Ez, pasahitz gisa 12345 jartzea ez da ideia ona
Espainiako Estatuan gehien erabiltzen diren pasahitzak "12345", "123456" eta "123456789" dira, S2 zibersegurtasunean espezializatutako enpresak adierazi duenez. Gainera, egiaztagiri baten lapurretak hainbat zerbitzuri atea ireki diezaiekeela (pasahitzak errepikatuta egon ohi direlako) eta wifi sareak ez ditugula modu seguruan erabiltzen azpimarratu du.
Administrazio publikoak, zibersegurtasuneko adituak eta enpresa espezializatuak bat datoz esateko orduan Interneten nabigatzeko segurtasuna norberarengan hasten dela, eta, beraz, erabiltzaileak direla Interneten modu seguruan mugitzeko neurriak hartu behar dituzten lehenak.
Gainera, pandemian zehar mehatxuak eta arriskuak areagotu egin direla ohartarazi dute zibersegurtasunaren sektoreko hainbat enpresak. Merkataritza elektronikoa joera bat izateari utzi eta premia asko asetzeko irtenbide gisa finkatu dela ikusi dute, eta horrek iruzurren kopurua ere handitu du.
Internet seguruaren eguna
Gaur, otsailak 9, Internet Seguruaren Eguna da. "Internet hobe bat zurekin hasten da: konektatuagoak, seguruagoak" leloa hautatu du Insafe-Inhope nazioarteko erakundeak, Europako Batzordearen laguntzarekin egutegian finkatu den eta urtero bigarren hilabeteko bigarren asteko bigarren egunean egiten den hitzordurako.
Zibersegurtasunaren Institutu Nazionalak (INCIBE) azaldu duenez, garrantzitsua da teknologia digitalen erabilera segurua eta positiboa sustatzea, batez ere haurren eta gazteen artean, baina baita adinekoen artean ere, telelanak gora egin duelako eta pertsonek gero eta denbora gehiago ematen dutelako ingurune digitaletan.
INCIBEren arabera, Internet "seguruagoa baina hobea ere" izan behar da, eta erabiltzaileek sareko teknologiak eta tresnak "arduraz, errespetuz, ikuspegi kritiko eta sortzailea izanik" erabili behar dituzte.
Internet Segura For Kids (IS4K) plataformak (Zibersegurtasunaren Institutu Nazionalak Interneten adingabeen segurtasuna sustatzeko sortutako ataria) bat egin du ospakizunarekin, eta erantzukizunez jokatzeko eskatu die haur eta gazteei, baina baita gurasoei, irakasle eta hezitzaileei, enpresei eta arduradun eta agintari politikoei ere.
"Guztiok dugu Interneten desberdintasuna markatzeko ardura", adierazi du, eta erabiltzaile bakoitzak Internet toki "positiboa" izan dadin eta gainerakoekin errespetuz jokatzeko duen erantzukizuna azpimarratu du.
Zure interesekoa izan daiteke
Europako Batzordeak espedientea ireki dio X sare sozialari, Groken bitartez egiten diren irudi sexualizatuengatik
Elon Musken enpresak Grok adimen artifizialari lotutako arriskuak aztertu eta arindu ote dituen argitu nahi du Bruselak.
Pradales, Chivite eta beste erkidego batzuetako presidenteen datu pertsonalen filtrazioa ikertzen ari dira
Eurogosth izeneko hackerrak agintari autonomikoen NANa, helbideak edo telefonoak zabaldu ditu, eta Vindex ezizeneko hackerrak, berriz, Puente ministroaren eta Garraioetako beste goi-kargudun batzuen informazio pertsonala zabaldu du bi fasetan.
TikTokek AEBren kontrolpean dagoen enpresa bat sortu du AEBn app-aren betoa saihesteko
Donald Trump AEBko presidenteak, akordioaren bultzatzaile nagusiak, sare sozialetan ospatu du duela hilabete prentsak aurreratu zuen albistea baieztatu izana, eta nabarmendu du aplikazioa oso garrantzitsua izan zela 2024ko hauteskundeetan berak lortutako garaipenean, TikTokeko erabiltzaile gazteei esker.
?fmt=webp-alpha&qlt=80)
X mundu mailan erori da, aste honetan bigarrenez
Sare soziala eta Grok adimen artifiziala ez dira kargatzen, eta ezin dira erabili.
Xk galarazi egingo du erabiltzaileek Grok bidez irudi sexualizatuak sortzea
Adimen artifizialaren inguruko murrizketa gehiago ezarri ditu sare sozialak, arropa intimoa duten benetako pertsonen irudiak sortzeko polemikaren ondoren, adingabeak barne. Neurria ordainpeko harpidedunei ere aplikatzen zaie.
Grok, Xren adimen artifiziala, indarkeria matxistarako erraminta berria
Milaka pertsona Elon Musken AA erabiltzen ari dira emakumeen irudi sexualizatuak sortzeko, haien baimenik gabe. Horrek eztabaida handia sortu du munduan. Horregatik, Colectiva Femiaseko bi kiderekin hitz egin dugu, artea, feminismoa eta AA lantzen dutenak.
Mundu osoko gobernuak Musken Grok estutzen ari dira, horrek sortu ditzakeen “deepfake” sexualengatik
Europan, hainbat gobernuk ikerketak abiatu dituzte horrelako edukiak legez kanpokoak diren ebaluatzeko.
ChatGPTk eta Copilotek WhatsAppen funtzionatzeari utziko diote eta Meta AIk bakarrik jarraituko du eskuragarri
Mezularitza-plataformaren politika berriengatik, beste enpresen chatbotak itxiko dituzte, eta, ondorioz, OpenAI eta Microsoftenak erretiratuko dituzte bihartik aurrera.
Wikipediak 25 urte bete ditu, eta euskarazko edizioa hizkuntza gutxituen erreferente bihurtu da
Munduko entziklopedia aske eta kolaboratiborik handiena, 60 milioi artikulu baino gehiago dituela, 25. urteurrena ospatzen ari da. Era berean, euskarazko Wikipedia nabarmendu da, hazkunde iraunkorragatik, komunitate aktiboagatik eta euskara Interneten zaintzen eta zabaltzen laguntzeagatik.
Datuak Babesteko Agentziak inoren irudiak zabaltzeak dakartzan ondorioez ohartarazi du, penalak ere izan daitezke eta, egiazkoak zein AArekin sortutakoan izan
Datuak Babesteko Espainiako Agentziak ohartarazi du tresna horiek zuhurtziarik gabe erabiltzeak oinarrizko eskubideak urra ditzakeela eta legezko erantzukizunak ekar ditzakeela, batez ere eduki intimoa, sexualizatua edo adingabeei buruzkoa den kasuetan.