Kulturaren Plazak 60 urte, eta segi aurrera
Durangoko Azokaren 60. edizioa ostiralean, abenduak 5, hasi, eta astelehenean, hilak 8, bukatuko da Bizkaiko udalerrian, urteroko zitari zintzo. 60 urte beteko ditu euskal sormenaren bilkura handiak aurten, eta Gerediaga Elkartea erakunde antolatzaileak, nostalgiari eta zifra biribilen tentazioari entzungor, aurrera begiratzeko eta eskaintza gizartearen martxari egokitzeko probestu du abagunea.
60. Azokan bi gune estreinatuko dituzte, Atartea arte ederren plaza, aurten ilustrazioari eskainia, eta Berbagailua podcasten espazioa, eta gaueko programazioa ere berreskuratu dute hainbat urteko etenaren ondoren. Landakoko ateak itxitakoan ere luzatu nahi dutenentzat, kontzertuak (Lukiek eta Ezezez ostiralean eta Mirua eta Naxker larunbatean, 23:30ean Ahotsenea Musikan), errezitala (“Zeri idatziko diogu orduan?”, Behe Banda, Ahotsenea Literaturan 21:30ean), zinema (“Gaua” igandean, 20:30ean Irudienean) eta antzerkia (“Heriotzak Eduardo du izena”, 20:00etan Szenatokian) egongo dira, besteak beste.
Zenbakietara ekarrita, antolatzaileek zehaztu dute 175 eragilek (sortzaileak, diskoetxeak, argitaletxeak, autoekoizleak, hedabideak, erakundeak…) 285 erakusmahai paratuko dituztela Landakon.
1.026 kultur nobedade egongo dira erosgai (694 liburu, 163 musika ekoizpen, 30 aldizkari eta bestelako 139 ekoizpen: fanzineak, audioliburuak, podcastak…), eta 273 ekitaldi prestatu dituzte guztira, lau egunetarako; aurkezpenak, solasaldiak, kontzertuak, erakusketak, antzerki emanaldiak…
60.a hasteko puntuan, aurrera begira, “sorkuntzaren adinako hartzaile kopurua” lortzeko erronka jo die Beñat Gaztelurrutia koordinatzaileak hurrengo Azokei: “Sorkuntza ugaria eta kalitatezkoa da, eta behar ditugu horrentzako guztiarentzako hartzaileak”.
DURANGOKO AZOKA
“Askotan, ez dakit nondik datorren sorkuntzarako indarra; gero ez dago eta horrenbeste hartzaile"
Durangoko Azokaren aurtengo edizioaren atarian, Beñat Gaztelurrutia Gerediaga Elkarteko koordinatzaileak ETB1eko "Egun On Euskadi" saioan adierazi du sorkuntza ugaria dela, eta kalitate handikoa: “Gazte belaunaldi oso bat ari da sortzen eta sortzen", esan du, eta horientzat guztientzat hartzaileak behar direla nabarmendu du.
Izango ahal da aurtengo Azoka urrats bat bide horretan.
Zure interesekoa izan daiteke
Sortzaile, ekoizle eta plataformak batuko ditu Podcast Geltokia jaialdiak
Ostegunetik, hilak 28, hasita, Tabakalera Donostiako zentroak Podcats Geltokia audioaren jaialdiaren lehen edizioa hartuko du. Hiru egunez, audioaren munduan lanean ari diren eragileak bilduko ditu Tabakalerak eta EITBk bultzatu duten topaguneak.
Iruñeko Katedralak Valentinoren 25 pieza ezezagun ditu ikusgai
'Indito Valentino' erakusketak diseinatzaile italiarraren goi-mailako 25 pieza ezezagun bildu ditu lehen aldiz Iruñeko Katedralean. Inoiz erakutsi ez den bilduma baten parte dira lanak, eta Valentinoren nortasun-ezaugarri ezagunenetako batzuk erakusten dituzte eta erakusketa ekainaren 21era arte egongo da ikusgai.
