Artea eta iraunkortasuna, Kutxa Kultur Hiria jaialdian
Kutxa Gizarte Ekintzak Kutxa Kultur Hiria aurkeztu du. Ekimena ekainaren 22an eta 23an izango da, Donostian, eta aisialdirako hainbat proposamen bilduko ditu.
Ekimena aurkeztu dute Iñaki Altuna Kutxa Gizarte Ekintzako eta Sergio Cruzago Ginmusica enpresaren arduradunek.
Cruzadoren esanetan, Kutxa Kultur Hiria "hiriaren eraldaketa erakutsi nahi duen kaleko jaialdia da" eta, horretarako, merkatuak, musika eta tailerrak antolatu dituzte. Gainera, "marketing edo azpiegitura handirik ez da egongo", baina "herritarren duten sormen gaitasuna erakustea du helburu".
Proiektuak "Donostiako kaleak aprobetxatu" nahi ditu eta gune desberdinetan banatuta egongo da. Herritarrei mapak banatuko zaizkie tabernatan, dendatan eta unibertsitateetan "egiten ari diren proiektuen berri izan dezaten".
Gipuzkoa plazan, adibidez, asteburu osoan zehar margotzen izango diren artistak bilduko dira eta Txurruka kalean, haurrentzako birziklatzeko materialekin tailerrak egingo dituzte. Balentziaga Museoak modari txoko berezia eskainiko dio San Martzial kalean.
Iraunkortasuna, Ingurumena eta erantzukizun soziala Okendo kalean izango dira. Bertan, gainera, "kontsumo solidarioa eta iraunkorra" sustatzeko alternatiba berri bat aurkeztuko dute.
Zure interesekoa izan daiteke
Bilboko Guggenheimek eta Arte Ederren museoak sarrera bateratua eskainiko dute prezio merkeagoan
Urriaren 14an jarriko da indarrean, eta lau eguneko epean bi museoak bisitatzeko aukera emango du.
Inoizko bigarren udarik jendetsuena, Guggenheimentzat
Ekain, uztail eta abuztuan 488.971 bisitari hartu ditu Guggenheim Bilbao Museoak, iaz baino 10.656 gehiago. 2023an hartu zituen bisitari gehien museoak.
Bilboko Arte Ederren Museoak ateak itxiko ditu igande honetatik urriaren 6ra bitartean
Handitze lanak amaitu ondoren, museorako sarrera doan izango da urriaren 6tik 13ra.
Flamenco On Fire jaialdiak ‘tablao’ inprobisatu bihurtu ditu Iruñeko balkoirik enblematikoenak
Iruñeko balkoirik esanguratsuenak benetako ‘tablao’ bihurtu dira berriro egun hauetan, Flamenco On Fire jaialdiaren edizio berri bati esker. Gaur eguerdian, udaletxeko balkoitik, Pedro Heredia 'El Granaino' kantari ezagunak errezitaldi intimo eta hunkigarria eskaini du, Gabriel Lorenteren gitarra-jole bikainak lagunduta. Flamenco On Fire jaialdiaren egitarauak bihar jarraituko du toki berean; hain zuzen ere, Jose Merce maisuaren saioa dago iragarrita bertan.
Yayoi Kusama artista japoniarra hil da, 97 urte zituela
Hain zuzen ere, artista ezaguna abuztuaren 14an hil zen, Tokioko ospitale batean. 2023an "Yayoi Kusama: 1945etik gaurdaino" erakusketa hartu zuen Guggenheimek. Kusama 10 urte zituela hasi zen margotzen, eta, horretarako, ilargien eta patroien errepikapen obsesiboa baliatu zuen, hala nola sareak eta arkuak.
Bilboko Guggenheim, munduko zazpi mirari garaikideetako bat izateko bidean
Guggenheim Bilbao Museoak, aro garaikideko obra enblematikoa izateaz gain, Bilbo nazioarteko kultura-erreferente gisa kokatzea ahalbidetu du, eta eragin sakon zein onuragarria izan du inguruko turismoaren, ekonomiaren eta gizartearen garapenean.
Guggenheim Bilbao Museoak "66-76-26" iragarri du, Steve McQueenek museoarentzat sortutako lana
Instalazioak aurrez aurre jartzen ditu hamarkada batez bereizitako Nina Simoneren (1966) eta David Bowieren (1976) "Wild is the Wind" interpretazio mitikoak.
Ertibil erakusketaren 44. edizioak 18 artista berriren lanak bildu ditu
Rekalde aretoan zabaldu dute Bizkaiko artista berriei laguntzeko erakusketa ibiltaria. Urriaren 18ra arte egongo da Bilbon, eta handik Barakaldora (urriak 21-azaroak 5), Basaurira (azaroak 6-29) eta Igorrera (azaroak 30-abenduak 30) egingo du. Lehen, bigarren eta hirugarren sariak Estela Miguelek eta Markel Gonzalez Elezkanok, Natalia Suarez Ortiz de Zaratek eta Jone Elorriaga Sotok irabazi dituzte.
"Uhinak": Ra Asensiren erakusketa Bilboko Euskal Museoan
2026ko uztailaren 8tik abenduaren 28ra bitartean bisitatu ahal izango da, Miserikordia eraikineko Kukula espazioan. Kantauriko algekin eta oxidoekin egindako beiraztatutako gresezko formak eskaintzen ditu, erakusketa-aldian eboluzionatzen duten materialak.
“Bakoren Burua” ikusgai jarri dute Arabako Bibat Arkeologia Museoan
1976an aurkitu zuten I. mendeko marmolezko eskultura ezaguna, Arkaiako parrokia elizaren inguruan. 13 cm-ko altuera, 9,5 cm-ko zabalera eta 6,5 cm-ko sakonera duen pieza 46 urtez egon da desagertuta, Jon Buesa EAJk Arabako Batzar Nagusietan zuen bozeramaileak epailearen eskariz itzuli zuen arte. Irailaren 30era arte ikusi ahalko da Gasteizko Bibat Arkeologia Museoan.