Elon Muskek Grokipedia kaleratu du, AAz egindako entziklopedia: tresnak Trump goraipatzen du eta haren arabera Euskadi ez da existitzen
Elon Muskek bultzatutako plataforma berriak ia milioi bat artikulu sortu ditu adimen artifizialaren bidez, eta joera ideologiko oso argia islatzen du. Egungo bertsioan, Grokipediak ez du "Euskadi" terminoa barne hartzen, 20.000 hitz eskaintzen dizkio Donald Trumpi (80 orrialdeko liburua egiteko adina) eta Francori, HIESari eta esklabotzari buruzko ikuspegi partzialak ematen ditu.
grokipedia.com
Grokipedia du izena, eta Wikipediaren alternatiba izan nahi du, nahiz eta haren sorkuntza-oinarria ez den gizakien lan boluntarioa, baizik eta xAI konpainiak garatutako Grok adimen artifiziala. Konpainia horren jabea Elon Musk da. Online entziklopediak 885.000 artikulu inguru sortu ditu, baina horietako askok joera ideologiko nabaria erakusten dute.
Adibidez, "Euskadi" terminoa ez da agertu ere egiten, eta "vasco" hitzari eskainitako sarrerak herriaren historia laburbiltzen du, bi lerrotan. Beste gai batzuk nola jorratzen dituen ere polemika sortu du: Grokipediak Franco aurkezten du "Bigarren Errepublikako ezegonkortasun politikoari eta indarkeria iraultzaileari amaiera eman zion" buruzagitzat, Estatu Batuetako esklabotzari buruzko justifikazio ideologikoak eskaintzen ditu eta adierazten du "gay pornografia izan zela HIESaren hedapenaren sustatzailea".
Pertsona batzuek protagonismo berezia jasotzen dute: Donald Trumpi buruzko artikuluak 20.000 hitz ditu (80 orrialdeko liburua egiteko adina), eta beste gai sozial edo kultural batzuek, berriz, apenas betetzen dituzte lerro batzuk.
xAIren arabera, Grokipedia "kode irekiko" informazio-gordailu gisa aurkezten da, "egia" partekatzeko helburuarekin. 0.1 bertsioak, mundu mailan eskuragarri dagoenak, Grokek automatikoki sortutako artikuluak kontsultatzeko aukera ematen du, nahiz eta oraingoz ez duen irudi edo edizio irekirik. Muskek X sare sozialean ziurtatu duenez, bere entziklopedia "Wikipedia baino hobea da" eta denborarekin hobetu egingo da.
Wikimedia Fundazioaren Lauren Dickinson bozeramaileak gogorarazi du "Wikipediaren bertsio alternatiboak sortzeko saiakera asko" izan direla, eta ekimen horiek ez dutela "oztopatzen" bere misioa. "Wikipediak doako ezagutza fidagarria eskaintzen jarraituko du, boluntarioen komunitateak sortutakoa", adierazi du, eta azpimarratu du "Grokipediak ere Wikipedia behar duela existitzeko".
Zure interesekoa izan daiteke
Teslak Cybercab aurkeztu du, robotaxi autonomoen aldeko apustua
Teslak Cybercab aurkeztu du ostegun honetan, robotaxi autonomo gisa funtzionatzeko diseinatutako bi plazako ibilgailu elektrikoa. Autoak ez du bolanterik, ezta pedalik ere, eta konpainiak garatutako gidatze sistema autonomoaren mende dago erabat. Teslak 45 ibilgailuko lehen serie bat merkaturatu du (Texasen eta Floridan zerbitzua eskaintzen ari dira jada), baina konpainiak robotaxia pixkanaka zabaltzea aurreikusten du, AEBko beste eremu batzuetara heltzeko.
Robotak, neurrira: adinekoentzat beren-beregi diseinatutako teknologia garatu dute Nafarroan
Robotika Erronkak izeneko egitasmo aitzindariaren atzean Nafarroako Gobernua eta ADACEN daude. Helburua da desgaitasuna duten adinekoen autonomia eta bizi-kalitatea hobetzea, robotika erabilita. Berritasun nagusia: erabiltzaileak eta euren familiek gidatzen dute robotaren garapena. Horrela, teknologia pertsonari egokituko zaio, eta ez alderantziz.
Instagramek mugatu egingo ditu adimen artifizialaz sortu diren eta identifikatu gabe dauden erabiltzaileen profilak
"AA sortzailea" etiketaren ordez "AAk sortutako profila" etiketa erabiliko du aurrerantzean aipatu sare sozialak. Neurriak ez die eragingo edukia sortzeko edo editatzeko orduan adimen artifizialaren tresnak erabiltzen dituzten erabiltzaileei.
Gure eguneroko bizitzan txertatuko den robotikarik garatuena Txinako nazioarteko biltzarrera iritsi da
Azken erakusketetan ping-ponga jokatzen, dantzatzen eta borrokatzen aurkeztu dituzte robotak. Oraingoan, ikuskizuna emateaz harago, robotak lan egiteko gai dira, etxean zein fabriketan. Roboten salmentak nazioartean lau bider handitu dira; Unitree enpresa Shanghaiko burtsan estreinatu da aste honetan. Urte gutxi barru gure egunerokoaren parte izango direla ziurtatzen dute.
"Aura farmeatzea", sare sozialetako lehiaketa birala
“Aura farmatzea” zerbait behin eta berriz edo neurriz gaindi egitea da, “aura” irabazi eta pilatzeko; hau da, besteen aurrean presentzia, estiloa edo errespetua erakusteko. Lehiakide bakoitza saiatzen da ahalik eta ekintzarik ikusgarriena egiten edo presentzia handiena erakusten, aurkariak baino “aura” gehiago lortzeko. Hala ere, alderantziz ere funtzionatzen du: eroriko batek, huts egite batek edo une lotsagarri batek “aura” galtzea ekar dezake. Eta zuk... ezagutzen al zenuen moda berria?
Adimen artifizialarekin egindako kartel gehienek antzeko itxura dute
Kartelgintza sektorean ere gero eta ohikoagoa da tresna hori erabiltzea, merkea eta erraza baita. Publizitate adituen arabera, ordea, adimen artifiziala erabiltzea kaltegarria izan daiteke markentzat.
Sonyk 2028a baino lehenagoko diskoen ekoizpena mantenduko du, baina fabrikazio-mugekin
Konpainiaren azalpenen arabera, garatzaileek lehendik editatutako bideojokoen disko fisikoak eskatzen jarraitu ahalko dute, lantegiek euren fabrikazio-gaitasuna asko murriztuko duten arren.
Eusko Jaurlaritzak ordenagailu kuantikoa enpresen eskura jarri du: "Ilara luzea daukagu"
Basque Quantum (BasQ) aliantzak gidatuta, sarbide protokolo bat zehaztu dute enpresa eta erakunde publikoen sarbidea errazteko.
Europako Justiziak Googleri ezarritako 4.125 milioi euroko isuna berretsi du
Europar Batasuneko Justizia Auzitegiak ezetsi egin du Googlek jarritako errekurtsoa, eta zigortu egin du konpainia Android sistema eragilearen bidez nagusitasunezko posizioaz abusatzeagatik.
PlayStationek bideojoko berrien disko fisikoak ekoizteari utziko dio 2028an
Enpresak kontsumo-joera berrietara egokitu nahi du, eta "baliabide digitalen aldeko joera disko fisikoena baino askoz handiagoa" dela adierazi du.