Eusko Jaurlaritzak ez du aintzat hartzen chillidatarren beto eskubidea
Blanca Urgell Kultura sailburuak argi utzi du gaur Eusko Jaurlaritzak ez duela aintzat hartzen Eduardo Chillidaren oinordekoek beto eskubidea izatea.
Horrela erantzun dio Urgellek Eduardo Chillidaren familiak gaur goizean sailburuari bidaliko eskutitzari. Idatzi horretan Chillida-Leku jabego publikokoa izan dadin mantendu izan dituzten negoziazioak zergatik hautsi diren azaldu dute familiako kideek, eta beren iritzia eman ere egin dute.
2010eko abenduaren 31n itxi zituen ateak Chillida-Leku museoak, eta hilabeteetan egon dira negoziatzen Eduardo Chillida zenaren familia eta
instituzioak. Martxoan bertan behera geratu ziren negozio horiek.
Komunikabideei igorritako ohar batean, Urgellek adierazi du euskal instituzioek betiere argi eta garbi esan dutela, bai pribatuan oinordekoei bai publikoan herritarrei, ahalegin handi bat eginez Chillida-Leku bezalako ondare baten ardura bere gain hartzen badute, ondare horren arduradun alde guztietatik izateko hartuko dutela. ''''Horregatik ez dugu aintzat hartu Eduardo Chillidaren oinordekoek beto eskubidea izatea'''', gaineratu du. ''''Hori bai, legeak uzten duen azken mugaraino iristeko prest egon gara, instituzio publikoak onartzeko moduko arbitraje moduak ezartzeko, eta aurretiaz argitu dugu gure sortzaile handiaren oroimena behar bezala zaintzeko oinordekoak bere dituzten eskubide moralak bete-betean errespetatzen ditugula'''', esan du.
''''Sekula ere ez dugu ez instituzioek ez gure inongo ordezkariek zalantzan jarri Chillida-Leku gaur, bihar zein etzi batasun bezala ulertu behar dela, espazioa, baserria eta obra'''', argitu du Urgellek. ''''Izan ere, Chillida-Lekuren baliorik handiena horrexetan dago. Beraz, ez dago ulertzerik zergatik jartzen den susmopean instituzioek alde honetatik behin eta berriz eta garbi adierazi dugun iritzia. Eduardo Chillidaren obrak betiere Chillida-Lekun imajinatu ditugu, eta ez errotonda publikoetan, edo aberats pribatuen eskuetan'''', esan du sailburuak.
Idatzian, Kultura sailburuak gogoratu du instituzioak leialtasunez eta gardentasunez aritu direla prozesu honetan, eta erakundeek negoziazio lanetan egindako lana defendatu du.
Erakundeen eskuzabaltasuna azpimarratuz bukatu du Urgellek oharra. ''''Instituzioek izan duten eskuzabaltasuna, gaurko krisialdian, ezin gehiagokoa izan da, eta nekez errepikatzekoa'''', esan du. ''''Euskal instituzioak eta Eduardo Chillidaren oinordekoen arteko erlazio eta negoziazioen historia luzean zehar, oraingo honetan inoizko hurbilen egon gara hitzarmena lortzetik. Honegatik, biziki deitoratzen dugu Chillida-Leku uztailean berriro zabalik ikusteko mahai gainean jarri genuen aukera galdu izana haren jabeak eta arduradun bakarrak direnek hartu duten erabakiarekin'''', erantsi du.
Zure interesekoa izan daiteke
Iberdrolaren artelanak, Arte Ederren Bilboko Museoan ikusgai
Bilboko konpainiaren 138 artelan bildu dituzte “Paraleloak eta meridianoak” erakusketan. Zortzi ataletan banatu dituzte: Hastapenak; Natura, urak eta bilbeak; Gorputza eta aztarnak; Lana; Argia; Artista eta haren espazioak; Arkitektura eta eraikuntza; Hiria eta portua. Abuztuaren 30era arte egongo da ikusgai.
