Facebookeko erabiltzaileen informazio pribatua, munduko 150 enpresa handiren eskura
Facebookek bere erabiltzaileen datu pertsonalak, besteak beste, Netflix, Spotify, Amazon eta Microsoft konpainia handien esku jarri ditu, pribatutasuna bermatzeko neurri eraginkorrak hartu dituela agindu zuen arren.
The New York Times egunkariak gaur argitaratu duenez, Facebookek bere erabiltzaileen informazio pribatua mundu osoko 150 enpresa baino gehiagorekin partekatu du, Merkataritzako Batzorde Federalarekin egin zuen akordioa urratuta. Itun horren arabera, erabiltzaileen baimenik gabe informaziorik ez partekatzeko konpromisoa hartu zuen Facebookek 2011n.
Facebookek bere babesle diren enpresekin egindako akordioak oinarri hartuta eta Mark Zuckerbergen konpainiako 50 langile ohiren testigantzak bilduta egin du ikerketa aipatu egunkariak.
Agiri horien arabera, Microsoften Bing bilatzaileak Facebookeko erabiltzaileen lagun guztien izen-abizenak ikusi ahal izan ditu; Netflixek eta Spotifyk mezu pribatuak irakurri ahal izan dituzte; Amazonek erabiltzaileen eta haien lagunen izenak eskuratu ahal izan ditu; eta Yahook Facebookeko erabiltzaileen lagunek bidalitako mezuak ikusi ahal izan ditu.
Facebookek bere babesleekin egindako akordio zaharrenak 2010ekoak dira, baina 2017an eta 2018an horietako asko oraindik indarrean zeudela egiaztatu du The New York Times egunkariak. Guztira, 150 enpresa baino gehiago baliatu dira informazio horrekin, eta hilean dozenaka milioi erabiltzaileren informazioa bildu dute.
Eskandalua publiko egin ostean, Facebookek oharra kaleratu du enpresa horiekin egindako akordioek Merkataritzako Batzorde Federalaren ituna betetzen dutela esanez; izan ere, informazio pribatu hori erabiltzaileen oniritziarekin jaso dutela esan du sare sozialaren zuzendaritzak.
Amazon edo Microsoft konpainiek ere hitz egin dute: informazioa ez dutela modu desegokian erabili esan dute, baina ez dute xehetasun gehiagorik eman Facebookekin duten akordioaren harian.
Zure interesekoa izan daiteke
Europako Batzordeak espedientea ireki dio X sare sozialari, Groken bitartez egiten diren irudi sexualizatuengatik
Elon Musken enpresak Grok adimen artifizialari lotutako arriskuak aztertu eta arindu ote dituen argitu nahi du Bruselak.
Pradales, Chivite eta beste erkidego batzuetako presidenteen datu pertsonalen filtrazioa ikertzen ari dira
Eurogosth izeneko hackerrak agintari autonomikoen NANa, helbideak edo telefonoak zabaldu ditu, eta Vindex ezizeneko hackerrak, berriz, Puente ministroaren eta Garraioetako beste goi-kargudun batzuen informazio pertsonala zabaldu du bi fasetan.
TikTokek AEBren kontrolpean dagoen enpresa bat sortu du AEBn app-aren betoa saihesteko
Donald Trump AEBko presidenteak, akordioaren bultzatzaile nagusiak, sare sozialetan ospatu du duela hilabete prentsak aurreratu zuen albistea baieztatu izana, eta nabarmendu du aplikazioa oso garrantzitsua izan zela 2024ko hauteskundeetan berak lortutako garaipenean, TikTokeko erabiltzaile gazteei esker.
?fmt=webp-alpha&qlt=80)
X mundu mailan erori da, aste honetan bigarrenez
Sare soziala eta Grok adimen artifiziala ez dira kargatzen, eta ezin dira erabili.
Xk galarazi egingo du erabiltzaileek Grok bidez irudi sexualizatuak sortzea
Adimen artifizialaren inguruko murrizketa gehiago ezarri ditu sare sozialak, arropa intimoa duten benetako pertsonen irudiak sortzeko polemikaren ondoren, adingabeak barne. Neurria ordainpeko harpidedunei ere aplikatzen zaie.
Grok, Xren adimen artifiziala, indarkeria matxistarako erraminta berria
Milaka pertsona Elon Musken AA erabiltzen ari dira emakumeen irudi sexualizatuak sortzeko, haien baimenik gabe. Horrek eztabaida handia sortu du munduan. Horregatik, Colectiva Femiaseko bi kiderekin hitz egin dugu, artea, feminismoa eta AA lantzen dutenak.
Mundu osoko gobernuak Musken Grok estutzen ari dira, horrek sortu ditzakeen “deepfake” sexualengatik
Europan, hainbat gobernuk ikerketak abiatu dituzte horrelako edukiak legez kanpokoak diren ebaluatzeko.
ChatGPTk eta Copilotek WhatsAppen funtzionatzeari utziko diote eta Meta AIk bakarrik jarraituko du eskuragarri
Mezularitza-plataformaren politika berriengatik, beste enpresen chatbotak itxiko dituzte, eta, ondorioz, OpenAI eta Microsoftenak erretiratuko dituzte bihartik aurrera.
Wikipediak 25 urte bete ditu, eta euskarazko edizioa hizkuntza gutxituen erreferente bihurtu da
Munduko entziklopedia aske eta kolaboratiborik handiena, 60 milioi artikulu baino gehiago dituela, 25. urteurrena ospatzen ari da. Era berean, euskarazko Wikipedia nabarmendu da, hazkunde iraunkorragatik, komunitate aktiboagatik eta euskara Interneten zaintzen eta zabaltzen laguntzeagatik.
Datuak Babesteko Agentziak inoren irudiak zabaltzeak dakartzan ondorioez ohartarazi du, penalak ere izan daitezke eta, egiazkoak zein AArekin sortutakoan izan
Datuak Babesteko Espainiako Agentziak ohartarazi du tresna horiek zuhurtziarik gabe erabiltzeak oinarrizko eskubideak urra ditzakeela eta legezko erantzukizunak ekar ditzakeela, batez ere eduki intimoa, sexualizatua edo adingabeei buruzkoa den kasuetan.