Munduko 150 argazki onenak, Gasteizen ikusgai
World Press Photo, fotokazetaritzako lehiaketa ospetsuko argazkiak Gasteizen dira. Atal ezberdinetan irabazle izan diren argazkiak dira, 150etik gora.
Hunkitu, haserretu, salatu edo itxaropenari ateak zabaltzen dizkioten argazkiak dira: munduaren erretratua. Montehermoson daude ikusgai, hamaikagarren aldiz.
Argazki atseginak ere badauden arren, World Press Photo munduan zehar ematen diren gerrateetako argazkiengatik da batez ere ezaguna. 2013ko edizio honetan, Gaza eta Siriako irudi ugari daude. Tartean dago aurtengo irabazlea: "Gazako hileta" izenburua du eta Paul Hansen suediarrak ateratako argazkia da: bi eta lau urteko anaien eta bigarren planoan agertzen den aitaren hileta jasotzen du argazkiak. Irudi benetan gogorra, epaimahaiak besteak beste, burura, bihotzera eta urdailera heltzen den argazkia delako aukeratu zuen irabazle. Ahazten ez den argazki horietakoa.
World Press Photo berriro Gasteizera etorri dadin: Periskopio elkarteak udalaren partetik aurten aurrekontu zabalagoa jaso du. Besteak beste, erakusketa astebete gehiagoz luzatzea ekarri du. Azaroaren 13ra arte egongo da ikusgai Montehermoson. Lagungarri izan litekeen berrikuntza batekin gainera: sakeleko telefonoentzat aplikazio bat sortu dute, argazkiak ikusi ahala azalpenak jasotzeko.
Zure interesekoa izan daiteke
David Hockney britainiar artista zendu da
Margolariak, Erresuma Batuko pop artearen izen handietako batek, 88 urte zituen.
Zabalik dago Euskal Museoa
Bilboko museo zaharberrituaren ateak gaur goizean ireki dituzte, hainbat urteko lanen eta 20.397.401,53 euroko inbertsioaren ostean. Hamar egunez, sarrera doakoa izango dute herritarrek.
Xabier Paya Bilbao Bizkaia Museoak erakundearen zuzendari nagusi izendatu dute
Sorkunde Aiarza Bilbao Bizkaia Museoak erakundearen zuzendari kudeatzailearekin batera jardungo da Paya Euskal Museoa Bilbao, Bilboko Berreginen Museoa eta San Frantziskoko komentuko aztarnategia kudeatzen dituen erakundea gidatzen.
Bilboko Euskal Museo berritua ekainaren 10ean irekiko dute eta sarrera doakoa izango da hamar egunez
Zaharberritze arkitektoniko zein museografiko sakon baten ondoren, ekainaren 21era arte herritarrak doan sartu ahalko dira Euskal Museora, Bilbon. 50.000 piezako bilduma erakusteko espazioan 20.397.401,53 euroko inbertsioa egin dute Bizkaiko Foru Aldundiak eta Bilboko Udalak, eta proiektuak 5.000 m2 baino gehiagoko erakustokia irabazi du.
Jasper Johnsen 134 lan bildu ditu Guggenheimek
Estatubatuar artistak zazpi hamarkadako ibilbidean eginiko lanaren atzer begirako erakusketa antolatu du Bilboko museoak. Urriaren 12ra arte, "Night driver"bildumak pinturak, eskulturak, marrazkiak, grabatuak, liburu bat eta eszenografia bat eskainiko dizkio bisitariari.
Bilboko Euskal Museoaren inaugurazioa
Jarraitu zuzenean Bilboko Euskal Museo berrituaren inaugurazio ekitaldia.
Iruñeko Katedralak Valentinoren 25 pieza ezezagun ditu ikusgai
'Indito Valentino' erakusketak diseinatzaile italiarraren goi-mailako 25 pieza ezezagun bildu ditu lehen aldiz Iruñeko Katedralean. Inoiz erakutsi ez den bilduma baten parte dira lanak, eta Valentinoren nortasun-ezaugarri ezagunenetako batzuk erakusten dituzte eta erakusketa ekainaren 21era arte egongo da ikusgai.
GetxoPhoto jaialdia ostegunean hasiko da, "RESET" lelopean
20 urte beteko dituen honetan, GetxoPhoto jaialdia ostegunean hasiko da, ekainaren 21era arte, "RESET" izenburupean. Antolatu dituzten 23 erakusketetatik laurdena baino gehiago Punta Begoñan egongo dira. Ereagako pasealekua eta Algortako merkatua izango dira beste bi gune garrantzitsuak, eta azken horretan egingo dute urtebetetze festa. 233 argazki, 44 herrialde eta sistema berrabiarazteko gonbita edizio honetan.
"Vivre Sa Vie. Georges Dambier eta Moda" erakusketa, Cristobal Balenciaga museoan
Georges Dambier argazkilariaren 77 irudik osatzen dute erakusketa. Ikuspegi aitzindaria izan zuen Dambierrek 50eko hamarkadan: modeloak kalera atera zituen, eta estudioko argazkien konbentzio zurrunak apurtu zituen. Erakusketa bihartik abenduaren 13ra arte egongo da ikusgai Cristobal Balenciaga museon, Getarian.
"Fantasia eta arrazoia": Goyaren artelan handiak biltzen dituen erakusketa, Arte Ederren Gasteizko Museoan
Gerraren hondamenak, Tauromakia, Burugabekeriak eta Kapritxoak dira, besteak beste, Francisco de Goyaren lau sail nagusietakoak. Erakusketa 2027ko otsailera bitarte egongo da Arte Ederren Gasteizko Museoan. Bestetik, Donostiako San Telmo museoan Goya protagonista duen erakusketa bat dago.