'El Truco', Kultura Bonua Spot Lehiaketaren irabazlea

Sanz bilbotarrak egindako "El Truco" bideoak irabazi du Kultura Bonua Spot Lehiaketa; hala, 3.000 euro jasoko ditu. eitb.com eta Kulturklik atariek jarri zuten martxan ekimena Kultura Bonuak izan ditzakeen erabilera eta aplikazio ugariak erakusteko asmoz eta orotara era ezberdineko 37 proposamen jaso dira.

Bigarren saria (2.000 euro) Imanol Ituiñoren (Bilbo) "A partir de 25 sólo disfrutas" spotari eman dio epaimahaiak. Azkenik, erabiltzaileen botoen bidez hautatutako publikoaren saria (1.000 euro) Abel Isasiren (Zornotza) "A ver si te enteras" lanarentzat izango da.

Halaber, botoa eman dutenen artean, bi sari zozkatu dira; Eukene Solaguren eta Ainara Lafraya izan dira irabazleak eta 40 euroko bost Kultura Bonu izango ditu bakoitzak.

Ostegun honetan, urtarrilaren 20an, Eusko Jaurlaritzaren Kultura sailak prentsaurreko bat antolatu du Kultura Bonua Gabonetako kanpainaren balantzea egiteko eta irabazleei sariak banatzeko.

Eskerrik asko parte-hartzaile guztiei!

&' || 'nbsp;