Donostia eta Eduardo Chillida, bideak berriz batuta
1992tik Chillidaren inguruan Donostian egin duten lehen erakusketa handia Cristina Uriarte Hezkuntza, Hizkuntza Politika eta Kultura sailburuak, Joxean Muñoz Kultura, Gazteria eta Kirol sailburuordeak inauguratuko dute, eta ostiraletik, hilak 20, aurrera bisitatu ahalko da, asteartetik igandera, 11:30etik 13:30era eta 17:00etatik 21:00etara, doan.
Chillidaren semeetako batek, Ignaciok, eta Carlos Ruiz Kutxako Gizarte Ekintzako zuzendariak "teknikak ugari" batu dituztela azaldu dute, "artistak bere ibilbidean erabili zituenetako asko", hala nola harzuria. Erakusketako lan gehienak familiarenak dira, baina bildumazale pribatuek utzitako hainbat ere badaude.
Ignacio Chillidaren esanetan, "bide" kontzeptuak aitaren lanean izan zuen garrantzia azpimarratu nahi dute izenburuaren bidez. "Forma-estetikei begira eta kontzeptualki, pisu handia izan zuen horrek, eta inor gutxik aipatu du haren lanen analisietan”.
Kubo Kutxa aretoan, eskultoreak bere ibilbidean jarraitu dituen bide eta bidexkak erakutsi nahi dituzte: "Batzuetan norabide berean doazen lerroak, desbideratu egiten direnak, itzultzen direnak…". Eduardo Chillidak berak hartu zuen hizpide gai hori: "Batu egiten diren bideak, inoiz ez beti ezberdin baina inoiz ez beti berdin".
Halaber, hiru bloketan antolatutako erakusketak "artistaren ikuspegi hurbileko eta gizatiarrenari begiratzen dio, bertokoaren eta globalaren arteko elkarrizketari".
'Haizearen Orrazia'
Lehen erakusaretoa atontzeko, artistaren alde soziala hartu dute ardatz: bere lan publikoen bidez, gizartean uztartuta egon zen herritar bat erakusten dute. Espazio zentralean, berriz, arkitekturarekin harremanetan dauden lanak jaso dituzte eta azken aretoa "Haizearen Orraziari" buruzkoa da.
Eduardo Chillida Donostian jaio zen, 1924ko urtarrilaren 10ean. 1943an Madrilera joan zen, Arkitektura ikasteko asmoz, baina 1947an ikasketa horiek utzi eta Arte Ederren Zirkuluan sartu zen marrazkigintzan jardutera.
Hurrengo urtean, Parisera joan zen, eta eskulturgintzan hasi zen bertan. 1951an, Pilar Belzuncerekin ezkondu eta urtebetera, Hernanira aldatu zen, eta bertan ezagutu zuen burdina; ‘Ilarik’ material horrekin egindako lehen lana izan zen. Handik hiru urtera, Madrilen bere lehen erakusketa egin zuen, Clan arte galerian, eta lehen lan publikoa gauzatu zuen: Arantzazuko ateak.
1958an Eskulturaren Nazioarteko Saria irabazi zuen Veneziako 29. Biurtekoan, eta, harrezkero, hamaika sari irabazi ditu mundu zabalean. Munduko 20 museotan baino gehiagotan dago ikusgai haren lana, eta hiri askotan egin dituzte haren lanaren inguruko erakusketak: Berlin, Londres, New York…
Zure interesekoa izan daiteke
“Bakoren Burua” ikusgai jarri dute Arabako Bibat Arkeologia Museoan
1976an aurkitu zuten I. mendeko marmolezko eskultura ezaguna, Arkaiako parrokia elizaren inguruan. 13 cm-ko altuera, 9,5 cm-ko zabalera eta 6,5 cm-ko sakonera duen pieza 46 urtez egon da desagertuta, Jon Buesa EAJk Arabako Batzar Nagusietan zuen bozeramaileak epailearen eskariz itzuli zuen arte. Irailaren 30era arte ikusi ahalko da Gasteizko Bibat Arkeologia Museoan.
