WhatsAppeko mezuak automatikoki itzuli ahal izango dira aurrerantzean
Mezuak elkarrekin trukatzeko sare sozialak funtzio berri bat jarri du martxan, eta aurrerantzean mezuak hainbat hizkuntzatara itzuli ahal izango dira. Tresna berriaren bidez, elkarrizketak aukeratutako hizkuntzan izango dira irakugai, automatikoki itzuliko dira, eta horrek komunikazioa erraztuko du.
WhatsApp aplikazioa. Argazkia: EFE
Mezuak trukatzeko sare sozialak 3.000 milioi erabiltzaile baino gehiago ditu, 180 herrialdetan baino gehiagotan, eta, beraz, batzuetan, hizkuntza "oztopo" izan daiteke aplikazioaren bidez behar bezala komunikatzeko.
Horrela, norberaren mintzoa gorabehera, WhatsAppek mezuak itzultzeko tresna jarri du martxan, binako txatetarako, taldekoetarako eta kanaletarako.
Funtzio horren bidez, nahikoa izango da mezua sakatu eta "itzuli" aukera hautatzea, erabiltzaileak aldez aurretik hautatutako hizkuntzara eraman dadin testua.
Gainera, Android gailuetan txat osorako itzulpen automatikoa aktibatu da. Kasu horretan, elkarrizketa bateko mezu guztiak unean-unean itzuliko dira, jaso ahala.
Hala ere, kontuan izan behar da mezuak zein hizkuntzatara itzuli nahi diren eta zein hizkuntzatatik itzuli nahi diren aldez aurretik aukeratu beharko dela. Hau da, erabiltzaileek hizkuntza deskargatu beharko dute eta gorde egin beharko dute gailuak itzuli ahal izateko.
WhatsAppek azpimarratu duenez, tresna txaten pribatutasuna mantentzeko diseinatu da; horregatik, itzulpenak deskargatutako hizkuntza duen gailuan egiten dira, eta konpainia ezin da edukira sartu.
Androiden kasuan, itzulpenak ingelesez, gaztelaniaz, hindiz, portugesez, errusieraz eta arabieraz egin dira. Bestalde, iPhone erabiltzaileek 19 hizkuntzatan baino gehiagotan dute funtzio hori, besteak beste, aipatutakoetan.
"Espero dugu funtzio honek hizkuntza-oztopoak hausten laguntzea eta erabiltzaileei mundu osoko pertsonekin eta komunitateekin sakonago konektatzeko aukera ematea", adierazi du enpresak.
Zure interesekoa izan daiteke
Gure eguneroko bizitzan txertatuko den robotikarik garatuena Txinako nazioarteko biltzarrera iritsi da
Azken erakusketetan ping-ponga jokatzen, dantzatzen eta borrokatzen aurkeztu dituzte robotak. Oraingoan, ikuskizuna emateaz harago, robotak lan egiteko gai dira, etxean zein fabriketan. Roboten salmentak nazioartean lau bider handitu dira; Unitree enpresa Shanghaiko burtsan estreinatu da aste honetan. Urte gutxi barru gure egunerokoaren parte izango direla ziurtatzen dute.
"Aura farmeatzea", sare sozialetako lehiaketa birala
“Aura farmatzea” zerbait behin eta berriz edo neurriz gaindi egitea da, “aura” irabazi eta pilatzeko; hau da, besteen aurrean presentzia, estiloa edo errespetua erakusteko. Lehiakide bakoitza saiatzen da ahalik eta ekintzarik ikusgarriena egiten edo presentzia handiena erakusten, aurkariak baino “aura” gehiago lortzeko. Hala ere, alderantziz ere funtzionatzen du: eroriko batek, huts egite batek edo une lotsagarri batek “aura” galtzea ekar dezake. Eta zuk... ezagutzen al zenuen moda berria?
Adimen artifizialarekin egindako kartel gehienek antzeko itxura dute
Kartelgintza sektorean ere gero eta ohikoagoa da tresna hori erabiltzea, merkea eta erraza baita. Publizitate adituen arabera, ordea, adimen artifiziala erabiltzea kaltegarria izan daiteke markentzat.
Sonyk 2028a baino lehenagoko diskoen ekoizpena mantenduko du, baina fabrikazio-mugekin
Konpainiaren azalpenen arabera, garatzaileek lehendik editatutako bideojokoen disko fisikoak eskatzen jarraitu ahalko dute, lantegiek euren fabrikazio-gaitasuna asko murriztuko duten arren.
Eusko Jaurlaritzak ordenagailu kuantikoa enpresen eskura jarri du: "Ilara luzea daukagu"
Basque Quantum (BasQ) aliantzak gidatuta, sarbide protokolo bat zehaztu dute enpresa eta erakunde publikoen sarbidea errazteko.
Europako Justiziak Googleri ezarritako 4.125 milioi euroko isuna berretsi du
Europar Batasuneko Justizia Auzitegiak ezetsi egin du Googlek jarritako errekurtsoa, eta zigortu egin du konpainia Android sistema eragilearen bidez nagusitasunezko posizioaz abusatzeagatik.
PlayStationek bideojoko berrien disko fisikoak ekoizteari utziko dio 2028an
Enpresak kontsumo-joera berrietara egokitu nahi du, eta "baliabide digitalen aldeko joera disko fisikoena baino askoz handiagoa" dela adierazi du.
Gaspi argentinar youtuber ezaguna hil da, helikoptero istripu batean
Ibai Llanos bilbotarrak iaz antolatutako boxeo-ikuskizunaren izarretako bat izan zen Gaspi. Sei pertsona hil dira ezbeharrean.
Instagram eta Facebook mundu osoan erori dira
Akatsak 15:00ak aldera hasi dira plataforma horietan, eta erabiltzaileek ezin izan dute saioa hasi, mezuak bidali edota argitalpenak partekatu zein ikusi. Oraingoz ez dute argitu zerk eragin duen arazoa.
Adimen Artifiziala euskara indartzeko aukera ona da, baina nahitaezkoa da denon parte-hartzea
Adituen ustez, nahitaezkoa da denon parte-hartzea eta Adimen Artifiziala euskaraz erabiltzea, gero eta datu gehiago izan ditzan bere lana euskaraz ere ondo egiteko.