Museoak ondarearen jabetza partekatzea proposatu du Jaurlaritzak
Chillida-Lekuk martxan jarrai dezan ''''bere esku dagoena egiteko konpromisoa'''' hartu du Eusko Jaurlaritzak, eta ondarearen jabetza partekatzeko aukera aztertzea ere jarri du mahai gainean. Hori jakinarazi du ohar baten bidez Kultura Sailak, gaur Chillida-Lekuko arduradunek museoa itxi behar dutela iragarri ondoren. Chillida-Lekuk lan erregulazioa egingo dutela iragarri du, baita 2011ko urtarrilaren 1ean museoa itxiko dutela ere. Artistaren senideek agiri batean jakinarazi dutenez, defizita jasangaitza da.
Iragarpen honen aurrean, familiarekin konponbide bat lortzeko lanean diharduela, eta museoak martxan jarrai dezan ''''bere esku dagoena egiteko konpromisoa'''' hartu duela iragarri du Eusko Jaurlaritzak. Kultura Sailak argitu duenez, urtebete baino gehiago daramate ''''Chillidaren familiarekin lanean, egungo espazioaren kudeaketa nahiz jabetzaren egoera-txostena egiteko, hainbat alderdiren arteko negoziazioak abiatu eta, arrakasta izanez gero, Chillida-Lekuren jarraipena bermatzeko''''.
Ohar horretan adierazi dutenez, txosten teknikoa amaituta dago eta Chillida familiari aurkeztu diote dagoeneko. Horrela, ''''negoziazio-prozesu bat abiatu da, bi kontu hauek aintzat hartuta: Chillida-Lekurentzat kudeaketa-eredu iraunkorra zehaztea, eta ondarearen jabetza partekatzeko aukeren azterketa egitea''''.
Gipuzkoako Foru Aldundiak, bestalde, ez du uste museoa erabat itxiko dutenik. Maria Jesus Aranburu Gipuzkoako Foru Aldundiko Kultura diputatuak komunikabideen bitartez izan du itxieraren berri. Eusko Jaurlaritza bezala, Aldundia ere familiarekin harremanetan dagoela adierazi du diputatuak, museoaren eta bertan biltzen den lanaren garrantziaren aurrean, arazoari irtenbidea bilatzeko. Museoaren kudeaketa mistoa aurrera eramateko aukerari buruz galdetuta, Aranburuk erantzun du hainbat proposamen har daitezkeela aintzat, baina alderdietako bakoitzak bere baldintzak jartzen dituela: Familiak museoaren ideologiaren alde egiten du, eta erakundeek diru publikoarekin egiten dute lan.
Odon Elorza Donostiako alkateak atsekabez hartu du museoaren itxieraren iragarpena. ''''Instituzioen diru-laguntza nahikorik'''' eduki ez izanaren eta krisiaren beraren ''''ondorio logiko'''' gisa ikusten du hartutako erabakia. Erakundeak biltzeko mahaia deitu du berriz Elorzak, ''''kudeaketa eredua aldatuta Chillida-Lekuren arazoari konponbidea emateko''''.
Zure interesekoa izan daiteke
Iberdrolaren artelanak, Arte Ederren Bilboko Museoan ikusgai
Bilboko konpainiaren 138 artelan bildu dituzte “Paraleloak eta meridianoak” erakusketan. Zortzi ataletan banatu dituzte: Hastapenak; Natura, urak eta bilbeak; Gorputza eta aztarnak; Lana; Argia; Artista eta haren espazioak; Arkitektura eta eraikuntza; Hiria eta portua. Abuztuaren 30era arte egongo da ikusgai.
