Applek bilioi bat dolarreko balioa hartu du Wall Streeteko burtsan
Wall Streeteko burtsan bilioi bat dolarreko balioa hartu duen lehen konpainia bihurtu da Apple ostegun honetan, gerora horren akzioek apur bat behera egin badute ere. Ondorioz, Ameriketako Estatu Batuetako merkatuko enpresa baliotsuenen zerrendan lehenengo postuan kokatu da Apple, besteak beste, Amazon, Alphabet eta Microsoft konpainia erraldoiei aurrea hartuz.
Hala, Wall Streeteko burtsan bilioi bat dolarreko balioa hartu duen lehen konpainia izan den arren, mundu mailari dagokionez ez da lehendabizikoa izan; duela hamaika urte, 2007an, PetroChina (Txinako petrolio-enpresa nagusia) izan baitzen Shanghaiko burtsan balio hori hartu zuen lehen enpresa.
AEBn mugarri hori lortzeko, asteartean zabaldutako datuak mesedegarri izan zaizkio sagarraren konpainiari. Izan ere, 45.406 milioi dolarreko balio-irabazia izan du burtsan, eta urtetik urterako hazkundea % 20,6koa izan da urteko lehen seihilekoan.
Dena dela, apiriletik ekainera bitarteko epera mugatu da merkatuaren erantzuna, bereziki iPhone gailuaren salmentek izandako gorakadaren ondorioz, eta eskaintzen dituen zerbitzuei esker 53.265 milioi dolarreko diru-sarrerak izan baititu.
Halaber, lehen seihilekoan 41,3 milioi iPhone saldu dituen arren (2017ko epe berean saldu zituen beste), 29.906 milioi dolarreko fakturazioa lortu zuen produktu horrekin, baina 24.846 milioi dolarrekoa lortu zuen iazko lehen sei hilabeteetan.
iPhone X telefonoak 999 dolarreko salneurria du AEBn, baina Apple konpainiaren telefonoek, batez beste, 724 dolarreko salneurria izan dute 2018ko azken hiruhilekoan.
Adituek hainbat hilabete zeramatzaten apustuak egiten, Wall Streeten bilioi bat dolarreko balioa hartuko zuen lehen konpainia zein izango zen asmatu nahian. Apple izan da azkenean hori lortzen lehena, besteak beste, Amazon, Alphabet eta Microsoft konpainia erraldoiei aurrea hartuz.
Zure interesekoa izan daiteke
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "sindikatu mediko batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.
Tubos Reunidosen enpresak "antolatutako" eta patronalak babestutako kanpaina bat egon dela salatu du ELAk
Mitxel Lakuntza ELA sindikatuko idazkari nagusiak enpresak azken urteetan egindako "kudeaketa tamalgarria" gaitzetsi, eta "akziodunek 170 milioiko zorra" sortu dutela salatu du.
Amurrioko Tubos Reunidosko langileak lanera itzuliko dira, greba mugagabearen ostean
Batzordeak, hala ere, ez du baztertzen etorkizunean lanuzteei berriro ekitea, eta oraingoz bi greba eta mobilizazio egun deitu ditu maiatzaren 26rako eta 28rako.
Ikuskizunetako langileek greba eguna dute gaur Araban, Bizkaian eta Gipuzkoan
Sektorearentzako hitzarmen bat eskatzen dute lan-baldintza duinak bermatzeko. Ekitaldi asko bertan behera gelditu dira jada, eta gorabeherak espero dira gaur kontzertu, antzerki eta kongresuetan.
Greba mugagabea bertan behera utzi dute Tubos Reunidosen, eta bi mobilizazio egun iragarri dituzte, maiatzaren 26an eta 28an
Gaur Amurrioko lantegian bildu diren gehienek greba bertan behera uztea eta 24 orduko lanuzteak hastea erabaki dute. ELA, LAB eta ESK sindikatuek adierazi dutenez, hemendik aurrera, "erantzukizun gehiago" eskatuko dizkiete erakundeei, eta, beraz, bilerak deituko dituzte.