Bizikidetzaren aldeko apustua azpimarratu du Donostia 2016k
Donostia 2016 Europako Kultur Hiriburuak bere kultur programa aurkeztu du ostegun honetan Bruselako Arte Ederren Zentroan, jende askoren aurrean, tartean, eurodiputatuak, erakundeen ordezkariak, gizarte eragileak eta Belgikako komunikabideak.
Pablo Berastegi Donostia 2016ko zuzendari orokorrak esan duenez, proiektuaren goiburua "elkarrekin bizitzea" da, eta helburu du "balioan jartzea kulturak jokatzen duen papera elkarbizitza hobeagoa eraikitzeko tresna gisa".
"Elkarrekin bizitzea ezberdin pentsatzen, otoi egiten, maitatzen edo hitz egiten dutenekin bizitzea da. Batzuetan ez dakigu, ez gara gai sentitzen, edo ez gaude prest elkarrekin bizitzeko. Uste dugu zeregin horretan kulturak guztia errazten duela. Herritarren partaidetza ezinbestekoa izango da proiektua Donostiatik haratago zabaltzeko", azaldu du.
Halaber, Xabier Paya kultur egitarauaren zuzendariak azaldu du urtarriletik abendura Donostiak 400dik gora kultur proposamen eskainiko dituela, "adin guztientzako, gainera".
"2016n, erakusketak, kontzertuak, antzerkia, musika, dantza, literatura eta gastronomiak tartea izango dute 500 artistatik gorako programa baten baitan", adierazi du Payak.
Gainera, Donostia "esperientziaren sukalde" bihurtuko dela esan du, "eguneroko elkarbizitzan sortzen diren gatazkak konpontzeko asmoz".
Horrez gain, Donostiako alkate Eneko Goiak bere hitzaldian azpimarratu du Donostiak eta Euskal Herriak beste hiri eta lurralde batzuekiko zerbait ezberdina badaukate, "beren hizkuntza, kultura eta, azken batean, identitate propioa" dela. Goiak espero du Donostia 2016k "urteko 365 egunetan egitarau zabala" eskainiko duela eta, horri esker, hiria bisitatzen duen edonork Donostia "kontinente osoari argia emango dion itsasargi bat bezala" ikustea nahi du.
Aurkezpenaren ondotik, arratsaldean, Pablo Berastegi, Xabier Paya eta Eneko Goia Monsera joan dira, 2015eko Europako Kultur Hiriburura, non, bertako alkate Elio di Rupok, ekintza sinboliko baten bitartez, Hiriburutzaren lekukoa eman dion Eneko Goiari, Donostiara eraman dezan.
Programa Londres eta Bruselan aurkeztu eta gero, Donostia 2016 Europako hainbat tokira joango da proiektua zertan datzan azaltzera eta programazioaren gehiengoa ezagutzera ematera. Horretarako dozena bat nazioarteko aurkezpenek osatutako agenda bat prestatu dute, 2015eko azaroan hasi eta 2016ko martxora arte iraungo duena, eta Bartzelona, Bordele, Pilsen, Madril, Wroclaw eta Berlin barne hartuko dituena.
artuko dituena.Zure interesekoa izan daiteke
Aurora Beltranek Vianako Printzea Kulturaren Saria jaso du
Aurora Beltran abeslari nafarrak jaso du gaur 2026ko Vianako Printzea Kulturaren Saria, Los Arcosen, "hegan egin nahi izan duten eta, agian, ezin izan duten edo utzi ez dieten emakume guztiei eskainita".
Sortzaile, ekoizle eta plataformak batuko ditu Podcast Geltokia jaialdiak
Ostegunetik, hilak 28, hasita, Tabakalera Donostiako zentroak Podcats Geltokia audioaren jaialdiaren lehen edizioa hartuko du. Hiru egunez, audioaren munduan lanean ari diren eragileak bilduko ditu Tabakalerak eta EITBk bultzatu duten topaguneak.
