Getxophoto, bidaietan murgiltzeko prest
Datorren ostegunean, irailak 3, Getxophoto Nazioarteko Argazki Jaialdiaren bederatzigarren edizioa hasiko da, Begihandi elkarteak antolatuta. 'Bidaiak' izenburupean egingo da aurtengo jaialdia, eta urriaren 4an amaituko da.
Jarduera nagusiak lehenengo asteburuan bilduko dira, irailaren 3tik 6ra, eta 'Opening' izeneko inaugurazio ekitaldiarekin abiatuko da jaialdia. Christian Caujolle komisarioa, egile parte-hartzaileak eta ekitaldiari musika jarriko dioten Gari eta Jon Aguirrezabalaga (We Are Standard) musikariak egongo dira bertan.
20 egile konprometitu
Oraingo honetan, nazioarteko 20 egilek baino gehiagok bidaien inguruan duten ikuspuntua eskainiko dute, eta, beste urte batez, esparru publikoa erabiliko dute euren argazkiak erakusteko.
Christian Caujolle Getxophotoren komisarioaren arabera, hiru dira Nazioarteko Argazki Jaialdiaren ezaugarri nagusiak: jarduera artistiko bat egiteko esparru publikoaren erabilera, publikoarekin sortzen den elkarreragina eta erakusten diren joera anitzak.
Ereaga hondartzatik Algortako Portu Zaharreraino doan ibilbidean erakutsiko dira lan gehienak. Algortako goiko aldean, baina, erakusketa aretoetan eta eraikin publikoetan egongo dira ikusgai. Aurten egitarau "sendoa eta aberatsa" osatu dela aurreratu du Getxophotoren zuzendariak, Jokin Aspuruk.
Elena Coria Getxoko Udaleko zinegotziak adierazi duenez, "Udal Taldearen jarduteko ildo estrategikoekin guztiz bat dator Getxophoto. Getxoko jarduera kultural berriaren helburuetako bat krisialdiaren aurrean kultura garapenerako aukera bezala sendotzea da. Horretarako, ekarpen kulturalaren aldeko apustua egiten dugu, hala nola, Getxo markak duen erakargarritasuna eta jarduerak aurrera eramateko elkarlan publiko-pribatuaren aldekoa. Getxophoto Begihandi elkarte antolatzailearen eta Udalaren arteko kolaborazio arrakastatsuaren adibide garbia da".
Zure interesekoa izan daiteke
"Gaizkia. Auschwitz 1945 - Gaza 2025" erakusketa, EHUren Arabako campusean
Gaizkia. Auschwitz 1945 - Gaza 2025 Artur Heras artista valentziarraren erakusketa inauguratu dute Euskal Herriko Unibertsitatearen (EHU) Arabako campuseko Unibertsitate Pabiloian asteazken honetan. Anacleto Ferrer komisario duen erakusketak genozidioak salatzen ditu, "begirada artistiko konprometitu eta ausart batetik". Gasteizen apirilaren 30era arte egon ondoren, erakusketa Bilboko Esperientziako Geletan izango da ikusgai, maiatzaren 6tik 22ra, eta Donostiako Karlos Santamaria liburutegiko Txillardegi aretoan, maiatzaren 27tik ekainaren 30era.
Jesus Jauregui bilbotar artistaren "gorpuztasun zalantzagarria", Bilbon ikusgai
EHUren Bizkaia aretoko Chillida gelak Anthropos erakusketa hartuko du apirilaren 14tik maiatzaren 7ra. Jesus Jauregui artistaren hitzetan, Anthroposek gizakiari buruzko ikuspegi berezia proposatzen du, "gure existentziak eragiten duen harridurak eta osatzen gaituen gorpuztasun zalantzagarriak markatua".
Sarrerak erdi-prezioan gaur arratsaldean Guggenheim museoa bisitatu nahi dutenentzat
Gaur da azken eguna "in situ: Mark Leckey. Eta hantxe zegoen hiria bere bikaintasunean" erakusketa ikusteko. Hori dela eta, 16:00etatik 19:00etara bertaratzen direnek % 50eko deskontua izango dute sarreran.
Guggenheim museoak 24.400 bisitari jaso ditu Aste Santuan
Ostegunetik astelehenerako tartean, ostirala izan zen egunik jendetsuena.
Gernikako Udalak ere "Gernika" artelana lekualdatzea eskatu du, bonbardaketaren urteurrena dela eta
Udalerriko alkateak azpimarratu du "Gernikako herriak" berak nahi duela Picassoren artelana aldi baterako lekualdatzea. Jaurlaritzak duela gutxi egin zuen eskaera, baina Reina Sofia Museoak ez du onartu, kontserbazio arrazoiak tarteko.
"Erresonantziak" dokumental saila, Esther Ferrer eta Mari Puri Herrero artistei begira
EITBk eta Artiumek Mari Puri Herrero (Bilbo, 1942) eta Esther Ferrer (Donostia, 1937) protagonista dituzten bi lan dokumental aurkeztu dituzte. Publiko berrien artean kultura garaikidearen dibulgazioan sakondu nahi du dokumental sortak, eta ETB On atarian daude ikusgai. Herreroren atalari Uxue Alberdik jarri dio ahotsa, eta Ferrerenari Marina Suarezek. Hurrengo atalak Gema Intxaustiri eta Itziar Okarizi eskainiko dizkiete.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.
Javier Ortiz de Guinea gasteiztar margolaria zendu da
Arabako paisajista eta erretratugileak 79 urte zituen, eta haren lanak, besteak beste, Arabako Arte Ederren Museoko eta Eusko Legebiltzarreko hormetan daude zintzilik.
Reina Sofiak baztertu egin du "Gernika"Euskadira ekartzea
Bonbardaketaren 90. urteurrena dela eta, Eusko Jaurlaritzak koadroa epe batez Euskadira ekartzeko eskatu ondoren, Reina Sofiak txosten tekniko bat argitaratu du, margolanaren egoeraren azterketa sakon batekin. Horren arabera, "ez da inolaz ere gomendatzen hura lekualdatzea".
Oteiza eta Basterretxea, elkarrekin, “Espazioaren arazoa” erakusketan
Oteiza Museoak Nestor Basterretxearen eta Jorge Oteizaren arteko harremana aztertzea proposatzen du erakusketa berri batean; biek partekatutako tokiak, proiektuak eta gertakariak aintzat hartuz. 80 obraz, filmaz, jatorrizko material dokumentalez eta argazkiz osaturiko multzo zabal baten bidez, bi sortzaileen ibilbide bateratua erakusten du. Martxoaren 26tik abuztuaren 30era egongo da ikusgai.