Googlek betoa, Huaweiri: Bere sakelakoak, Androiden aplikazio eta eguneratzerik gabe
Googlek bertan behera utzi ditu Huawei konpainia txinatarrarekin zituen negozioen parte bat, hardwareari eta softwareari lotutako transferentzia behar dutenak, hain zuzen ere, Reuters albiste agentziak zabaldutako informazioaren arabera. Donald Trump AEBko presidenteak konpainia txinatarra "zerrenda beltzean" sartu eta hiru egunera etorri da Googleren erabakia.
Betoak Huaweiren sakelakoa edo tableta duten erabiltzaileei eragingo die zuzenean; izan ere, ezingo dituzte Googleren aplikazioak (Gmail, YouTube, Google Maps...) eguneratu. Horrez gain, oraindik merkaturatu ez diren gailuek ezingo dute Android sistema operatiboa erabili, ezta Google Play Store bezalako zerbitzuak edota Gmail edo YouTube aplikazioak ere. Konpainia txinatarrak kode irekiko lizentzia duen Android bertsioa baino ezingo du erabili.
"Huaweik Androiden bertsio publikoa erabili ahalko du bakarrik, eta debekatuta izango ditu Googleren aplikazio eta zerbitzuak", azaldu dio konpainiak Reutersi.
Telefono adimendunen munduko bigarren fabrikatzailea da Huawei (Samsung da liderra; Apple, hirugarrena). Espainiako Estatuan, baina, marka horretakoak dira gehien saltzen diren sakelakoak.
Betoak bere negozioan izango dituen ondorioak aztertzen ari da jada Huawei. Shenzhengo konpainiak urteak daramatza sistema eragile propioa garatzen.
Googlek ez ezik, AEBko prozesadore ekoizle nagusiek (Intel, Qualcomm, Xilinx eta Broadcom) ere, betoa jarri diote Huaweiri. Intel konpainia txinatarraren prozesadore hornitzaile nagusia da, Qualcommek prozesadoreak eta modemak ekoizten ditu Huaweirentzat, Xilinxek txip programagarriak egiten ditu, eta Broadcomek, kommutazio txipak.
Huaweiren standa, Hannover hiriko azoka teknologikoan. Argazkia: EFE
Trumpen gerra komertziala
Donald Trumpen gobernuak larrialdi nazionala ezarri zuen asteazkenean AEBko telekomunikazio sareak babesteko. Agindu exekutibo baten bitartez Merkataritza idazkariari eskuduntzak eman zizkion atzerriko konpainiei betoa jartzeko. Aginduak ez zuen Huawei aipatzen, baina jakina zen jomugan izango zela. Handik egun batzuetara baieztatu zen mehatxua: Merkataritza Departamentuak Huawei sartu zuen "zerrenda beltzean".
"Zerrenda honetan dauden konpainia eta pertsonek lizentzia beharko dute AEBko teknologia eskura izateko. Lizentzia hori bertan behera geratuko da, AEBen segurtasun nazionala edo interesak arriskuan daudela frogatzen bada", azaldu zuen Departamentuak.
Arlo teknologikoan ez ezik, beste eremu batzuetan ere Txinaren kontrako gerra komertziala du abian Trumpek. Muga-zergak ezarri dizkio hainbat produkturi. Txinak ere antzeko neurriekin erantzun du.
5Garen norgehiagoka
Eremu teknologikoan 5G teknologiaren hedapena bihurtu da gudu zelai nagusia. Teknologia horri esker, 4Garekin baino 20 aldiz azkarrago nabigatu ahalko dugu, ibilgailu autonomoen garatzea azkartuko da eta ebakuntzak urruneko kontrolarekin egin ahalko dira
AEBen ustez, teknologia hori espioitzarako erabiltzen ari da Huawei. Pentagonoan, esaterako, erabat debekatuta dituzte marka horretako gailuak. Konpainia txinatarrak gezurtatu egin ditu akusazioak, eta salaketak helburu ekonomikoak baino ez dituela nabarmendu du.
AEBtik kanpora ere presio egiten ari da Trump, Europar Batasunari betoa ezartzeko eskatu dio behin baino gehiagotan. Izan ere, 5G konektibitatean munduko liderra da Huawei.
