Vianako Printzea saria jaso dute Lainez eta Martinez dantzariek
Uxue Barkos Nafarroako presidenteak Kulturaren Vianako Printzea 2017ko saria eman die larunbat honetan Jose Lainez eta Concja Martinez dantzariei. Azken hamarkadetan bi koreografoek egindako lana goraipatu du Barkosek, eta aitzindariak direla esan du. Halaber, Nafarroako dantza gaur egun ezagutzen dugun moduan ulertzeko haien ideiak ezinbestekoak izan direla gaineratu du.
Saridunez gain, Nafarroako Gobernuko kontseilariak, Foru Komunitateko agintariak, buruzagi politikoak eta Nafarroako Kultura Batzordeko ordezkariak ere izan dira Erriberriko Errege eta Erreginen Jauregiaren patioan egindako ekitaldian. Bertan, bi koreografoek dantzarekiko duten maitasuna eta taldean lan egiteko duten gaitasuna nabarmendu du Nafarroako presidenteak.
“Lehen aldiz dantza saritu da. Hamarkadetan zehar taldean lan egin duen bikote baten lana aitortu da, eta, lehen aldiz ere, emakume eta gizon bat saritu dira”, azpimarratu du Uxue Barkosek.
Nafarroako presidentearen esanetan, Lainez eta Martinez “berritzaileak” izan dira, eta urteetan zehar egindako lanarekin Nafarroako historiaren parte bilakatu dira. Ildo horretatik, dantzaren abangoardia Nafarroara eramatea lortu dutela esan du, eta Foru Komunitatean zein atzerrian ere ibili diren dantzariei irakatsi dietela azaldu du.
Saria jaso ostean, diziplina artistiko horretako betiko arazoek hor jarraitzen dutela ziurtatu du Lainezek, finantziazioari aipamen eginez. Gauzak horrela, dantzari bultzada eman eta aurrera egin ahal izateko Nafarroan dantza zirkuitu bat sortzeko proposamena egin du.
Gaur egun Nafarroan dauden dantzarien kopuruari eta kalitateari dagokienez, dantzak une gozoa bizi duela esan du Lainezek. Hala, proposatutako dantza zirkuitu horri esker dantzariek lan egin, dirua lortu eta familia bat izateko aukera izango luketela nabarmendu du.
Halaber, Nafarroako dantzariei diru-laguntzak eta bekak emango baliezaiekete, ez lukete izango nazioarteko beste herrialdeetara alde egiteko premiarik izango, eta hala egitea erabakiko balute, haien ametsa betetzeko izango litzateke.
Zure interesekoa izan daiteke
Omenaldia egin diote Jose Ramon Soroizi Legorretan
Legorretako (Gipuzkoa) zinemak Maspalomas pelikula estreinatu du larunbat honetan, Jose Ramon Soroizi omenaldia egiteko, bere jaioterria baita. Herritarrek aukera izan dute, pelikula ikusteaz gain, aktorea aurrez aurre ikusteko eta entzuteko.
Azaroaren 25ean eta 26an izango da DA! PRO topaketaren zazpigarren edizioa
Sortzaileen eta eta programatzaileen arteko elkargunea eskaintzen du Durangoko Azokaren ekimen honek. Familia ikuskizunen egileek eta musikariek euren proposamenak aurkeztuko dituzte kultur zein euskara teknikari, liburutegietako dinamizatzaile eta jai-antolatzaileen aurrean, azaroaren 25ean (familia ikuskizunak) eta 26an (musikariak), Durangoko Bizenta Mogel liburutegian. Familia ikuskizun hauek aurkeztuko dituzte: Oñatiko Algaraz ikuskizun elkartea (Potx eta Lotx Lagunekin topa!), Josan Aramayo (Kanutoren Anaia), Lanku (Txepeldunak haurrentzako bertso antzerkia), Lanku (Teilatupean), Lanku (Bertso garbitzailearena), GRAMA Kolektiboa (Erresinolaren Kantua), Euskal Barrok Ensemble (Xirribit) eta Zurrunka Teatro (Pulcinella Txio-Txinela). Parte hartuko duten musikariak, berriz, hauek izango dira: Sueder, Sara Zozaya, Gartxot, Jonkass, Hondora, Ilargi, Maialen Ibarra, Uxue Kerejeta, Euskal Barrok Ensemble eta Maider.
Delaware Choral Scholars abesbatzak irabazi du Tolosako 56. Abesbatza Lehiaketa
AEBko abesbatzak lau sari eskuratu ditu: polifonia saileko eta folklore saileko lehenengo sariak, Kutxaren sari nagusia eta euskal abesti baten interpretazio onenaren saria.
Liburuetan ahaztutako objektuen bilduma bitxia ikusgai, Errenteriako Udal liburutegian
Errenteriako Udal Liburutegiak 'Altxorrak orrien artean' erakusketa antolatu du, liburuetan ahaztuta geratutako objektuen bilduma bitxia. Liburuekin batera itzuli diren gauza txikiak daude ikusgai: orri-markatzaileak, tiketak, argazkiak, postalak, eskuz idatzitako oharrak eta irakurleek utzitako bestelako aztarnak.
Eusko Ikaskuntzak "EzBerdin Berdinak" ikuskizuna plazaratu du Bilbon, EITBren egoitzan
Dantza garaikidea eta tradizionala, bertsolaritza, antzerkia eta musika zuzenean uztartzen dituen gogoeta sortzailearen zazpi emanaldi izango dira guztira Euskal Herriko hainbat tokitan.
Beste kontzertu bat emango du La Oreja de Van Gogh taldeak BECen
Donostiako taldeak 2026ko birako sarrerak agortzen eta data eta leku berriak iragartzen jarraitzen du. Abenduan BECera itzuliko dira.
Oteizaren unibertsoa, Euskal Herrian barrena
Jorge Oteiza eskultorea jaio zela 117 urte beteko dira gaur, eta urteurrena baliatuko dute "Danok Oteiza" elkartea aurkezteko, artistaren eta haren ondarearen inguruan jaioko den ekimen berria. 11:00etan egingo dute prentsaurrekoa, Oteiza Museoan, Altzuzan. Euskal Herrian zein mundu osoan da ezaguna oriotarraren obra.
Lekeitioko 48. Euskal Zine Bilerak Urrezko Antzarra eta Zilarrezko Antzarra eman ditu
Film onenaren saria Eneko Muruzabal Elezcanoren “Planetagatik” lanak irabazi du, "film borobil eta jostaria" osatzeagatik. Zuzendari onenaren saria Aitzol Saratxagak jaso du, “Ehiza” filmean egindako lanagatik. EITB Ikuslearen saria, berriz, Mikel Balerdi eta Deñe Garcia-Bravoren “Eraman zutela” lanak eskuratu du.
Maren Galvezek eta Gorka Granadok irabazi dute 49. Euskal Herriko Dantza Txapelketa
Maren Galvez Garmendiak eta Gorka Granado Terronesek osatutako bikoteak irabazi du 49. Euskal Herriko Dantza Txapelketa, Seguran. Bikoteak bigarrenez irabazi du txapelketa, 2021ean ere irabazi baitzuen.
Durangoko Azoka 60. edizioari begira, “Kulturaren Jaialdia” leloari helduta
“Kulturaren Jaialdia” lerroburua erabiliko du aurrerantzean Durangoko Azokak, eta Iratxe Reparaz arduratu da 60. edizioaren iruditegi berriaz.