Hackerrek Whatsappen erabiltzaileen telefonoetara sartzea lortu dute
Whatsapp Facebookek erosi zuen bat-bateko mezularitza aplikazioaren arduradunek gaur aitortu dutenez, zulo bat aurkitu dute sisteman eta hutsegite horrek telefono batzuetan software espioia instalatzea ahalbidetu die pirata informatikoei, gailuetan gordeta dauden datuetara sarbidea izateko.
Aplikazioa azken bertsioarekin eguneratzeko eskatu die konpainiak munduan dituen 1.500 erabiltzaileri, eta, gailuak babeste aldera, sistema eragilea ere berriztatzea.
Whatsappek, Facebookek 2014an erosi zuen konpainiak, ez du zehazterik, beraien hitzetan, zenbat lagunek jaso dituzten kalteak, baina esan du biktimak “aukeratuak” izan direla eta, hortaz, ez dirudiela eraso masiboa.
Telefonoetan instalatu duten “spyware” edo software espioiak “antza du” NOS Group Israelgo zibersegurtasun enpresak garatzen duen teknologiarekin, eta Whatsappek susmagarri nagusitzat du enpresa hori.
Hackerrek Whatsapp bidezko deiak egin zituzten, jaso nahi zituzten datuak gordetzen zituzten telefonoetara, eta “spyware” programa gailuetan instalatu zuten, nahiz eta erabiltzaileak ez erantzun deiari.
Biktimetako batzuk giza eskubideen aldeko plataformak izateak erasoaren atzean NSO Group dagoen hipotesia indartzen du, aurretik ere horrelako taldeen aurkako erasoak egiteko erabili izan baitute beraien softwarea.
NSO Groupen jarduna oso iluna da, eta urte askoan sekretupean aritu da mundu osoko gobernuentzat eta bestelako bezeroentzat software espioia garatzen.
“Spywareak” Appleren (iOS) zein Googleren (Android) sistema eragilea duten telefonoak jo zituen.
Zure interesekoa izan daiteke
Hamar pasahitz erabilienak "segundo batean baino gutxiagoan" asmatzeko modukoak dira, Ziur zibersegurtasun zentroaren arabera
Kontu garrantzitsu guztiek pasahitz propioa izatea gomendatu du Ziur Gipuzkoako Foru Aldundiaren Zibersegurtasun Industrialeko Zentroak, baita "pasahitz luze eta deszifratzeko zailak" aukeratzea zein pasahitz-kudeatzaileak erabiltzea ere.
Nor da John Ternus eta zer erronka izango du Appleren gidaritzan?
John Ternusek datorren irailaren 1ean kontseilari delegatu kargua hartuko du, eta Tim Cookekin alderatuta (operazioetan eta negozioan zentratuago dagoen), ingeniaritza arloari garrantzi handiagoa ematea aurreikusten dute adituek.
Tim Cookek Appleren CEO izateari utziko dio irailean, eta John Ternusek ordezkatuko du
Konpainia teknologikoak aho batez onartu du enpresaren burua ordezkatzea, eta irailaren 1ean gauzatuko da. Orduz gero, Cook administrazio-kontseiluaren presidente exekutiboa izango da.
RAM memorien krisialdia 2030era arte luza liteke, adituen arabera
Sektoreko fabrikatzaile nagusiak —Samsung, SK Hynix eta Micron— ekoizpen fabrika berriak sortzen ari dira arazo horri irtenbidea emate aldera, baina prozesu luzeak direnez, datorren urte amaierarako eskariaren % 60 betetzea lortuko dute, Nikkei Asiak jakinarazi duenez.
Instagram Plus: istorio luzeagoak, zerrenda pribatuak eta beste funtzio esklusibo batzuk eskaintzen dituen harpidetza zerbitzu berria
Ordainpeko harpidetza zerbitzu berria probatzen hasi da Meta. Astean zehar istorio bat nabarmentzea ere ahalbidetuko du, jende gehiagok ikus dezan, eta Superlike animatu bat bidaltzea, besteak beste.
Ez dute ChatGPTren funtzio erotikoa kaleratuko OpenAIk laguntzailea hobetzen duen arte
Konpainia teknologikoak funtzio hori data zehaztu gabe atzeratzea erabaki du, erabiltzaile heldu egiaztatuek eduki erotikoan sartzeko aukera izan dezaten. Sistemaren adimenean eta pertsonalizatzeko gaitasunean hobekuntzak egitea lehenetsi nahi dute.
AA "erabat kaltegarria" izan daiteke mentalki kalteberak diren pertsonengan, psikiatra batek ohartarazi duenez
Adimen Artifizialak "ez du kontzientziarik, ez du errukirik eta ez du maite" erabiltzailea, hortaz, "berdin zaio zer gertatzen zaion". Gainera, normalean "atsegina" izaten da, eta "erabiltzailari entzun nahi duen erantzuna ematen dio".
X, Meta eta TikTokek delituak egin dituzten ikertzeko eskatuko dio Espainiako Gobernuak Fiskaltzari
"Plataforma horiek gure seme-alaben osasun mentalaren, duintasunaren eta eskubideen aurka egiten ari dira. Estatuak ezin du horrelakorik onartu", azpimarratu du Pedro Sanchezek X sare sozialean.
Sare sozialak gehiegi erabiltzeak gazteak isolatzea eragiten du, ikerketa baten arabera
AEBko 120 unibertsitatetan 18 eta 24 urte bitarteko 64.988 gazteri egindako galdeketaren emaitzak argitaratu ditu gaur Journal of American College Health aldizkariak.
15 urtez azpikoei sare sozialak debekatzearen alde agertu da Txekiako Gobernua
X-en zabaldutako bideo batean, Txekiako gobernuburuak ziurtatu du espainiar edota frantziar estatuetan bultzatutako debekuarekin bat egiten duela.