GetxoPhoto jaialdia ostegunean hasiko da, "RESET" lelopean
20 urte beteko dituen honetan, GetxoPhoto jaialdia ostegunean hasiko da, ekainaren 21era arte, "RESET" izenburupean. Antolatu dituzten 23 erakusketetatik laurdena baino gehiago Punta Begoñan egongo dira. Ereagako pasealekua eta Algortako merkatua izango dira beste bi gune garrantzitsuak, eta azken horretan egingo dute urtebetetze festa. 233 argazki, 44 herrialde eta sistema berrabiarazteko gonbita edizio honetan.
Musika proiektuei bideratuko diete Durangoko Azokaren Sormen Beka aurten
Euskarri fisiko zein digitalean bi lan baino gutxiago argitaratu dituztenek hartu ahalko dute parte deialdian, irailaren 21a baino lehen. 15.000 euroz lagundutako lana euskarazkoa izango da, hitzik badauka, eta 2027ko Durangoko Azokan aurkeztuko da emaitza.
"Fantasia eta arrazoia": Goyaren artelan handiak biltzen dituen erakusketa, Arte Ederren Gasteizko Museoan
Gerraren hondamenak, Tauromakia, Burugabekeriak eta Kapritxoak dira, besteak beste, Francisco de Goyaren lau sail nagusietakoak. Erakusketa 2027ko otsailera bitarte egongo da Arte Ederren Gasteizko Museoan. Bestetik, Donostiako San Telmo museoan Goya protagonista duen erakusketa bat dago.
Ziburuko Euskal Liburu eta Disko Azokak “arnas-unea eta sorkuntzaren plaza” irekiko ditu
Ekainaren 6an, Euskal Liburu eta Disko Azoka egingo da Lapurdiko udalerrian, zazpigarrenez, Baltsan elkartearen eta Argia komunikabidearen ekimenez. Beñat Oihartzabal hizkuntzalaria omenduko dute.
Esther Ferrerrek jasoko du Eusko Ikaskuntza-Laboral Kutxa Humanitateak, Kultura, Arteak eta Gizarte Zientzien Saria
Donostiar artistaren “nazioarteko proiekzioa eta arte garaikidearen berrikuntzan egindako ekarpen erabakigarriak” aitortu ditu sariaren epaimahaiak. Uztailean emango diote golardoa, Maddi Alberdi San Martin Eusko Ikaskuntza-Laboral Kutxa Gazte Sariaren irabazleari bezala.
Alejandro Gonzalez Iñarrituren hitzaldia astelehenean BBK Aretoan, 'Carne y Arena' erakusketaren inguruko jardueren barruan
Hitzaldia 19:00etan izango da, eta sarrerak eskuragarri daude jada, doan. Mexiko eta AEB arteko mugako migratzaileen eta errefuxiatuen esperientzia eta testigantzetan oinarritutako 'Carne y Arena' murgiltze esperientzia EITBko 5. platoan dago ikusgai martxoaren 16tik ekainaren 20ra arte.
2028rako Veneziako Biurtekoan espazio propioa izateko lanean ari da Euskadi
Hala iragarri du Ibone Bengoetxea Eusko Jaurlaritzako lehen lehendakariordeak eta Kultura sailburuak Venezian egindako ekitaldi instituzionalean. "Aurrera egin nahi dugu, eta gure helburua da euskal sorkuntza artistikoa nazioarteko erakusleiho horretan etengabe proiektatzea", gaineratu du.
"RESET" izango da Getxophotoren 20. urteurrenaren leloa, maiatzaren 28tik ekainaren 21era
Urteurrena ospatu, jaialdia birpentsatu, eta berrabiatu: horiek dira RESET 20. edizioaren helburuak. Ekimenen artean, 20 urteotako historia biltzen duen artxibo digitala, Alejandro Acinen El último lunes erakusketa eta aurreko edizioetako 7 proiektu berreskuratuta, begi berriz aurkezteko. Horrez gain, Portu Zaharreko Sirenoarekin photocalla antolatuko dute: izaera hibridoko pertsonaiaren agurra izango da.