Googlek Pixel 3 gama altuko telefono mugikorra eta Pixel Slate tableta aurkeztu ditu
Google konpainiak Pixel 3 eta Pixel 3 XL gama altuko telefono mugikor berriak aurkeztu ditu astearte arratsalde honetan, New York hirian (AEB) egin duen ekitaldi batean. Horretaz gain, Pixel Slate tableta aurkeztu du.
Bi neurri desberdinetan salgai jarriko dituzten telefono mugikor berriei dagokienez, argazkiak ateratzerako orduan errealitate birtualarekin lan egiteko prestatu dituztela nabarmendu dute. Ildo horretatik, kalitate handiko argazkiak lortu daitezkeela esan dute agerraldian.
Argazkiak ateratzeko orduan errealitate birtualak izango duen garrantziari esker, argiztapen gutxi dagoen tokietan emaitza hobeak lortu daitezke. Pixel 3 telefonoak dakarren prestazio berriari esker, gainera, zoom-a erabiliz gero ez da hainbeste nabaritzen.
Gama altuko telefono mugikorraren kamera 12 megapixelekoa da, eta aurrekoa, berriz, 8.2koa.
Kamera hobeaz gain, ekitaldian nabarmendu dituzten beste ezaugarri berri batzuk ditu Pixel 3 telefonoak. Besteak beste, telefono bidezko iruzur saiakeren berri eman dezake, susmagarriak diren telefono zenbakiak antzeman baititzake.
Beste alde batetik, ordenagailu eramangarri bilakatu daitekeen tableta bat aurkeztu dute ekitaldian.
Pixel Slate izena duen tabletak, aldi berean bi zeregin ezberdin egiteko aukera ematen dio erabiltzaileari, pantaila bitan zatituz. Gauzak horrela, erabiltzaileak artikulu bat irakurtzen duen bitartean, horri buruzko oharrak hartu ditzake.
Tabletak Intel Core i7 prozesagailua erabiltzen du eta 16 gigabyteko RAM memoria dauka.
Zure interesekoa izan daiteke
Adimen artifizialarekin egindako kartel gehienek antzeko itxura dute
Kartelgintza sektorean ere gero eta ohikoagoa da tresna hori erabiltzea, merkea eta erraza baita. Publizitate adituen arabera, ordea, adimen artifiziala erabiltzea kaltegarria izan daiteke markentzat.
Sonyk 2028a baino lehenagoko diskoen ekoizpena mantenduko du, baina fabrikazio-mugekin
Konpainiaren azalpenen arabera, garatzaileek lehendik editatutako bideojokoen disko fisikoak eskatzen jarraitu ahalko dute, lantegiek euren fabrikazio-gaitasuna asko murriztuko duten arren.
Eusko Jaurlaritzak ordenagailu kuantikoa enpresen eskura jarri du: "Ilara luzea daukagu"
Basque Quantum (BasQ) aliantzak gidatuta, sarbide protokolo bat zehaztu dute enpresa eta erakunde publikoen sarbidea errazteko.
Europako Justiziak Googleri ezarritako 4.125 milioi euroko isuna berretsi du
Europar Batasuneko Justizia Auzitegiak ezetsi egin du Googlek jarritako errekurtsoa, eta zigortu egin du konpainia Android sistema eragilearen bidez nagusitasunezko posizioaz abusatzeagatik.
PlayStationek bideojoko berrien disko fisikoak ekoizteari utziko dio 2028an
Enpresak kontsumo-joera berrietara egokitu nahi du, eta "baliabide digitalen aldeko joera disko fisikoena baino askoz handiagoa" dela adierazi du.
Gaspi argentinar youtuber ezaguna hil da, helikoptero istripu batean
Ibai Llanos bilbotarrak iaz antolatutako boxeo-ikuskizunaren izarretako bat izan zen Gaspi. Sei pertsona hil dira ezbeharrean.
Instagram eta Facebook mundu osoan erori dira
Akatsak 15:00ak aldera hasi dira plataforma horietan, eta erabiltzaileek ezin izan dute saioa hasi, mezuak bidali edota argitalpenak partekatu zein ikusi. Oraingoz ez dute argitu zerk eragin duen arazoa.
Adimen Artifiziala euskara indartzeko aukera ona da, baina nahitaezkoa da denon parte-hartzea
Adituen ustez, nahitaezkoa da denon parte-hartzea eta Adimen Artifiziala euskaraz erabiltzea, gero eta datu gehiago izan ditzan bere lana euskaraz ere ondo egiteko.
Neskek "bazterketa" jasaten dute bideojokoetan eta askok "nortasuna ezkutatzen dute", Deustuko Unibertsitatearen ikerketa baten arabera
Ikerketaren arabera, mutilek borroka eta kirol arloko bideojokoak nahiago dituzte, eta neskek irudiari eta dantzari lotutako edukiak kontsumitzen dituzte gehiago.
Metak harpidetza-planak martxan jarri ditu Whatsapp, Instagram eta Facebook aplikazioetarako
Instagram Plus eta Facebook Plus bertsioek 3,5 euro inguruko kostua izango dute hilean, eta Whatsapp Plusek, 2,5 eurokoa.