"Elkano Itsas Herria" proiektuak itsas kultura zabalduko du euskal kostaldean, maiatzetik irailera
Aurten beteko dira 500 urte Juan Sebastian Elkano Getariako itsasgizona buru zuen tripulazioak munduari lehen bira eman zionetik. Urteurrenarekin bat eginez, eta testuinguru horretan, 'Elkano Itsas Herria' proiektuak itsas kultura zabalduko du euskal kostaldean, maiatzetik irailera euskal kostaldean barrena egingo den itsas zeharkaldi baten bitartez.
Elkano Fundazioak, Albaolak eta Euskal Itsas Museoak aurkeztu dituzte 'Elkano Itsas Herria' ekimenaren inguruko xehetasunak gaur goizean Donostiako portuan eskaini duten prentsaurrekoan.
'Elkano Itsas Herria' ekimena maiatzean hasiko da Pasaia Itsas Festibalarekin (maiatzak 26-29), eta euskal kostaldeko hainbat herri igaro ostean, Ziburu-Donibane Lohizunen amaituko da irailaren 18an (Ondarearen Europako Jardunaldiak). Aurrez, irailaren 6an, Elkanoren lehorreratzea antzeztuko dute Getarian.
'Juanita Larando' patatxaren itsas zeharkaldia maiatzean hasiko da, Getarian, eta irailean amaituko da, Ziburu-Donibane Lohizunen. Patatxa portuan dagoen egunetan, herritarrek irteera txikiak egiteko aukera izango dute.
Hauek izango dira itsasaldian zehar bisitatuko dituen herriak:
- Maiatza: Getarian hasi eta Pasaia Itsas Festibalean egongo da maiatzaren 26tik 29ra
- Ekaina: Bizkaiko hamar bat herri bisitatuko ditu, tartean, Ondarroa, Bilbo, Portugalete (700. urteurrenaren ospakizunak direla eta), Plentzia, Elantxobe eta Lekeitio.
- Uztaila: Gipuzkoara itzuliko da, eta, besteak beste, Mutrikun, Deban, Zumaian, Orion eta Hondarribian ibiliko da. Uztailaren amaieran, Urmuga elkartearekin eta EuskarAbentura espedizioarekin bat egingo du, eta Lapurdin sartuko da.
- Abuztua: Gipuzkoan eta Lapurdin barrena ibiliko da.
- Iraila: Getariara itzuliko da eta Elkano Egunaren egitarau bereziaren zati izango da. Donostiatik igaro ondoren (Arraun Astea eta Euskal Jaiak), itsasaldiak azken geldialdi bat egingo du Ziburu-Donibane Lohizuneko Ondarearen Europako Jardunaldietan.
Elkano Itsas Herria kultura-itsasaldia osatzeko, erakusketa ibiltari bat, historiari buruzko hitzaldiak, solasaldiak, bertsolariak, musika, dantza, ipuin-kontalariak, lantegiak, dokumentalak eta abar izango dira.
Beste jarduera batzuk
- Historiari buruzko hitzaldia Xabier Alberdi Euskal Itsas Museoko zuzendariaren eskutik.
- Itsasoarekin lotura duten gaiei buruzko bertso-saioa.
- Kresala dantza taldearen "Amoria & Dolore. Elkano Lehen Mundubira" dantza-ikuskizuna.
- Lumie musika taldearen kontzertua. Bezperen Dirdira diskoa aurkeztuko du, Elkanori eta itsasoari buruzko olerki-bilduma batean oinarrituta dagoena.
- Mitxel Etxekopar zuberotarrak Elkanori buruz osatu duen ikuskizuna.
- "Elkano battela, xumea baina gurea" helduentzako ikuskizuna, Nerea Alberdiren eta Kepa Elgoibarren musikarekin eta Koldo Amestoy ipuin kontalariarekin.
- "Elkarrekin Elkano" umeentzako ikuskizuna, Iñaki Martiarena "Mattin" marrazkilariarekin eta Ixabel Agirresarobe ipuin kontalariarekin.
