Nestor Basterretxea, Durrio eta Regoyos, Bilboko Arte Ederren Museoan
Bilboko Arte Ederren Museoak Nestor Basterretxearen atzera begirako erakusketa bat eta Francisco Durrio eta Dario de Regoyos artisten erakusketa bana eskainiko ditu 2013an.
Javier Viar museoaren zuzendariak 2013ko programazioa aurkeztu du. Lehen erakusketa otsailaren 25ean zabalduko dute. Nestor Basterretxea eskultorearen lanari buruzko atzera begirakoa izango da, eta artistaren ibilbidea errepasatuko du.
Proposamena 200 piezak osatuko dute, eta Basterretxearen lehen lanen kutsu esperimentalari eta artistaren 60 urteko ibilbideari begiratuko die.
Uztailaren 3an, Francisco Durrio artistaren erakusketa inauguratuko dute. Eskultore, zeramikari eta urregilearen ia lan guztiak jasoko dituen lehen ekimena izango da. Guztira, 150 obra izango dira ikusgai.
Gainera, artistaren lagunen obrak ere bilduko ditu erakusketak. Horri esker, Paul Gauguin, Pablo Picasso, Adolfo Guiard, Ignazio Zuloaga eta Francisco Iturrino artisten lanak ere izango dira Arte Ederren Museoan.
"Dario de Regoyos (1857-1913)" erakusketa urriaren 7an hasiko da. Margolari asturiarraren heriotzaren mendeurrena izango da 2013an, eta erakusketak 150 obra bilduko ditu. Artista Espainian, Belgikan, Herbehereetan, Frantzian eta Italian izan zen garaietako artelanak izango dira ikusgai. Bilboko Arte Ederren Museoan izan ostean, erakusketa Madrileko Thyssen Museoan eta, ondoren, Malagako Carmen Thyssen-Bornemisza Museoan egongo da.
2013ko programazioa beste bi erakusketak osatuko dute: Ramon Zuriarrain margolari donostiarrarena eta Mikel Diez Alba bilbotarrarena. Gainera, "Artelan Gonbidatua" programak Aurelio Arteta, Paul Delvaux, Francisco de Zurbaran eta Ramon de Zubiaurre artisten lanak hartuko ditu.
Bisitariak
2012an, 290.000 bisitari izan dira, Arte Ederren Museoan, iaz baino 30.000 gehiago, Fernando Boteroren erakusketari esker. Guztira, 113.000 pertsona baino gehiago izan dira margolariaren lanak ikusten, eta museoak erakusketa beste 20 egun luzatzea erabaki du; otsailaren 10era arte egongo da, hortaz.
Zure interesekoa izan daiteke
Iberdrolaren artelanak, Arte Ederren Bilboko Museoan ikusgai
Bilboko konpainiaren 138 artelan bildu dituzte “Paraleloak eta meridianoak” erakusketan. Zortzi ataletan banatu dituzte: Hastapenak; Natura, urak eta bilbeak; Gorputza eta aztarnak; Lana; Argia; Artista eta haren espazioak; Arkitektura eta eraikuntza; Hiria eta portua. Abuztuaren 30era arte egongo da ikusgai.
"RESET" izango da Getxophotoren 20. urteurrenaren leloa, maiatzaren 28tik ekainaren 21era
Urteurrena ospatu, jaialdia birpentsatu, eta berrabiatu: horiek dira RESET 20. edizioaren helburuak. Ekimenen artean, 20 urteotako historia biltzen duen artxibo digitala, Alejandro Acinen El último lunes erakusketa eta aurreko edizioetako 7 proiektu berreskuratuta, begi berriz aurkezteko. Horrez gain, Portu Zaharreko Sirenoarekin photocalla antolatuko dute: izaera hibridoko pertsonaiaren agurra izango da.
-separados-por-el-ice-World-Press-Photo-of-the-Year-Carol-Guzy-ZUMA-Press-iWitness-for-Miami-Herald.jpg)
ICEko agenteek banandutako familia baten argazkiak irabazi du World Press Photo 2026 saria
ICE Immigrazioaren eta Aduanaren Polizia Indarrek Luis migratzaile ekuadortarra atxilotu eta emazte eta hiru seme-alabengandik banatzen duten une lazgarria islatzen duen Carol Guzy argazkilari estatubatuarrak egindako erretratuak irabazi du aurten.
"Gaizkia. Auschwitz 1945 - Gaza 2025" erakusketa, EHUren Arabako campusean
Gaizkia. Auschwitz 1945 - Gaza 2025 Artur Heras artista valentziarraren erakusketa inauguratu dute Euskal Herriko Unibertsitatearen (EHU) Arabako campuseko Unibertsitate Pabiloian asteazken honetan. Anacleto Ferrer komisario duen erakusketak genozidioak salatzen ditu, "begirada artistiko konprometitu eta ausart batetik". Gasteizen apirilaren 30era arte egon ondoren, erakusketa Bilboko Esperientziako Geletan izango da ikusgai, maiatzaren 6tik 22ra, eta Donostiako Karlos Santamaria liburutegiko Txillardegi aretoan, maiatzaren 27tik ekainaren 30era.
Jesus Jauregui bilbotar artistaren "gorpuztasun zalantzagarria", Bilbon ikusgai
EHUren Bizkaia aretoko Chillida gelak Anthropos erakusketa hartuko du apirilaren 14tik maiatzaren 7ra. Jesus Jauregui artistaren hitzetan, Anthroposek gizakiari buruzko ikuspegi berezia proposatzen du, "gure existentziak eragiten duen harridurak eta osatzen gaituen gorpuztasun zalantzagarriak markatua".
Sarrerak erdi-prezioan gaur arratsaldean Guggenheim museoa bisitatu nahi dutenentzat
Gaur da azken eguna "in situ: Mark Leckey. Eta hantxe zegoen hiria bere bikaintasunean" erakusketa ikusteko. Hori dela eta, 16:00etatik 19:00etara bertaratzen direnek % 50eko deskontua izango dute sarreran.
Guggenheim museoak 24.400 bisitari jaso ditu Aste Santuan
Ostegunetik astelehenerako tartean, ostirala izan zen egunik jendetsuena.
Gernikako Udalak ere "Gernika" artelana lekualdatzea eskatu du, bonbardaketaren urteurrena dela eta
Udalerriko alkateak azpimarratu du "Gernikako herriak" berak nahi duela Picassoren artelana aldi baterako lekualdatzea. Jaurlaritzak duela gutxi egin zuen eskaera, baina Reina Sofia Museoak ez du onartu, kontserbazio arrazoiak tarteko.
"Erresonantziak" dokumental saila, Esther Ferrer eta Mari Puri Herrero artistei begira
EITBk eta Artiumek Mari Puri Herrero (Bilbo, 1942) eta Esther Ferrer (Donostia, 1937) protagonista dituzten bi lan dokumental aurkeztu dituzte. Publiko berrien artean kultura garaikidearen dibulgazioan sakondu nahi du dokumental sortak, eta ETB On atarian daude ikusgai. Herreroren atalari Uxue Alberdik jarri dio ahotsa, eta Ferrerenari Marina Suarezek. Hurrengo atalak Gema Intxaustiri eta Itziar Okarizi eskainiko dizkiete.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.