Donostia 2016k onartu du inaugurazioak ez zituela 'espektatibak bete'
Eneko Goia Donostiako alkateak onartu du "bistakoa" dela Hansel Cereza artistak Donostia 2016 Europako Kultur Hiriburutzari hasiera emateko diseinatutako "Elkarbizitzaren zubia" ikuskizunak ez zituela jendearen "espektatibak bete". Dena den, azpimarratu du horrek ez duela "inola ere" urte bizi baten hasiera "zapuztuko".
Europako kultur hiriburutzaren hasierako ekitaldien balantzea egiteko prentsaurrekoa egin dute gaur goizean Donostiako Aquariumean eta bertan izan dira, besteak beste, Eneko Goia Donostiako alkatea, Cristina Uriarte Eusko Jaurlaritzako Hezkuntza, Hizkuntza Politika eta Kultura sailburua, Markel Olano Gipuzkoako ahaldun nagusia, Pablo Berastegui Donostia 2016ko zuzendaria, Xabier Paya Donostia 2016ko kultura zuzendaria eta Enara Garcia Donostia 2016ko parte-hartze arduraduna.
Atzo, 50.000 lagun inguru elkartu ziren Maria Cristina zubiaren inguruetan "Elkarbizitzaren zubia" ikuskizuna ikusteko eta, amaieran, txistuak entzun ziren. Hala eta guztiz ere, Eneko Goiak nabarmendu du ikuskizunaren gauzatzea "bikaina" izan zela.
Honela, Kontxako badia albo batera utzi eta ikuskizuna egiteko hiriko beste toki bat bilatu nahi izan dutela nabarmendu du. Haren esanetan, helburuetako bat Urumea ibaiari protagonismo handiagoa ematea zen eta "hori lortu da".
"Era guztietako iritziak entzun ditut, baina balantze orokorra oso ona da", gaineratu du. Are gehiago, "gauzak ondo egin ziren".
Bestalde, Pablo Berastegui Donostia 2016ko zuzendariak azaldu duenez, "ez da erraza" jendeari apustu hau "ulertaraztea" eta onartu du ikuskizunaren errealizazioa "zuzen" egin zela, baina "badakigu ikuskizunaren errealizazioa ez zela denen gustukoa izan". "Ibaiaren bi ertzen artean desoreka zegoen eta, ondorioz, ikuskizuna ikusteko arazoak izan ziren", azaldu du. Dena dela, Berasteguik adierazi du "gustura" daudela ikuskizuna diseinatzeko ardura Hansel Cereza artistari eman izanarekin. Inaugurazio ekitaldi guztiak egiteko 1,2 milioi euro baliatu dira eta "Elkarbizitzaren zubia" ikuskizunak 660.000 euroko aurrekontua zuen.
Denis Itxaso Gipuzkoako Kultura eta Kirol diputatuak onartu du "Elkarbizitzaren zubia" ikuskizunak "hotz" utzi zuela eta kontzeptualizazio artistikoak huts egin zuela zehaztu du. Hala adierazi du haren blogean argitaratutako idatzian.
tzian.
tzian.
Zure interesekoa izan daiteke
“Muga-zerga” izan da aurtengo hitza Euskaltzaindiarentzat eta UZEIrentzat
“Atzerriko produktuei aduanan ezartzen zaien zerga” adiera duen izena aukeratu dute Akademiak eta UZEI terminologia eta lexikografia zentroak urteko hitz gisara. “Aduana-zerga” Euskaltziandiaren Hiztegiak jasotzen duen forma baliokidea “askoz gutxiagotan” erabili da.
!["Dan Flavin
b erdeak berdeetan zehar (Piet Mondrian berdegabeari) [greens crossing
greens (to Piet Mondrian who lacked g reen)], 1966" Guggenheimen](https://eitb.scene7.com/is/image/eitb/danflavin?fmt=webp-alpha&qlt=80)
Goya, Jasper Johns, Steve McQueen, Dan Flavin, Ruth Asawa eta Rosalind Nashashibi, euskal museoetan 2026an
San Telmo Museoak, Artiumek eta Guggenheim Bilbao Museoak datorren urteko programazioa aletu dute.
Gatiburen azken agurra, audientzian lider ETB1en
Musikarik, dantzarik eta festa girorik ez zen falta izan atzo bi ordu eta erdiz BECen. Talde bizkaitarra arrakastara eraman zuen 'Musturrek sartunde' kantuarekin amaitu zen askoren oroimenean iltzatuta geratu den kontzertua.
Milaka pertsonak azken agurra eman diote Robe Iniestari, Extremoduroko abeslariari, Plasencian
Ilara luzeak sortu dira Plasenciako kongresu jauregian, jarraitzaile asko bertaratu baitira musikariari agur esatera. Aurrerantzean, Robe Iniesta izena izango du eraikin horrek.
Urrezko domina eman dio Gipuzkoako Foru Aldundiak Lourdes Iriondo kantariari
Hilondoko aitortza egin dio Urnietako kantari, idazle eta irakasleari eta bere ahizpek jaso dute Foru Aldundiak emandako oroigarria. Ekitaldia omenaldi hunkigarri bilakatu da. Senide eta familiako kideekin batera, eta euskal kulturgintzaren ordezkaritza zabala bildu da.
Balenciaga museoa “josten duten eskuei” begira
Getariako Balenciaga Museoko Igor Uriak hamar urte eman ditu Cristobal Balenciaga jostun handiaren tailerretan lan egin zuten emakumeen lekukotzak eta objektuak biltzen: irudiak, dokumentuak, lanabesak... Paris, Madril, Bartzelona eta Donostian, 2.000 enplegatu izatera iritsi ziren, eta horietako batzuk Getariako museoan batu dira gaur.
Gaztelurrutia: “Bisitari fidelak edukitzea eta bi heren 45 urtez azpikoak izatea dira arrakastaren gakoetako bi”
2025eko Durangoko Azoka bukatu berritan, ETBri emandako lehen balorazioan pozik agertu da Beñat Gaztelurrutia Gerediaga Elkarteko kudeatzeailea. Jendetza ibili dela nabarmendu du, baina erosoa izan dela bai sartzea baita bertan zehar ibiltzea ere. 2026ko Azokak 5 egun izango dituela aurreratu du, eta etorkizuneko erroka kulturaren jaialdi gisa sendotzea izango dela esan du.
60 urteko ibilbidea “borobildu” du Durangoko Azokaren aurtengo edizioak
Lau eguneko topagune oparoa amaitutzat emateko, antolatzaileek aurtengo Azokaren arrakasta nabarmendu dute, baita egitasmoak urte osoan euskal kulturan duen garrantzia ere.
Gazaren aurkako genozidioa, oso presente Durangoko Azokako nobedadeetan
Idazle asko beren nobedadeak aurkezten ari dira egunotan euskal kulturaren plazan, eta horietako batzuek palestinar herriaren aurkako genozidioa jorratu dute, Ekialde Hurbilean gertatzen ari dena azaltzeko asmoz.
Zuloaren silueta hitzez marrazten
Harkaitz Cano eta Eider Rodriguez idazleek “Silueta” eta “Dena zulo bera zen” liburuak aurkeztu dituzte Durangoko Azokaren hirugarren egunean, hutsuneak mamitzeko bi ariketa literario zeharo ezberdin.