Antzerkia
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Dutroux ume-hiltzailearen kasuari begiratzen dion antzezlana, Arriagan

“Five Easy Pieces” maiatzaren 11n, ostirala, eta maiatzaren 12an ikusi ahalko da Bilboko antzokian, nederlanderazko jatorrizko bertsioan, gaztelaniazko eta euskarazko gainidatziekin.
"Five easy pieces" antzezlaneko aktoreak
Maiatzaren 11n eta 12an ikusi ahalko da. Argazkia: Phile Deprez.
author image

eitb.eus

Azken eguneratzea

Arriaga antzokiak “Five Easy Pieces” Marc Dutroux ume-hiltzailearen kasua agertokira eramaten duen antzezlana jarriko du ikusgai asteburu honetan, maiatzaren 11 eta 12an, Bilboko zentroak gaur iragarri duenez. Antzokiaren arduradunen hitzetan, “Bilboko antzerki denboraldian egongo den ikuskizun gogorrenetakoa” da.

Dutrouxen hilketetatik hogei urte baino gehiago pasatu direla (1995 eta 1996an sei ume eta nerabe bahitu, torturatu eta horiei sexu abusuak egiteagatik zigortu zuten), Milo Rau suitzar zuzendariak “konfrontazio esperientzia” bat eskaintzen du “Five Easy Pieces”en, antzokitik azaldu dutenez.

Egilea benetako gertakarien testigantzetan oinarritzen da 16 urtetik beherakoentzat gomendatuta ez dagoen lan honetan, besteak beste, umeek dakiten, sentitzen eta egiten dutenaren mugak agerian jartzeko: “Zelan uler dezakete umeek narratibaren, enpatiaren, galeraren, mendekotasunaren, zahartzaroaren, etsipenaren edo altxamenduaren benetako esanahia? Gure beldurrak eta nahiak agerian geratzen al dira antzezten ikusten ditugunean?”.

Ostiralean, maiatzak 11n 20:00etan, eta larunbatean, 12an, ordu berean, Arriagara doazenek agertokiak berak eskaintzen duen gertutasunetik biziko dute Five Easy Pieces, leku txikian, antzezlanaren atmosfera bultzatzeko. Emanaldiak nederlanderazko jatorrizko bertsioan eskainiko dira, gaztelaniazko eta euskarazko gainidatziekin.

Antzerkia Bilbo Arriaga Antzokia

Zure interesekoa izan daiteke

18:00 - 20:00
ZUZENEAN
Duela  min.

Shakespeare Alkizara eraman du Dantzertik

Dantzerti eskolako Arte Dramatikoko graduko 4. mailako ikasleek "Shakespeare ez zen inoiz hemen egon" antzezlana estreinatu dute bart Barakaldon; gaur, Barakaldon izango da ikusgai ostera ere, eta apirilaren 27an Errenterian. 2026an, Gipuzkoako herri txiki batean Shakespeareren lan argitaragabe bat aurkitu zutela zabaldu zen. Kazetari eszeptiko baten etorrerak interes ezkutuak, engainuak eta anbizioak azaleratuko ditu eskuizkribuaren inguruan, benetakotasunari, iruzurrari eta botereari buruzko komedia honetan.
Gehiago ikusi
Publizitatea
X