooken ikertu eta zabaltzearen aldekoa izan da, beste goi-kargudun batzuk ez bezala, besteak beste, Sheryl Sandberg enpresako operazioen zuzendaria.
Stamosek enpresatik alde egiteko erabakia jakinarazi zuen, abenduan bere egitekoa aldatu ostean, baina abuztura arte jarraitzeko konpromisoa hartu zuen, bere erantzukizunak pixkanaka uzteko epea betetzeko, egunkariak dioenez.
120 pertsonek osatzen zuten Stamosen taldea, baina hiru pertsona baino ez dira geratzen lantalde horretatik; gainerakoak produktu dibisioetara eta azpiegituretara mugitu dituzte.
Stamosek Twitterren adierazi duenez, bere erantzukizunak aldatu egin badira ere, Facebooken egiten duen lanarekin "erabat konprometituta" dago, zurrumurruak gorabehera.
Aurreko igandean ezagutu zen 2016an Donald Trumpen hauteskunde kanpainan lan egin zuen eta Facebookeko Estatu Batuetako 50 milioi erabiltzaile baino gehiagoren informazioa manipulatu zuen enpresa britainiar baten filtrazioa ikertzen ari dela.
Cambridge Analytica aholkularitza enpresak 2014an lortu zuen erabiltzaileen informazioa, eta horrekin, programa bat garatu zuen hautesleen erabakiak aurreikusi eta haietan eragin ahal izateko, larunbatean The London Observer eta The New York Times egunkariek argitaratu zutenaren arabera.
Albisteak eragin handia izan zuen atzo Wall Streeten, burtsaren itxieran, sare sozialeko akzioek & 6,76 egin baitzuten behera, 2014tik galerarik handiena.
Tokioko Burtsak, gaurko irekieran, % 1 galdu du, Wall Streeteko galeren eraginagatik.
Albiste gehiago teknologia
Trumpek 90 egunez luzatu du TikToki Txinatik bereizteko emandako epea
Trumpek 90 egun gehiago eman dizkio TikToki Txinako matrizetik bereiz dadin, AEBn erabili ahal izateko. Bidenen agintaldiko lege batek Txinarekin moztera behartzen zuen aplikazioa, AEBren "arerioa" dela iritzita, baina Trump presidenteak luzapenak onartu ditu TikTokek AEBko inbertitzaile bat aurkitu dezan.
Euskarazko eta beste hizkuntza gutxituetako txatbotak sortzeko modu berritzailea topatu du HiTZ zentroak
Orain arte, txatboten elkarrizketa onak izateko gaitasuna Interneten modu irekian hizkuntza jakin batean idatzita dauden dokumentu kopuruaren araberakoa zen, baina metodo berriak izugarri erraztuko du txatboten jarduna egokiagoa izatea.
Nintendo Switch 2a erosi aurretik jakin beharreko 5 gauza
Nintendoren kontsola berria ostegun honetan, ekainak 5, merkaturatu dute eta hemen dituzu erosi aurretiko jakingarri batzuk.
Donostiako CIC nanoGUNE errefererentzia-zentro bihurtuko da teknologia kuantikoan
Ibaeta auzoan dagoen CIC nanoGUNEren eraikinak bigarren dorre bat izango du, eta bertan hardware kuantikoaren ikerketara bideratutako laborategiak egongo dira.
Espainiar Estatuko hiru pasahitz erabilienak segundu bakar batean deszifra daitezke
Igandean Pasahitzaren Nazioarteko Eguna dela eta, Gipuzkoako Ziur Industria Segurtasun Zentroak ohartarazi du ziberasko gehienak pasahitzak lapurtuta egin ohi dituztela ziberkriminalek.
YouTuberen 20. urteurrena: Hau da 2005eko apirilaren 23an plataformara igotako lehen bideoa
2005eko apirilaren 23an, hogei urteko gazte batek 18 segundoko grabazio bat igo zuen. Igotakoak mundua irauliko zuen, 530 milioi bistaratze baino gehiago lortuta.
OpenAI bere sare sozial propioan ari da lanean, eta Xen antzekoa izango litzateke
Sam Altman OpenAIko zuzendari exekutiboak pribatuan iritziak eskatu ditu oraindik lehen faseetan dagoen proiektuari buruz. Ez dago argi konpainiak sare soziala aplikazio independente gisa abiarazteko edo ChatGPTn barneratzeko asmoa duen.
Amazonek TikTok erosteko eskaintza aurkeztu du
"The New York Times" egunkariaren arabera, AEBko erraldoi teknologikoak Txinako sare sozial osoa erosteko eskaintza egin du.
Segurua al da Signal? AEBk gerra planak aztertzeko erabili duen aplikazioaren erradiografia
Mezularitza aplikazio honek zeresana eragin du azken egunetan, Trumpen Administrazioak nahi gabe kazetari bat sartu baitzuen gerra planak partekatzen zituen txat zifratu batean.
Horrelakoa da Quantum System Two, IBMren ordenagailu kuantikorik aurreratuena
Eusko Jaurlaritzak eta IBMk iragarri dute Europako lehen IBM Quantum System Two ordenagailua instalatuko dutela Donostian. Sistema kuantiko horrek 156 kubiteko IBM Quantum Heron prozesadore bat izango du, erabilgarritasun-eskalara iristeko diseinatua dagoena.