Ercilla antzerki sariak, Aitana Sanchez Gijon eta Adrian Lastrarentzat
Aitana Sanchez Gijoni eta Adrian Lastrari emango dizkiete aktore onenen sariak 2015eko Ercilla antzerki sarietan. Gainera, Hector Alterio aktoreak ibilbide artistiko onenaren sari berezia jasoko du Bilboko hotel kateak antolatzen duen sariketan.
Aitana Sanchez Gijon “Medea” lanean eginiko lanagatik aukeratu dute azken bozketan, eta, haren atzetik, Maria Adanez, Lola Barldrich, Vicky Peña eta Blanca Portillo gelditu dira Bilboko sariketan.
Bestalde, Adrian Lastra aukeratu dute gizonezkoen mailan epaimahaiko kideek, “El discurso del rey” lanean eginiko lanagatik. Mario Gas, Antonio Molero, Arturi Querejeta eta Tristan Ulloa utzi ditu atzean aktore espainiarrak.
Halaber, aktore berri onenaren saria Ylenia Baglietto eibartarrak eramango du, “La gaviota” lanean egindako paperari esker, eta bigarren mailako aktore onenaren saria Consuelo Trujillok, “Medea” antzezlanagatik.
Sormen lan dramatiko onenarentzako goraipamena “Pankreas” Patxo Telleriaren lanarentzat izan da, euskarazko zein gaztelaniazko bertsioan, eta denboraldiko antzezkizunik onena “El grito en el cielo” izan da, Ercilla sarien arduradunen iritziz.
Antzerki eremuko lanik onenaren saria Pabellon 6 kultur espazioak irabaztea ebatzi dute, eta euskal ekoizpenik onena “Amour” Arriaga Antzokiaren eta Tartearen Teatroa konpainiaren antzezlana izan da, epaimahaiaren aburuz.
Zure interesekoa izan daiteke
“Andereño” antzezlana saritu dute Max sarietan
Anita Maravillas euskal konpainiaren txotxongilo ikuskizunak haur, gazte eta familientzako lan onenaren saria jaso du bart, Meridan. Gainera, Jesus Cimarro ermuar ekoizleak Ohorezko Max saria irabazi du, eta Ezezagunok Irungo afizionatuen antzerki elkarteak, gizarte arloko Max saria.
“Laster eroriko da” Metrokoadrokaren “komedia basatiak” irabazi du Korrikaren Sorkuntza Beka
Metrokoadroka kolekitboaren proiektuak 23.000 euroko laguntza jasoko du, eta emaitza 2027ko azarotik 2028ko apirilera bitartean antzeztuko da, Korrika Kulturalaren barruan.
Euskal antzerkia, Meridara begira
Max arte eszenikoen Espainiako sariak ekainaren 1ean banatuko dituzte, Meridako Erromatar Antzokian. "Andereño" da hautagaitza gehien dituen euskal lana, hiru. Ganso & Co konpainiaren "Welcome & Sorry" kaleko ikuskizun onenaren atalean da finalista, Iruñeko Las Nenas Theatrek lan berri onenaren saria lor lezake "Torcidxs" sariari esker, Irungo Ezezagunak taldeak zaleen Max saria jasoko du eta Jesus Cimarro ermuar ekoizleak Ohorezko Maxa.
Euskaldunak zazpi ikuskizun aurkeztuko ditu Aste Nagusiko programazioan
‘Euskalduna Nagusia’ izenburupean, "Cabaret" musikala, "El Caserío" zarzuela, "Menú cerrado", "Operación Maletero - Kastañuela Western" eta "El amor no se reproduce en cautividad" antzezlanak, "Z.U.K.U.A." euskarazko umore ikuskizuna eta "Marika de Gernika" bakarrizketa programatu dituzte abuztuaren 19tik irailaren 26ra arte.
Tilda Swintonek perfomance bat gorpuztuko du Guggenheimen
House of Gestures Olivier Saillard komisario eta performerrak sortutako lana Swintonek haragituko du. Sarrerak, doako 220 txartel, minutu gutxian saldu dira.
Xabier Anduaga, Angel Ruiz eta Ana Garay saritu dituzte Talia sarietan
Arte Eszenikoen Espainiako Akademiak bere sarien laugarren edizioa egin du bart Madrilen.
45 konpainia eta ia 100 emanaldi Leioako Umore Azokan, maiatzaren 14tik 17ra
Kale antzerkiko Leioako azokaren 26. edizioan, hogei bat euskal konpainiak hartuko dute parte. Gainera, topaketa profesionaletan, sektoreko 300 agente inguru bilduko dira.
“La maestra”, “Welcome & Sorry” eta “Torcidxs”, Max sarietarako izendatuta
Arte eszenikoen Espainiako sarietan, gainera, Jesus Cimarro bizkaitar ekoizleak Ohorezko saria jasoko du. SGAE Egile eta Editoreen Espainiako Elkarteak antolatzen duen sariketa ekainaren 1ean egingo dute, Meridan.
Shakespeare Alkizara eraman du Dantzertik
Dantzerti eskolako Arte Dramatikoko graduko 4. mailako ikasleek "Shakespeare ez zen inoiz hemen egon" antzezlana estreinatu dute bart Barakaldon; gaur, Barakaldon izango da ikusgai ostera ere, eta apirilaren 27an Errenterian. 2026an, Gipuzkoako herri txiki batean Shakespeareren lan argitaragabe bat aurkitu zutela zabaldu zen. Kazetari eszeptiko baten etorrerak interes ezkutuak, engainuak eta anbizioak azaleratuko ditu eskuizkribuaren inguruan, benetakotasunari, iruzurrari eta botereari buruzko komedia honetan.
Arriaga Antzokiak La Cubana taldearen "La cuisine de ma cousine" lana eskainiko du udan
Kataluniar konpainiak 29 emanaldi egingo ditu Bilboko antzokian, abuztuaren 13tik irailaren 13ra bitartean.