Carla Filipe eta Taxio Ardanaz artisten lana batu du "Kooperatiba" erakusketak, Tabakaleran
Ángel Calvo Ulloak komisariatutako erakusketak Carla Filipe eta Taxio Ardanaz artistek lengoaia grafikoen eta irudikapen politikoaren inguruan egindako lana biltzen du. Uztailaren 3an irekiko da, Donostiako zentroan, eta urtarrilaren 10era arte egongo da ikusgai.
Bonnat-Helleu museoak 100.000. bisitaria hartu du
Birmoldatu eta azaroan berriz ireki zuten arte ederren museoko 100.000. bisitaria 8 urteko baionar neskatoa da. Urte osoan doan sartzeko baimena emango dion txartel bat jaso du Barthélémy Etchegoyen museoko zuzendariaren eskutik.
“Harri biguna” dokumental sailak artearen irakurketa “kritiko eta garaikidea” proposatzen du ikuspegi feministatik
Primeran eta ETB ON plataformetan izango da ikusgai, ekinaren 30etik aurrera, Tamara Garcíak idatzi eta zuzendu duen sei ataleko lana. Elkarrizketen eta artxiboko materialaren bidez, ikusezin bihurtu diren narratibak azaleratzen ditu, collagean oinarritutako proposamen estetikoa erabilita.
Arte Ederren Bilboko Museoak Placido Arango omenduko du fase berriaren inaugurazioan
Placido Arango izango da Arte Ederren Bilboko Museoaren berrirekitzearen protagonista nagusia, seme-alabek utzitako eta Pradoko Museoarekin batera antolatutako erakusketa bati esker. Erakusketa urriaren 5ean inauguratuko da Arte Ederren Bilboko Museoan, eraikina handitzeko lanak amaitu ondoren.
Euskal Museoaren klaustroa, musika, dantza, zirku, herri kirol eta bertsolaritzaz beterik barikuetan
Plazara ekimeneko jardueretarako sarrera 3 euroan dago salgai, Bilboko museo zaharberrituaren webgunean. Aukeran konpainia eta Nerea Ibarzabal, Oihana Bartra, Miren Amuriza eta Uxue Alberdi bertsolariak arituko dira, besteak beste.
“Gorputz geometrikoak” erakusketak Nora Aurrekoetxea eta Larry Bell gonbidatu ditu, Chillida intepreta dezaten
Chillida Lekuko erakusketa berria Estela Solana komisarioak gidatu du, eta ibilbide bat proposatzen du Eduardo Chillidaren obraren aroetan zehar, lehen lan figuratiboetan hasi eta hiru dimentsioko espazioak sortzen dituzten arkitektura kutsuko azken lanetaraino. Chillidaren obrak Nora Aurrekoetxearen eta Larry Bellen pieza banarekin lagunduta ageri dira. Ekainaren 25etik urriaren 26ra egongo da bisitagai.
Guggenheimek Philippe Parrenoren eta Carmen Herreraren atzera begirako erakusketak egingo ditu 2027an
Guggenheim Bilbao Museoa Fundazioaren Patronatuak bilera egin du bart museoan, eta datorren urteko programazio artistikoa aletu dute bertan. 30. urteurrena dela eta, bilduma propioaren aurkezpen berri bat ere lantzen ari dira.
Publikoak asteazkenean ikusi ahal izango du Arte Ederren Bilboko Museoko atari berria
Museo zaharberritua urriaren 5ean ireki aurretik, publikoak asteazkenean, ekainak 24 (10:00-20:00), ikusi ahalko du, salbuespen gisa eta hitzordua hartu beharrik gabe, eraikinaren atari berria. Francisco de Durriok Arriagaren omenez egin zuen eskultura berriz jarri dute, eta ikusgai daude, halaber, Topalekua, Eduardo Chillidarena, eta Bilbao, Richard Serrarena.
David Hockney britainiar artista zendu da
Margolariak, Erresuma Batuko pop artearen izen handietako batek, 88 urte zituen.