Desgaitasuna duten pertsonen egunerokoa azalduko dute azaroan
Desgaitasun fisiko, intelektual, sentsorial eta mentalak bizitzan bidelagun dituzten pertsonen benetako egunerokotasuna nolakoa den azaltzen ahaleginduko dira zenbait istorioren bitartez. Ekimen hori Donostia 2016 Europako Kultur Hiriburuaren agendaren baitan dago, eta, urte osoan zehar, jarduera ugari prestatu dituzte elkarbizitzaren eta dibertsitatearen balioak sustatzeko asmoz.
“Kontukontanitz” izeneko proiektuan parte hartzen dutenek zenbait ipuin idatziko dituzte, dibertsitate funtzionala duten pertsonen egunerokotasuna hobeto ezagutu eta ulertzeko asmoz. Modu horretan, ezjakintasunak sortutako hesiak hautsi eta horrek sortzen duen bereizkeriarekin bukatzea bilatzen dute.
Azaroan zehar hainbat motatako jarduerak garatuko dira. Esaterako, hilaren 12an hainbat umoristak mezu osasungarriak igorriko dituzte Donostiako kale nagusietan. “Irrizetak” proiektuaren helburu nagusia gizartean hedatu diren sinesmenak eta mitoak argitzea da.
Beste alde batetik, “Chejov vs. Shakespeare” izeneko literatur jarduerak Amos Ozen gogoeta hartzen du oinarri gisa. Kasu honetan, idazle europar ezagun batzuek gatazken edo literaturaren inguruko gutunak landuko dituzte. Bernardo Atxagak, Laura Mintegik edota Arantxa Urretabizkaiak hartuko dute parte bertan.
Erakusketek ere tartea izango dute azaroan. “Lekurik gabe, denborarik gabe” ekimenak bizitzako muturreko hainbat egoera desberdinetan (kartzelan –Martutene-, psikiatria-zentroetan…) sartutako pertsonek sortutako edukiak erakutsi nahi ditu. Proiektuaren emaitzarekin erakusketa bat egingo dute Koldo Mitxelenan.
“Komisario berriak” izeneko jardueran, hamar komisario hautatuko dituzte, eta, nazioartean ezagunak diren artista batzuen laguntzarekin, bi proiektu garatuko dituzte. Halaber, zenbait bisita egingo dituzte artisten estudioetara, espazio artistikoetara, eta sorkuntza garaikidearekin lotutako agenteak ikuskatuko dituzte.
Azaroaren 19an, berriz, musikak izango du protagonismo osoa. Egun horretan kontzertu berezia egongo da, “Music Box” jaialdiaren baitan. Hala ere, oraindik ez dute izenik aurreratu nahi izan.
Zure interesekoa izan daiteke
Pantxoa eta Peioren bigarren agur-kontzertua: 2027ko urtarrilaren 9an BECen!
Bikoteak bere ibilbideari amaiera emango dio bi kontzerturekin BEC!en: urtarrilaren 10ekorako sarrerak ordu gutxitan agortu ziren eta bigarrena iragarri dute orain: 2027ko urtarrilaren 9an.
“Muga-zerga” izan da aurtengo hitza Euskaltzaindiarentzat eta UZEIrentzat
“Atzerriko produktuei aduanan ezartzen zaien zerga” adiera duen izena aukeratu dute Akademiak eta UZEI terminologia eta lexikografia zentroak urteko hitz gisara. “Aduana-zerga” Euskaltziandiaren Hiztegiak jasotzen duen forma baliokidea “askoz gutxiagotan” erabili da.
!["Dan Flavin
b erdeak berdeetan zehar (Piet Mondrian berdegabeari) [greens crossing
greens (to Piet Mondrian who lacked g reen)], 1966" Guggenheimen](https://eitb.scene7.com/is/image/eitb/danflavin?fmt=webp-alpha&qlt=80)
Goya, Jasper Johns, Steve McQueen, Dan Flavin, Ruth Asawa eta Rosalind Nashashibi, euskal museoetan 2026an
San Telmo Museoak, Artiumek eta Guggenheim Bilbao Museoak datorren urteko programazioa aletu dute.
Gatiburen azken agurra, audientzian lider ETB1en
Musikarik, dantzarik eta festa girorik ez zen falta izan atzo bi ordu eta erdiz BECen. Talde bizkaitarra arrakastara eraman zuen 'Musturrek sartunde' kantuarekin amaitu zen askoren oroimenean iltzatuta geratu den kontzertua.
Milaka pertsonak azken agurra eman diote Robe Iniestari, Extremoduroko abeslariari, Plasencian
Ilara luzeak sortu dira Plasenciako kongresu jauregian, jarraitzaile asko bertaratu baitira musikariari agur esatera. Aurrerantzean, Robe Iniesta izena izango du eraikin horrek.
Urrezko domina eman dio Gipuzkoako Foru Aldundiak Lourdes Iriondo kantariari
Hilondoko aitortza egin dio Urnietako kantari, idazle eta irakasleari eta bere ahizpek jaso dute Foru Aldundiak emandako oroigarria. Ekitaldia omenaldi hunkigarri bilakatu da. Senide eta familiako kideekin batera, eta euskal kulturgintzaren ordezkaritza zabala bildu da.
Balenciaga museoa “josten duten eskuei” begira
Getariako Balenciaga Museoko Igor Uriak hamar urte eman ditu Cristobal Balenciaga jostun handiaren tailerretan lan egin zuten emakumeen lekukotzak eta objektuak biltzen: irudiak, dokumentuak, lanabesak... Paris, Madril, Bartzelona eta Donostian, 2.000 enplegatu izatera iritsi ziren, eta horietako batzuk Getariako museoan batu dira gaur.
Gaztelurrutia: “Bisitari fidelak edukitzea eta bi heren 45 urtez azpikoak izatea dira arrakastaren gakoetako bi”
2025eko Durangoko Azoka bukatu berritan, ETBri emandako lehen balorazioan pozik agertu da Beñat Gaztelurrutia Gerediaga Elkarteko kudeatzeailea. Jendetza ibili dela nabarmendu du, baina erosoa izan dela bai sartzea baita bertan zehar ibiltzea ere. 2026ko Azokak 5 egun izango dituela aurreratu du, eta etorkizuneko erroka kulturaren jaialdi gisa sendotzea izango dela esan du.
60 urteko ibilbidea “borobildu” du Durangoko Azokaren aurtengo edizioak
Lau eguneko topagune oparoa amaitutzat emateko, antolatzaileek aurtengo Azokaren arrakasta nabarmendu dute, baita egitasmoak urte osoan euskal kulturan duen garrantzia ere.
Gazaren aurkako genozidioa, oso presente Durangoko Azokako nobedadeetan
Idazle asko beren nobedadeak aurkezten ari dira egunotan euskal kulturaren plazan, eta horietako batzuek palestinar herriaren aurkako genozidioa jorratu dute, Ekialde Hurbilean gertatzen ari dena azaltzeko asmoz.