Elena Arzak saritu dute Emakumezko Gastronomia sarien lehen edizioan
Elena Arzak sukaldari gipuzkoarra nabarmendu dute Emakumezko Gastronomia sarien lehen edizioan. Jeunes Restaurateurs (JRE) elkarteak (175 Michelin izardun ditu) 25. urteurrena ospatu du azaroaren 6an sari horiek banatuta, Bartzelonan egindako ekitaldi batean.
Lanbide horretako pertsona ospetsu ugari bildu dira bertan, eta gastronomia eta sukaldaritza munduko zazpi profesional saritu dituzte. Estatuko Sukaldaritzako Ibilbide Onena kategorian, Elena Arzak saritu dute, ospe handiko sukaldari familia batekoa eta sukaldaritza munduan gastronomiari buruzko ikerketa eta esperimentazio lanagatik nabarmendu dena.
Bizitza osoa gastronomiaren alde atalean, Montserrat Fontané nabarmendu dute, Roca anaien ama. Bestalde, Maria Jose Huertas saritu dute La Terraza del Casino jatetxean sommelier bezala egindako lanarengatik, eta Meritxell Juvé Juvé & Camps enpresaren sortzailearen birbilobak Ekoizle gisa izandako Ibilbide Onenaren saria jaso du, Penedesen familiak duen upategian egindako lanagatik.
Komunikazioaren atalean, Julia Perez (GastroActitud) kazetariaren jarduera saritu du JRE elkarteak, eta Mey Hofmann sukaldaria hil osteko sariarekin nabarmendu dute, Bartzelonan 1983an sortu zuen ostalaritza eskolan egindako lanarengatik. 2.000 ikasle baino gehiago igaro dira jada bertatik.
Ana Ros Esloveniako Hisa Franco jatetxeko sukaldariak Nazioarteko Sukaldaritzako Ibilbide Onenaren saria jaso du. Besteak beste, Austria, Kroazia eta Hungariako sukaldaritzaren eragina du, eta munduko emakume sukaldari onena izendatu dute The World’s 50 Best Restaurants zerrendan.
Ekitaldian, Espainiako JREren jakatxoa jaso dute elkarteko kide berri hauek: Paulo Airaudo, Donostiako Amelia jatetxekoa; Xavier Sala, Bartzelonako El Trapío jatetxekoa, eta Joan, Josep eta Jordi Roca (El Celler de Can Roca).
Zure interesekoa izan daiteke
“Muga-zerga” izan da aurtengo hitza Euskaltzaindiarentzat eta UZEIrentzat
“Atzerriko produktuei aduanan ezartzen zaien zerga” adiera duen izena aukeratu dute Akademiak eta UZEI terminologia eta lexikografia zentroak urteko hitz gisara. “Aduana-zerga” Euskaltziandiaren Hiztegiak jasotzen duen forma baliokidea “askoz gutxiagotan” erabili da.
!["Dan Flavin
b erdeak berdeetan zehar (Piet Mondrian berdegabeari) [greens crossing
greens (to Piet Mondrian who lacked g reen)], 1966" Guggenheimen](https://eitb.scene7.com/is/image/eitb/danflavin?fmt=webp-alpha&qlt=80)
Goya, Jasper Johns, Steve McQueen, Dan Flavin, Ruth Asawa eta Rosalind Nashashibi, euskal museoetan 2026an
San Telmo Museoak, Artiumek eta Guggenheim Bilbao Museoak datorren urteko programazioa aletu dute.
Gatiburen azken agurra, audientzian lider ETB1en
Musikarik, dantzarik eta festa girorik ez zen falta izan atzo bi ordu eta erdiz BECen. Talde bizkaitarra arrakastara eraman zuen 'Musturrek sartunde' kantuarekin amaitu zen askoren oroimenean iltzatuta geratu den kontzertua.
Milaka pertsonak azken agurra eman diote Robe Iniestari, Extremoduroko abeslariari, Plasencian
Ilara luzeak sortu dira Plasenciako kongresu jauregian, jarraitzaile asko bertaratu baitira musikariari agur esatera. Aurrerantzean, Robe Iniesta izena izango du eraikin horrek.
Urrezko domina eman dio Gipuzkoako Foru Aldundiak Lourdes Iriondo kantariari
Hilondoko aitortza egin dio Urnietako kantari, idazle eta irakasleari eta bere ahizpek jaso dute Foru Aldundiak emandako oroigarria. Ekitaldia omenaldi hunkigarri bilakatu da. Senide eta familiako kideekin batera, eta euskal kulturgintzaren ordezkaritza zabala bildu da.
Balenciaga museoa “josten duten eskuei” begira
Getariako Balenciaga Museoko Igor Uriak hamar urte eman ditu Cristobal Balenciaga jostun handiaren tailerretan lan egin zuten emakumeen lekukotzak eta objektuak biltzen: irudiak, dokumentuak, lanabesak... Paris, Madril, Bartzelona eta Donostian, 2.000 enplegatu izatera iritsi ziren, eta horietako batzuk Getariako museoan batu dira gaur.
Gaztelurrutia: “Bisitari fidelak edukitzea eta bi heren 45 urtez azpikoak izatea dira arrakastaren gakoetako bi”
2025eko Durangoko Azoka bukatu berritan, ETBri emandako lehen balorazioan pozik agertu da Beñat Gaztelurrutia Gerediaga Elkarteko kudeatzeailea. Jendetza ibili dela nabarmendu du, baina erosoa izan dela bai sartzea baita bertan zehar ibiltzea ere. 2026ko Azokak 5 egun izango dituela aurreratu du, eta etorkizuneko erroka kulturaren jaialdi gisa sendotzea izango dela esan du.
60 urteko ibilbidea “borobildu” du Durangoko Azokaren aurtengo edizioak
Lau eguneko topagune oparoa amaitutzat emateko, antolatzaileek aurtengo Azokaren arrakasta nabarmendu dute, baita egitasmoak urte osoan euskal kulturan duen garrantzia ere.
Gazaren aurkako genozidioa, oso presente Durangoko Azokako nobedadeetan
Idazle asko beren nobedadeak aurkezten ari dira egunotan euskal kulturaren plazan, eta horietako batzuek palestinar herriaren aurkako genozidioa jorratu dute, Ekialde Hurbilean gertatzen ari dena azaltzeko asmoz.
Zuloaren silueta hitzez marrazten
Harkaitz Cano eta Eider Rodriguez idazleek “Silueta” eta “Dena zulo bera zen” liburuak aurkeztu dituzte Durangoko Azokaren hirugarren egunean, hutsuneak mamitzeko bi ariketa literario zeharo ezberdin.