5G sarea iritsi da Bilbora, Donostiara, Gasteizera eta Iruñera
Ekainaren 15ean heldu da euskal hiriburuetara Vodafonen 5G sare komertziala. Aipatu telefono konpainiak Huawei eta Ericsson izango ditu hornitzaile, eta Samsung, LG eta Xiaomi sakelako telefonoetan egongo da erabilgarri. Hasiera batean, % 50eko estaldura izango dute konpainia horretako bezeroek Bilbon, Gasteizen, Donostian eta Iruñean.
Larunbat honetan 15 hiritan jarri dute teknologia azkar hau martxan: Bilbon, Donostian, Gasteizen, Iruñean, Madrilen, Valentzian, Bartzelonan, Malagan, Sevillan, A Coruñan, Zaragozan, Santanderren, Vigon, Gijonen eta Logroñon.
Europan, Espainiako Estatua izango da Vodafonen 5G teknologia erabiltzen lehena, nahiz eta iragarri duten ekainaren 17an Italiara zabalduko dutela eta uztailaren 3an Erresuma Batura. Udarako, bestalde, Alemaniara iristea aurreikusi dute. Horrek esan nahi du 5G roaminga egongo dela herrialde horietan.
Horretarako, 3,7 gigahertzeko frekuentziaz baliatuko dira. Hala, datuak jaisterako orduan, segundoko gigabyte bateko abiadura harrapatuko du zerbitzuak, eta urte bukaerarako 2 gigabytera igoko dute. 5G abiadura, hortaz, hamar aldiz azkarrago joango da.
Vodafonek apiriletik aurrera ezarritako plan berri guztiek izango dute 5G zerbitzua, aparteko kosturik gabe, alegia, 200.000 lineatan egongo da erabilgarri, baina gainerako bezeroek tarifa berriren bat aukeratu beharko dute zerbitzua erabilgarri izateko.
Hain zuzen ere, Vodafone Ilimitada Total (49,99 euro hilabetean) eta Vodafone One Ilimitada Total (109,99 euro hilabetean) planak dituzten bezeroek izango dituzte G5aren abantaila: datu gaitasun mugagabea, itxarote-denbora nabarmen murriztuko da eta abiadura gorena.
Telefonoak eta zerbitzuak
Telefono konpainia 5G sakelako telefono berriak saltzen hasi zen astelehenean: Samsung Galaxy S10 5G, LG V50 ThinQ 5G eta Xiaomiren Mi Mix 3 5G. Aurki, gainera, 5G zerbitzura egokitutako telefono gehiago salduko omen ditu.
Albiste gehiago teknologia
"Arazo teknikoek" zapuztu dute Mark Zuckerbergen betaurreko adimendunen aurkezpena
Mark Zuckerberg Metako zuzendari exekutiboak aurkeztu ditu Meta Ray-Ban Display betaurreko adimendunak. Aurkezpen ekitaldian, erreminta berriaren akatsak izan dira protagonista. Zuckerbergek, lotsatuta, wifi konexioari egotzi dizkio betaurreko adimendun berrien akatsak.
TikToken algoritmoa salmentaren gako, AEB eta Txinaren arteko negoziazioetan
Aste honetan Madrilen merkataritza negoziazioen laugarren erronda egin ondoren, bi potentziek "akordio esparru" bat lortu zuten TikToken inguruan. Gomendioen motorra nork kontrolatzen, mantentzen eta eguneratzen duen zehaztea da puntu erabakigarria, hori baita TikTokek Estatu Batuetan duen arrakastaren (150 milioi erabiltzaile) gakoetako bat.
Urriaren 15ean inauguratuko dute Europako superordenagailu kuantiko indartsuena, Donostian
Hasiera batean aurreikusita zegoen Ikerbasqueren Donostiako campusak IBMren Quantum System One bat hartzea, baina akordioa eguneratu ondoren System Two bat izango dute, multinazional teknologikoaren "harribitxia", hain zuzen ere.
Robotak, korrikan, futbolean eta talkaka Txinako roboten olinpiadetan
Txinak giza itxurako Roboten Munduko Jokoak inauguratu ditu. Hiru egunetan zehar, adimen artifizialean eta robotikan egindako aurrerapenak erakutsi nahi ditu, 16 herrialdetako 280 talderen parte-hartzearekin. Atletismoan eta mahai-tenisean lehiatzeaz gain, beste erronka batzuk ere izango dituzte, sendagaiak sailkatu, materialak manipulatu eta garbiketa-lanak ere egin beharko baitituzte.
BEC ordenagailuz eta informatikazale amorratuz beteko da berriro uztailaren 24tik 27ra
Estatuko 'lan party' handienak eta Europako garrantzitsuenetako batek 4.000 ordenagailu eta dozenaka stand hartuko ditu, eta teknologia berriak, berrikuntza eta kultura digitala maite dituzten 5.000 pertsona bilduko ditu lau egunez.
Linda Yaccarino X enpresako zuzendariak dimisioa eman du, bi urtez Elon Musken konpainiaren buru izan ondoren
Yaccarinok alde egiteko erabakia iragarri du arrazoirik eman gabe, eta aditzera eman du ez dagoela inolako desadostasunik Elon Muskekin. Are gehiago, "izugarri eskertuta" dagoela erantsi du.
Trumpek 90 egunez luzatu du TikToki Txinatik bereizteko emandako epea
Trumpek 90 egun gehiago eman dizkio TikToki Txinako matrizetik bereiz dadin, AEBn erabili ahal izateko. Bidenen agintaldiko lege batek Txinarekin moztera behartzen zuen aplikazioa, AEBren "arerioa" dela iritzita, baina Trump presidenteak luzapenak onartu ditu TikTokek AEBko inbertitzaile bat aurkitu dezan.
Euskarazko eta beste hizkuntza gutxituetako txatbotak sortzeko modu berritzailea topatu du HiTZ zentroak
Orain arte, txatboten elkarrizketa onak izateko gaitasuna Interneten modu irekian hizkuntza jakin batean idatzita dauden dokumentu kopuruaren araberakoa zen, baina metodo berriak izugarri erraztuko du txatboten jarduna egokiagoa izatea.
Nintendo Switch 2a erosi aurretik jakin beharreko 5 gauza
Nintendoren kontsola berria ostegun honetan, ekainak 5, merkaturatu dute eta hemen dituzu erosi aurretiko jakingarri batzuk.
Donostiako CIC nanoGUNE errefererentzia-zentro bihurtuko da teknologia kuantikoan
Ibaeta auzoan dagoen CIC nanoGUNEren eraikinak bigarren dorre bat izango du, eta bertan hardware kuantikoaren ikerketara bideratutako laborategiak egongo dira.