60 urteko ibilbidea “borobildu” du Durangoko Azokaren aurtengo edizioak
60. edizioa agurtzeko, Durangoko Azokaren antolatzaileek azaldu dute “60 urteko ibilbidea borobildu duen edizio zoragarria” izan dela aurtengoa.
Azoka “oso jendetsua” izan da lau egunetan, eta bisitarietako askoren gaztetasuna nabarmendu du Gerediaga Elkarteak; Ikasle Goiza eta Gazte Eztanda jarri ditu horren adibide, lehen egunean eskola umeei eskainitako programazioa eta bigarren egunean 30 urtera artekoei begira prestatutako egitarau berezia.
Halaber, Azokaren arduradunek azpimarratu dute Durangoko Azokak berori ospatzen den egunez haratago duen eragina; “hurrengo egun eta asteetan ere nabaria da haren eragina. Euskal kulturaren sustapenean pizgarri gisa funtzionatzen du, eta horrek beste balio erantsi bat gehitzen dio egitasmoari”, azaldu dute.
Bukatzeko eskerrak eman dizkiete “bereziki” uneren baten, jende pilaketen ondorioz, Azokako espazioetan sartzeko itxaron behar izan duten guztiei, “hain ulerberak izateagatik”.
Saltzaileak, pozik
Erakusmahaien bestaldean, sortzaile eta bitartekariak pozik agertu dira lau egunotako atzera-aurrerekin. Oro har, “ondo” saldu dute, aurreko urteetan bezalatsu, eta, egunik jendetsuena ostirala izan bazen ere, “orekatuta” izan da bisitarien jarioa, gorabehera demasekorik gabea.
Kontuez haratago, nolanahi den, urtean zehar irakurle eta entzuleekin buruz buru egoteko duten aukera urrietako bat gozatu ahal izatearekin pozik agertu dira, eta urtean behin euskal sorkuntzak hedabideetan eta elkarrizketa publikoan erdigunea hartzeko “oasia” gozatzeaz kontent.
Dena ondo bidean, oasi hori datorren urtean ere loratuko da, abenduaren 4tik 8ra.
Zure interesekoa izan daiteke
Jacob Elordi 2026ko Oscar sarietarako izendatu dute, Gizonezko Antzeztaldeko Aktore Onenaren sailean
Sinners filmak markak hautsi ditu 16 izendapenekin eta Siratek Nazioarteko Film Onenaren izendapena jaso du. Emma Stone, Jessie Buckley, Rose Byrne, Timothee Chalamet, Leonardo DiCaprio eta Benicio del Toro izango dira izen nagusiak.
Atletico San Sebastian danborradak Jose Ramon Soroiz omendu du
Atletico San Sebastian danborradak bere kideetako bat omendu du, Jose Ramon Soroiz aktorea, hain zuzen, Donostiako Zinemaldiaren azken edizioan Zilarrezko Maskorra jaso zuena. Gaur arratsaldean hunkituta jaso du elkartearen saria, eta ahalik eta ondoen ospatu du: upelen eta danborren doinuekin bat eginez.
Labayruk bizkaieraren gramatika sareratu du
Mendebaldeko euskararen ezaugarri morfologiko, sintaktiko eta ortotipografikoak batu eta sailkatu ditu fundazioak, “euskara darabilen edo euskaraz idatzi nahi duen edonorentzat”.
Otsailaren 7an hasiko da Arabako Bertsolari Txapelketa, 18 bertsolarirekin
Martxoaren 28an jokatuko den finalerako sei txartelak eskuratzeko, bi fasetan lehiatuko dira bertsolari arabarrak, eta guztira bost saio eta finala izango dira.
Igandean hasiko dira aurtengo maskaradak, Irurin eta Ozazen
Urtarrilaren 18tik apirilaren 26ra, 15 saio egingo dituzte Zalgize, Mendikota, Ozaze eta Iruriko gazteek.
Indarkeria matxista "normalizatuta" dago ikus-entzunezkoen eta arte eszenikoen euskal sektoreetan
(H)emen Elkarteak eta EAB Euskal Aktoreen Batasunak bultzatutako ikerketa batek agerian uzten du ikus-entzunezkoen eta arte eszenikoen sektoreetan "indarkeria matxista ez dela kasu isolatuen emaitza, baizik eta sektorearen egiturarekin lotutako errealitate sistemikoa".
"Linguae Vasconum Primitiae" euskaraz inprimatu zen lehen liburuak azken eguna du Euskal Herrian
Bernat Etxeparek 1545ean idatzitako lana, euskaraz argitaratu zen lehen liburua, Bordelen izan da ikusgai. Frantziako Liburutegi Nazionalak du liburuaren kopia bakarra, eta azken hiru hilabeteetan Baionako Euskal Museoan izan da ikusgai. Hainbat erakundek eta hautetsik bertan uzteko eskatu badute ere, Parisko liburutegira itzuliko da, hiru urtez ilunpean gordeta edukitzeko.
Errobik azken kontzertua eman du Donostiako Victoria Eugenia Antzokian
Anje Duhalde eta Mixel Ducau buru dituen talde lapurtar historikoak bere azken zuzenekoa eskaini du Donostiako Victoria Eugenia Antzokian. Errobi taldea euskal rock progresiboaren aitzindari bihurtu zen 70eko hamarkadan. Iaz hasi zuten Errobiren 50. urteurrena ospatzeko agur-bira, eta arrakasta handia izan dute Euskal Herriko hainbat herritan. Astearte honetan, abenduaren 30ean, amaituko dute ibilbide oparo hori, sarrera guztiak agortu dituen kontzertu batekin.
Hauek izan dira kultura arloko urteko albiste nagusiak
2025. urteak sekula ikusi gabeko bideak ireki ditu euskal musika industrian. Bukatzera doan urte hau sold outen eta kontzertu handien urtea izan zela gogoratuko dugu ezinbestean.
“Itzalaldia”, “soldadutza”, “flotilla” eta 2025ean “desiraungi” diren beste hitz batzuk
UZEI terminologia eta lexikografia zentroak bukatzear den urtean ahoz aho ibili diren 25 hitz aukeratu ditu. Joan den astean, “muga-zerga” aukeratu zuten urteko hitz bezala UZEIk berak eta Euskaltzaindiak.