Sonyk otsailean utziko dio Blu-Ray diskoak ekoizteari
Sony multinazional teknologiko japoniarrak Blu-Ray eta minidisc formatuko grabazio-diskoen ekoizpena etengo du otsailetik aurrera, baita bideo-kameretarako mini DV zinta ere. Hala, formatu fisikoko grabazio-bitartekoen produkziotik behin betiko erretiratuko da enpresa.
Kanpoko disko gogorrak eta hodeia gero eta gehiago erabiltzen dira biltegiratze bitarteko gisa, eta streaming zerbitzuak ugaritzen ari dira. Horren ondorioz, disko optikoetan grabatzeko bitartekoen eskaria jaitsi egin da urtez urte.
Formatu horiek "ez dute ondorengorik", argitu zuen enpresak ostegun honetan argitaratutako ekoizpen-eteteari buruzko komunikatuan.
Testuinguru horretan, Sonyk berak zituen grabazio fisikoko formatu guztiak ekoizteari amaiera ematea erabaki du, nahiz eta Blu-Ray grabatzeko eta erreproduzitzeko gailuak garatzen eta ekoizten jarraituko duen.
Ez dago argi zer gertatuko den filmetarako eta bideo-jokoetarako formatuaren erabilerarekin, baina Sonyk formatu horiek biltegiratzen jarraituko du enpresen artean banatzeko, oraingoz behintzat, Nikkei egunkari ekonomikoak jasotako xehetasunen arabera.
Formatu horien ekoizpena oraindik zehazteke dagoen otsaileko egun batean amaitzea aurreikusten da, eta partikularrei egindako salmentak izakinak amaitu bezain laster amaituko dira.
Zure interesekoa izan daiteke
Gaspi argentinar youtuber ezaguna hil da, helikoptero istripu batean
Ibai Llanos bilbotarrak iaz antolatutako boxeo-ikuskizunaren izarretako bat izan zen Gaspi. Sei pertsona hil dira ezbeharrean.
Instagram eta Facebook mundu osoan erori dira
Akatsak 15:00ak aldera hasi dira plataforma horietan, eta erabiltzaileek ezin izan dute saioa hasi, mezuak bidali edota argitalpenak partekatu zein ikusi. Oraingoz ez dute argitu zerk eragin duen arazoa.
Adimen Artifiziala euskara indartzeko aukera ona da, baina nahitaezkoa da denon parte-hartzea
Adituen ustez, nahitaezkoa da denon parte-hartzea eta Adimen Artifiziala euskaraz erabiltzea, gero eta datu gehiago izan ditzan bere lana euskaraz ere ondo egiteko.
Neskek "bazterketa" jasaten dute bideojokoetan eta askok "nortasuna ezkutatzen dute", Deustuko Unibertsitatearen ikerketa baten arabera
Ikerketaren arabera, mutilek borroka eta kirol arloko bideojokoak nahiago dituzte, eta neskek irudiari eta dantzari lotutako edukiak kontsumitzen dituzte gehiago.
Metak harpidetza-planak martxan jarri ditu Whatsapp, Instagram eta Facebook aplikazioetarako
Instagram Plus eta Facebook Plus bertsioek 3,5 euro inguruko kostua izango dute hilean, eta Whatsapp Plusek, 2,5 eurokoa.
YouTube, Snapchat eta TikTok sare sozialek akordioa lortu dute "eragindako mendekotasunagatik" salatu zituen Kentuckyko eskolarekin
Akordioari esker, bertan behera gelditu da hezkuntza barruti batek sare sozialetako plataformen kontra abiatutako lehen epaiketa izango zena. Hala ere, oraingoz ez dituzte akordioaren inguruko xehetasunak eta baldintzak argitu.
Hamar pasahitz erabilienak "segundo batean baino gutxiagoan" asmatzeko modukoak dira, Ziur zibersegurtasun zentroaren arabera
Kontu garrantzitsu guztiek pasahitz propioa izatea gomendatu du Ziur Gipuzkoako Foru Aldundiaren Zibersegurtasun Industrialeko Zentroak, baita "pasahitz luze eta deszifratzeko zailak" aukeratzea zein pasahitz-kudeatzaileak erabiltzea ere.
Nor da John Ternus eta zer erronka izango du Appleren gidaritzan?
John Ternusek datorren irailaren 1ean kontseilari delegatu kargua hartuko du, eta Tim Cookekin alderatuta (operazioetan eta negozioan zentratuago dagoen), ingeniaritza arloari garrantzi handiagoa ematea aurreikusten dute adituek.
Tim Cookek Appleren CEO izateari utziko dio irailean, eta John Ternusek ordezkatuko du
Konpainia teknologikoak aho batez onartu du enpresaren burua ordezkatzea, eta irailaren 1ean gauzatuko da. Orduz gero, Cook administrazio-kontseiluaren presidente exekutiboa izango da.
RAM memorien krisialdia 2030era arte luza liteke, adituen arabera
Sektoreko fabrikatzaile nagusiak —Samsung, SK Hynix eta Micron— ekoizpen fabrika berriak sortzen ari dira arazo horri irtenbidea emate aldera, baina prozesu luzeak direnez, datorren urte amaierarako eskariaren % 60 betetzea lortuko dute, Nikkei Asiak jakinarazi duenez.