"RESET" izango da Getxophotoren 20. urteurrenaren leloa, maiatzaren 28tik ekainaren 21era
Urteurrena ospatu, jaialdia birpentsatu, eta berrabiatu: horiek dira RESET 20. edizioaren helburuak. Ekimenen artean, 20 urteotako historia biltzen duen artxibo digitala, Alejandro Acinen El último lunes erakusketa eta aurreko edizioetako 7 proiektu berreskuratuta, begi berriz aurkezteko. Horrez gain, Portu Zaharreko Sirenoarekin photocalla antolatuko dute: izaera hibridoko pertsonaiaren agurra izango da.
-separados-por-el-ice-World-Press-Photo-of-the-Year-Carol-Guzy-ZUMA-Press-iWitness-for-Miami-Herald.jpg)
ICEko agenteek banandutako familia baten argazkiak irabazi du World Press Photo 2026 saria
ICE Immigrazioaren eta Aduanaren Polizia Indarrek Luis migratzaile ekuadortarra atxilotu eta emazte eta hiru seme-alabengandik banatzen duten une lazgarria islatzen duen Carol Guzy argazkilari estatubatuarrak egindako erretratuak irabazi du aurten.
"Gaizkia. Auschwitz 1945 - Gaza 2025" erakusketa, EHUren Arabako campusean
Gaizkia. Auschwitz 1945 - Gaza 2025 Artur Heras artista valentziarraren erakusketa inauguratu dute Euskal Herriko Unibertsitatearen (EHU) Arabako campuseko Unibertsitate Pabiloian asteazken honetan. Anacleto Ferrer komisario duen erakusketak genozidioak salatzen ditu, "begirada artistiko konprometitu eta ausart batetik". Gasteizen apirilaren 30era arte egon ondoren, erakusketa Bilboko Esperientziako Geletan izango da ikusgai, maiatzaren 6tik 22ra, eta Donostiako Karlos Santamaria liburutegiko Txillardegi aretoan, maiatzaren 27tik ekainaren 30era.
Jesus Jauregui bilbotar artistaren "gorpuztasun zalantzagarria", Bilbon ikusgai
EHUren Bizkaia aretoko Chillida gelak Anthropos erakusketa hartuko du apirilaren 14tik maiatzaren 7ra. Jesus Jauregui artistaren hitzetan, Anthroposek gizakiari buruzko ikuspegi berezia proposatzen du, "gure existentziak eragiten duen harridurak eta osatzen gaituen gorpuztasun zalantzagarriak markatua".
Sarrerak erdi-prezioan gaur arratsaldean Guggenheim museoa bisitatu nahi dutenentzat
Gaur da azken eguna "in situ: Mark Leckey. Eta hantxe zegoen hiria bere bikaintasunean" erakusketa ikusteko. Hori dela eta, 16:00etatik 19:00etara bertaratzen direnek % 50eko deskontua izango dute sarreran.
Guggenheim museoak 24.400 bisitari jaso ditu Aste Santuan
Ostegunetik astelehenerako tartean, ostirala izan zen egunik jendetsuena.
Gernikako Udalak ere "Gernika" artelana lekualdatzea eskatu du, bonbardaketaren urteurrena dela eta
Udalerriko alkateak azpimarratu du "Gernikako herriak" berak nahi duela Picassoren artelana aldi baterako lekualdatzea. Jaurlaritzak duela gutxi egin zuen eskaera, baina Reina Sofia Museoak ez du onartu, kontserbazio arrazoiak tarteko.
"Erresonantziak" dokumental saila, Esther Ferrer eta Mari Puri Herrero artistei begira
EITBk eta Artiumek Mari Puri Herrero (Bilbo, 1942) eta Esther Ferrer (Donostia, 1937) protagonista dituzten bi lan dokumental aurkeztu dituzte. Publiko berrien artean kultura garaikidearen dibulgazioan sakondu nahi du dokumental sortak, eta ETB On atarian daude ikusgai. Herreroren atalari Uxue Alberdik jarri dio ahotsa, eta Ferrerenari Marina Suarezek. Hurrengo atalak Gema Intxaustiri eta Itziar Okarizi eskainiko dizkiete.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.