"RESET" izango da Getxophotoren 20. urteurrenaren leloa, maiatzaren 28tik ekainaren 21era
Urteurrena ospatu, jaialdia birpentsatu, eta berrabiatu: horiek dira RESET 20. edizioaren helburuak. Ekimenen artean, 20 urteotako historia biltzen duen artxibo digitala, Alejandro Acinen El último lunes erakusketa eta aurreko edizioetako 7 proiektu berreskuratuta, begi berriz aurkezteko. Horrez gain, Portu Zaharreko Sirenoarekin photocalla antolatuko dute: izaera hibridoko pertsonaiaren agurra izango da.
-separados-por-el-ice-World-Press-Photo-of-the-Year-Carol-Guzy-ZUMA-Press-iWitness-for-Miami-Herald.jpg)
ICEko agenteek banandutako familia baten argazkiak irabazi du World Press Photo 2026 saria
ICE Immigrazioaren eta Aduanaren Polizia Indarrek Luis migratzaile ekuadortarra atxilotu eta emazte eta hiru seme-alabengandik banatzen duten une lazgarria islatzen duen Carol Guzy argazkilari estatubatuarrak egindako erretratuak irabazi du aurten.
"Gaizkia. Auschwitz 1945 - Gaza 2025" erakusketa, EHUren Arabako campusean
Gaizkia. Auschwitz 1945 - Gaza 2025 Artur Heras artista valentziarraren erakusketa inauguratu dute Euskal Herriko Unibertsitatearen (EHU) Arabako campuseko Unibertsitate Pabiloian asteazken honetan. Anacleto Ferrer komisario duen erakusketak genozidioak salatzen ditu, "begirada artistiko konprometitu eta ausart batetik". Gasteizen apirilaren 30era arte egon ondoren, erakusketa Bilboko Esperientziako Geletan izango da ikusgai, maiatzaren 6tik 22ra, eta Donostiako Karlos Santamaria liburutegiko Txillardegi aretoan, maiatzaren 27tik ekainaren 30era.
Jesus Jauregui bilbotar artistaren "gorpuztasun zalantzagarria", Bilbon ikusgai
EHUren Bizkaia aretoko Chillida gelak Anthropos erakusketa hartuko du apirilaren 14tik maiatzaren 7ra. Jesus Jauregui artistaren hitzetan, Anthroposek gizakiari buruzko ikuspegi berezia proposatzen du, "gure existentziak eragiten duen harridurak eta osatzen gaituen gorpuztasun zalantzagarriak markatua".
Sarrerak erdi-prezioan gaur arratsaldean Guggenheim museoa bisitatu nahi dutenentzat
Gaur da azken eguna "in situ: Mark Leckey. Eta hantxe zegoen hiria bere bikaintasunean" erakusketa ikusteko. Hori dela eta, 16:00etatik 19:00etara bertaratzen direnek % 50eko deskontua izango dute sarreran.
Guggenheim museoak 24.400 bisitari jaso ditu Aste Santuan
Ostegunetik astelehenerako tartean, ostirala izan zen egunik jendetsuena.
Gernikako Udalak ere "Gernika" artelana lekualdatzea eskatu du, bonbardaketaren urteurrena dela eta
Udalerriko alkateak azpimarratu du "Gernikako herriak" berak nahi duela Picassoren artelana aldi baterako lekualdatzea. Jaurlaritzak duela gutxi egin zuen eskaera, baina Reina Sofia Museoak ez du onartu, kontserbazio arrazoiak tarteko.
"Erresonantziak" dokumental saila, Esther Ferrer eta Mari Puri Herrero artistei begira
EITBk eta Artiumek Mari Puri Herrero (Bilbo, 1942) eta Esther Ferrer (Donostia, 1937) protagonista dituzten bi lan dokumental aurkeztu dituzte. Publiko berrien artean kultura garaikidearen dibulgazioan sakondu nahi du dokumental sortak, eta ETB On atarian daude ikusgai. Herreroren atalari Uxue Alberdik jarri dio ahotsa, eta Ferrerenari Marina Suarezek. Hurrengo atalak Gema Intxaustiri eta Itziar Okarizi eskainiko dizkiete.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.