Iruñeko Katedralak Valentinoren 25 pieza ezezagun ditu ikusgai
'Indito Valentino' erakusketak diseinatzaile italiarraren goi-mailako 25 pieza ezezagun bildu ditu lehen aldiz Iruñeko Katedralean. Inoiz erakutsi ez den bilduma baten parte dira lanak, eta Valentinoren nortasun-ezaugarri ezagunenetako batzuk erakusten dituzte eta erakusketa ekainaren 21era arte egongo da ikusgai.
GetxoPhoto jaialdia ostegunean hasiko da, "RESET" lelopean
20 urte beteko dituen honetan, GetxoPhoto jaialdia ostegunean hasiko da, ekainaren 21era arte, "RESET" izenburupean. Antolatu dituzten 23 erakusketetatik laurdena baino gehiago Punta Begoñan egongo dira. Ereagako pasealekua eta Algortako merkatua izango dira beste bi gune garrantzitsuak, eta azken horretan egingo dute urtebetetze festa. 233 argazki, 44 herrialde eta sistema berrabiarazteko gonbita edizio honetan.
Musika proiektuei bideratuko diete Durangoko Azokaren Sormen Beka aurten
Euskarri fisiko zein digitalean bi lan baino gutxiago argitaratu dituztenek hartu ahalko dute parte deialdian, irailaren 21a baino lehen. 15.000 euroz lagundutako lana euskarazkoa izango da, hitzik badauka, eta 2027ko Durangoko Azokan aurkeztuko da emaitza.
"Fantasia eta arrazoia": Goyaren artelan handiak biltzen dituen erakusketa, Arte Ederren Gasteizko Museoan
Gerraren hondamenak, Tauromakia, Burugabekeriak eta Kapritxoak dira, besteak beste, Francisco de Goyaren lau sail nagusietakoak. Erakusketa 2027ko otsailera bitarte egongo da Arte Ederren Gasteizko Museoan. Bestetik, Donostiako San Telmo museoan Goya protagonista duen erakusketa bat dago.
Ziburuko Euskal Liburu eta Disko Azokak “arnas-unea eta sorkuntzaren plaza” irekiko ditu
Ekainaren 6an, Euskal Liburu eta Disko Azoka egingo da Lapurdiko udalerrian, zazpigarrenez, Baltsan elkartearen eta Argia komunikabidearen ekimenez. Beñat Oihartzabal hizkuntzalaria omenduko dute.
Esther Ferrerrek jasoko du Eusko Ikaskuntza-Laboral Kutxa Humanitateak, Kultura, Arteak eta Gizarte Zientzien Saria
Donostiar artistaren “nazioarteko proiekzioa eta arte garaikidearen berrikuntzan egindako ekarpen erabakigarriak” aitortu ditu sariaren epaimahaiak. Uztailean emango diote golardoa, Maddi Alberdi San Martin Eusko Ikaskuntza-Laboral Kutxa Gazte Sariaren irabazleari bezala.
Alejandro Gonzalez Iñarrituren hitzaldia astelehenean BBK Aretoan, 'Carne y Arena' erakusketaren inguruko jardueren barruan
Hitzaldia 19:00etan izango da, eta sarrerak eskuragarri daude jada, doan. Mexiko eta AEB arteko mugako migratzaileen eta errefuxiatuen esperientzia eta testigantzetan oinarritutako 'Carne y Arena' murgiltze esperientzia EITBko 5. platoan dago ikusgai martxoaren 16tik ekainaren 20ra arte.
2028rako Veneziako Biurtekoan espazio propioa izateko lanean ari da Euskadi
Hala iragarri du Ibone Bengoetxea Eusko Jaurlaritzako lehen lehendakariordeak eta Kultura sailburuak Venezian egindako ekitaldi instituzionalean. "Aurrera egin nahi dugu, eta gure helburua da euskal sorkuntza artistikoa nazioarteko erakusleiho horretan etengabe proiektatzea", gaineratu du.