Zure interesekoa izan daiteke
Ez dute ChatGPTren funtzio erotikoa kaleratuko OpenAIk laguntzailea hobetzen duen arte
Konpainia teknologikoak funtzio hori data zehaztu gabe atzeratzea erabaki du, erabiltzaile heldu egiaztatuek eduki erotikoan sartzeko aukera izan dezaten. Sistemaren adimenean eta pertsonalizatzeko gaitasunean hobekuntzak egitea lehenetsi nahi dute.
AA "erabat kaltegarria" izan daiteke mentalki kalteberak diren pertsonengan, psikiatra batek ohartarazi duenez
Adimen Artifizialak "ez du kontzientziarik, ez du errukirik eta ez du maite" erabiltzailea, hortaz, "berdin zaio zer gertatzen zaion". Gainera, normalean "atsegina" izaten da, eta "erabiltzailari entzun nahi duen erantzuna ematen dio".
X, Meta eta TikTokek delituak egin dituzten ikertzeko eskatuko dio Espainiako Gobernuak Fiskaltzari
"Plataforma horiek gure seme-alaben osasun mentalaren, duintasunaren eta eskubideen aurka egiten ari dira. Estatuak ezin du horrelakorik onartu", azpimarratu du Pedro Sanchezek X sare sozialean.
Sare sozialak gehiegi erabiltzeak gazteak isolatzea eragiten du, ikerketa baten arabera
AEBko 120 unibertsitatetan 18 eta 24 urte bitarteko 64.988 gazteri egindako galdeketaren emaitzak argitaratu ditu gaur Journal of American College Health aldizkariak.
15 urtez azpikoei sare sozialak debekatzearen alde agertu da Txekiako Gobernua
X-en zabaldutako bideo batean, Txekiako gobernuburuak ziurtatu du espainiar edota frantziar estatuetan bultzatutako debekuarekin bat egiten duela.
TikToken diseinu "adiktiboak" Europar Batasuneko legea urratzen duela ondorioztatu du Bruselak
Europako Batzordeak zehaztu duenez, erabiltzaileak etengabe eduki berriekin "saritzen" dituenez, TikToken diseinuaren zenbait ezaugarrik pantailan mugitzen jarraitzeko beharra elikatzen dute, eta erabiltzaileen garuna "pilotu automatiko moduan" sartzea eragiten dute. Horrek portaera konpultsiboa izatea eta erabiltzaileen autokontrola murriztea ekar dezake. TikTokek esan du "erabat faltsua" dela bere diseinuak mendekotasuna sortzen duenik.
Dorre kuantikoa barrutik: konputagailu kuantikoa garatzeko txipak egingo dituzte bertan
Donostian, CIC Nanoguneri erantsita, dorre kuantikoa eraiki dute. Bertan, besteak beste, diluzio hozkailua ezarri dute eta han daude ordenagailu kuantikoak beharrezko dituen txipak sortuko dituzten laborategiak.
Australia eta Frantzia, aitzindari: adingabeek sare sozialak nola erabiltzen duten arautzeko bidea ezarri dute
Australia eta Frantzia izan ziren nerabeei sare sozialetarako sarbidea mugatu zieten lehen herrialdeak, eta Espainiako Gobernua antzeko neurri bat hartzera bultzatu dituen aurrekariak ezarri zituzten.
Europako Batzordeak espedientea ireki dio X sare sozialari, Groken bitartez egiten diren irudi sexualizatuengatik
Elon Musken enpresak Grok adimen artifizialari lotutako arriskuak aztertu eta arindu ote dituen argitu nahi du Bruselak.
Pradales, Chivite eta beste erkidego batzuetako presidenteen datu pertsonalen filtrazioa ikertzen ari dira
Eurogosth izeneko hackerrak agintari autonomikoen NANa, helbideak edo telefonoak zabaldu ditu, eta Vindex ezizeneko hackerrak, berriz, Puente ministroaren eta Garraioetako beste goi-kargudun batzuen informazio pertsonala zabaldu du bi fasetan.