- Astronomiari buruzko tailerrak Aranzadiren eskutik.
- Elkarrizketak erakusketa ibiltarian, Euskal Itsas Museoaren eskutik.
- Itsasoarekin lotura duten lanbide tradizionalen erakusketak eta lantegiak Albaolaren eskutik.
- Pedalkadak itsasoan dokumentala.
- Elkano, haizeari mila galdera dokumentala.
Zure interesekoa izan daiteke
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
Ura Bere Bidean jaialdiak hirugarren emanaldi bat izango du urriaren 22an
Aurresalmentan urriaren 23ko eta 24ko emanaldietarako sarrerak agortu ondoren, antolatzaileek hirugarren bat gehitzea erabaki dute, urriaren 22an, osteguna. Besteak beste, Olaia Inziartek, Eñaut Elorrietak, Zea Maysek edota Pantxoa eta Peiok hartuko dute parte aurtengo edizioan.
Korrontzik BECen amaituko du nazioartean egingo duen 50 kontzertuko birari
BECeko kontzertua "Mundua Dantzan" biraren amaiera izango da. Hain zuzen ere, 50 kontzertuko bira izango da, eta, besteak beste, Malaysia, Kanada eta Txekia Errepublikara iritsiko da.
Iñaki Viñespre: "Egia esan, espero nuen besteak gainetik egotea, oso saio ona egin baitzuten bost bertsolariek"
Lehenengo aldiz prestatuko da Euskal Herriko txapelketarako, eta txapela urruti duela uste badu ere, ahalik eta lanik txukunena egiten saiatuko dela esan du Arabako txapeldunak.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.
Reina Sofiak baztertu egin du "Gernika"Euskadira ekartzea
Bonbardaketaren 90. urteurrena dela eta, Eusko Jaurlaritzak koadroa epe batez Euskadira ekartzeko eskatu ondoren, Reina Sofiak txosten tekniko bat argitaratu du, margolanaren egoeraren azterketa sakon batekin. Horren arabera, "ez da inolaz ere gomendatzen hura lekualdatzea".
Oteiza eta Basterretxea, elkarrekin, “Espazioaren arazoa” erakusketan
Oteiza Museoak Nestor Basterretxearen eta Jorge Oteizaren arteko harremana aztertzea proposatzen du erakusketa berri batean; biek partekatutako tokiak, proiektuak eta gertakariak aintzat hartuz. 80 obraz, filmaz, jatorrizko material dokumentalez eta argazkiz osaturiko multzo zabal baten bidez, bi sortzaileen ibilbide bateratua erakusten du. Martxoaren 26tik abuztuaren 30era egongo da ikusgai.
Euskarazko lau serie labur, pantailara bidean EITBk bultzatuta
Amarekin goxo goxo, Aloka(h)iru eta Izaki pixka bat gardenak filmatzen ari dira, eta apirilean hasiko dira Estu filmatzen. Primeranen estreinatuko dira, udazkenetik aurrera.
?fmt=webp-alpha&qlt=80)
Lucia Lacarrak Adimen Artifizialari buruzko ikuskizuna estreinatuko du Bilbon
Zumaiar dantzari eta koreografoaren konpainiak “A.I. (Amalur Indarra)” oholtzaratuko du, Arriaga Antzokian, ostiral, larunbat eta igandean. Ikuskizunak, Juanjo Arqués eta Matthew Goldingen koreografiak, laserra erabiliz egindako eszenaratze harrigarria eta Bardean filmatutako filma uztartzen ditu.
Iñarrituren "Carne y arena", mugan hara-hona
“Carne y arena” EITBren Bilboko egoitzan ekainaren 20ra arte bisitagai dagoen murgiltze instalazioan, Alejandro Gonzalez Iñarritu mexikar zinemagileak bultza egiten dio bisitariari besteen zapatetan sartzeko, une batez ezdeusei bidean lagundu eta mugan hara-hona ibiltzeko, errealitatetik fikziora, haragitik pixelera, hareatik zulora eta gizatasunetik ankerkeriara.