Uztailak 21 – Abuztuak 5
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Sei nafar konpainiak hartuko dute parte Erriberriko Antzerki Jaialdian

Textos Poéticos zikloan parte hartuko dute taldeok, eta beren jatorrizko lanak nafar udalerriko toki ezohikoetara eramango dituzte horrela.
author image

Agentziak | Erredakzioa

Azken eguneratzea

Erriberriko Antzerki Jaialdiaren antolatzaileek sei nafar konpainia aukeratu dituzte Textos Poéticos sailean, uztailaren 21etik abuztuaren 5era 21. edizioa egingo duen antzerki erakustaldiaren berrikuntzetako batean, parte hartzeko, Nafarroako Gobernuak ohar batean jakinarazi duenez.

Acronica Producciones konpainiak “Segismundo, primer acto” lana aurkeztuko du, “Bizitza amets” Pedro Calderon de la Barcaren lanean oinarritutako antzezlana; La Teatreriak “El cantar de Dulcinea” Cervantesen testuetan eta idatzi anonimoetan inspiratutako lana taularatuko du; eta Trokolo Teatrok Samaniegoren alegiei begiratuko die “Fabulantes” antzezlanean.

Bestalde, Ion Iraizozek “Kixote”ren XII, XIII eta XIV. kapituluak hartu ditu ardatz “Marcela, la voz de la mujer libre” lanerako; Nova Lux Arteanek Luis Quiñones de Benaventeren entremesak interpretatzen ditu “El guadainfante, entremés cantado”n; eta Itsaso Iribarrenek eta German de la Rivak Teresa Avilakoaren testuetara jo dute “El amor” lanerako.

Jatorrizko lanak izango dira guztiak, 20 minutu ingurukoak, eta asteburuz egingo dituzte, udalerriko ezohiko tokietan, launa emanalditan. Hain zuzen, horixe izango da atalaren helburua, egile klasikoen testuen eta musikaren bidez Erriberriko toki ezkutuak azaleratzea.

Antzerkia Nafarroa Erriberri

Zure interesekoa izan daiteke

18:00 - 20:00
ZUZENEAN
Duela  min.

Shakespeare Alkizara eraman du Dantzertik

Dantzerti eskolako Arte Dramatikoko graduko 4. mailako ikasleek "Shakespeare ez zen inoiz hemen egon" antzezlana estreinatu dute bart Barakaldon; gaur, Barakaldon izango da ikusgai ostera ere, eta apirilaren 27an Errenterian. 2026an, Gipuzkoako herri txiki batean Shakespeareren lan argitaragabe bat aurkitu zutela zabaldu zen. Kazetari eszeptiko baten etorrerak interes ezkutuak, engainuak eta anbizioak azaleratuko ditu eskuizkribuaren inguruan, benetakotasunari, iruzurrari eta botereari buruzko komedia honetan.
Gehiago ikusi
Publizitatea
X