iPhone XS eta XS Max telefonoak aurkeztu ditu Apple konpainiak
iPhone XS eta XS Max telefono adimendun berriak aurkeztu ditu gaur Apple multinazionalak. Pantailak kristal mota berria du, eta babes berezia ematen die likidoen aurrean. Urre, zilar eta gris koloreetan merkaturatuko dituzte.
“Gaur iPhone X maila bat gorago eraman dugu. Sekula sortu dugun iPhonerik aurreratuena aurkezten dizuet”, adierazi du Tim Cook Appleko kontseilari delegatuak aurkezpenean.
5,8 hazbeteko pantaila (14,7 zentimetro) du iPhone XS mugikorrak, OLED teknologiarekin; LCD pantaila tradizionalek baino kontraste eta distira handiagoa dute.
Bestalde, telefono berdinaren bertsio handiago bat aurkeztu du Applek, aurrekoetan egin bezala. Horrela, iPhone XS Max mugikorrak 6,5 hazbeteko (16,5 zentimetro) pantaila du, orain arteko handiena.
Aurrekoekin alderatuta, telefonoen tamaina ia aldatu gabe pantailak handitu ditu Applek. iPhone XSk, adibidez, Xaren tamaina bereko pantaila du, baina dispositibo txikiagoa da oro har.
Irudien erreprodukzioan hobekuntzak barneratu dituzte, Dolby Vision eta HDR10 teknologien bidez. Era berean, soinu estereo zabalago batentzako bozgorailuak jarri eta aurpegia ezagutzeko sistemaren abiadura areagotu dizkiete.
Urari aurre egiteko babesa hobetu diete telefonoei; “igerilekura erortzen baldin badira ere” ez dira izorratuko, eta likido mota anitzekin probak egin dituzte, “baita garagardoarekin ere”, nabarmendu du Philip Schiller konpainiako Marketing presidenteordeak.
iPhone Xs eta Xs Max. Argazkia: EFE
Zure interesekoa izan daiteke
Adimen artifizialarekin egindako kartel gehienek antzeko itxura dute
Kartelgintza sektorean ere gero eta ohikoagoa da tresna hori erabiltzea, merkea eta erraza baita. Publizitate adituen arabera, ordea, adimen artifiziala erabiltzea kaltegarria izan daiteke markentzat.
Sonyk 2028a baino lehenagoko diskoen ekoizpena mantenduko du, baina fabrikazio-mugekin
Konpainiaren azalpenen arabera, garatzaileek lehendik editatutako bideojokoen disko fisikoak eskatzen jarraitu ahalko dute, lantegiek euren fabrikazio-gaitasuna asko murriztuko duten arren.
Eusko Jaurlaritzak ordenagailu kuantikoa enpresen eskura jarri du: "Ilara luzea daukagu"
Basque Quantum (BasQ) aliantzak gidatuta, sarbide protokolo bat zehaztu dute enpresa eta erakunde publikoen sarbidea errazteko.
Europako Justiziak Googleri ezarritako 4.125 milioi euroko isuna berretsi du
Europar Batasuneko Justizia Auzitegiak ezetsi egin du Googlek jarritako errekurtsoa, eta zigortu egin du konpainia Android sistema eragilearen bidez nagusitasunezko posizioaz abusatzeagatik.
PlayStationek bideojoko berrien disko fisikoak ekoizteari utziko dio 2028an
Enpresak kontsumo-joera berrietara egokitu nahi du, eta "baliabide digitalen aldeko joera disko fisikoena baino askoz handiagoa" dela adierazi du.
Gaspi argentinar youtuber ezaguna hil da, helikoptero istripu batean
Ibai Llanos bilbotarrak iaz antolatutako boxeo-ikuskizunaren izarretako bat izan zen Gaspi. Sei pertsona hil dira ezbeharrean.
Instagram eta Facebook mundu osoan erori dira
Akatsak 15:00ak aldera hasi dira plataforma horietan, eta erabiltzaileek ezin izan dute saioa hasi, mezuak bidali edota argitalpenak partekatu zein ikusi. Oraingoz ez dute argitu zerk eragin duen arazoa.
Adimen Artifiziala euskara indartzeko aukera ona da, baina nahitaezkoa da denon parte-hartzea
Adituen ustez, nahitaezkoa da denon parte-hartzea eta Adimen Artifiziala euskaraz erabiltzea, gero eta datu gehiago izan ditzan bere lana euskaraz ere ondo egiteko.
Neskek "bazterketa" jasaten dute bideojokoetan eta askok "nortasuna ezkutatzen dute", Deustuko Unibertsitatearen ikerketa baten arabera
Ikerketaren arabera, mutilek borroka eta kirol arloko bideojokoak nahiago dituzte, eta neskek irudiari eta dantzari lotutako edukiak kontsumitzen dituzte gehiago.
Metak harpidetza-planak martxan jarri ditu Whatsapp, Instagram eta Facebook aplikazioetarako
Instagram Plus eta Facebook Plus bertsioek 3,5 euro inguruko kostua izango dute hilean, eta Whatsapp Plusek, 2,5 eurokoa.